我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“有情調西餐廳”

Season Oyster & Wine Bar
香港排名第3,788 (共14,645家餐廳)
周圍地區: 維多利亞公園
餐廳詳細資料
周圍地區: 維多利亞公園
4 週前評論

今日約咗朋友收工後嚟銅鑼灣食晚飯聚舊,之前幫襯過尖沙咀山林道走平民路線的蠔吧「Season Plus」,感覺非常之好, 今次就決定試下信德街呢間分店。

門面好有格調,用上一排大型的落地玻璃作設計,再襯以招牌上的人造草皮裝飾,一片綠意央然,令人耳目一新。

先看餐牌,食物分門別類,簡單易明,而且每頁均附有菜式相片,相當精美清晰。除了主打嘅生蠔外,還有前菜、小食、主菜、海鮮、炸物等。飲品方面,以酒精類為主,當然也有汽水、柚子蜜及果汁等供應。

友人想吃西冷,而我就睇中咗波士頓龍蝦同比目魚,一於三樣都點齊,大家開心 Share。

牛油焗比目魚扒 ($88) 率先送上,魚扒共有 2 塊,件頭中等,香煎後再放入焗爐內烤焗,配以煮至焦香的牛油汁。魚肉雪白肥美,味道不會過濃,食落完全無雪味。牛油汁液滲進魚扒內,令到魚肉滑嘟嘟,滋味無窮。旁邊的的沙律菜,味道亦唔錯,簡單以黑醋汁伴吃,新鮮爽脆。

芝士焗原隻龍蝦 ($168),龍蝦以平底煎鍋盛載,上檯時熱辣辣、香噴噴,引人食慾。叉起蝦肉,肉質爽滑有咬口,非常鮮甜,趁熱拉住邪惡的芝士絲入口,芝士醬汁在口腔中爆發,夠曬 Creamy,啖啖滋味!

壓尾送上的美國特級安格斯西冷 ($198) 水準亦唔錯,點了 7 成熟,火候控制得很好,外微焦、內肉嫩,入口唔會韌,肉味濃郁,加上肉汁又夠豐富,誠意十足。配吃的薯角質素亦不俗,薯味頗濃,食落唔會好硬身,外脆內鬆化。

飲品方面,朋友點咗杯忌廉 ($18),而我就揀咗杯凍蜂蜜柚子蜜 ($28),柚子蜜冰涼清爽,帶柚子的微酸,味道天然清新,啱曬我口味。

造訪日期: 2020年11月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (23)
旅客評等
旅客類型
月份
語言

5 - 9 則評論,共 23

2020年10月25日 透過行動裝置

有天經過這間餐廳,看到差不多每枱客人都品著酒嘆著生蠔,結果就被吸引進去了 餐廳雖然位於銅鑼地段,但食物的價位意外的很親民‼️

試了精選生蠔(南非) $9/隻 有咸咸的海水味及鮮甜味,質感非常不錯,雖然size不大但只賣$9/隻,性價比極高
另外還試了法國生蠔(No.0) $39/隻 外型很巨大,和朋友不禁 '嘩' 了一下‼️ 法國No.0蠔肉肥美,吃下有脆口的感覺,味道很鮮甜,吃完齒頰留香‼️

$298 烤焗海鮮拼盤 這個拼盤陣容很豐富‼️有芝士烤原隻龍蝦、巴馬芝士烤扇貝、蒜蓉翡翠螺、芝士黑松露大啡菇、牛油蒜蓉虎蝦
龍蝦烤得過乾,有點小失望 牛油蒜蓉虎蝦意外的好吃‼️香香的牛油配濃濃的蒜味,彈牙的虎蝦吸收了兩者的香味,味道很驚喜喔❣️

$128 牛油蒜蓉蜆肉意粉 店員一端來就聞到香噴噴的味道 蜆肉鮮甜,每條意粉都吸收了牛油、蒜蓉濃烈的醬汁,看似很簡單的菜式但味道很棒

餐廳其中一位女店員的服務態度很好,她留意到客人的需要,有禮貌又細心❣️

造訪日期: 2020年10月
感謝 msfoodloverr
該評論乃TripAdvisor會員主觀個人意見,不代表TripAdvisor LLC公司。
2020年10月19日

餐廳位置比較隱蔽都係經過朋友介紹先知道呢一間餐廳原來佢係位於中央圖書館附近,而且聽我朋友講佢性價比亦都幾高

睇返餐牌其實好多都係飲酒為主嘅 所以鍾意得閒摸吓酒杯傾吓心事或者想飲番兩味嘅朋友絕對可以嚟到試一試 另外鍾意食生蠔嘅朋友就有福了呢一間餐廳嘅生蠔絕對唔貴$50就有半吧簡直係抵食呀!heart 不過今日我哋有揸車關係所以就冇飲到酒亦都冇食到生蠔嘅我哋今日就決定要食啲熟野

呢個係日本熊本霜降西冷 分量十足好想炸薯角同埋沙律非常豐富! 肉質好鮮嫩而且好
之後仲叫咗份白酒煮蜆 蜆肉非常之大粒,而且酒味好香, 係一道非常之開胃嘅前菜 另外我哋仲叫咗一份芝士焗龍蝦

龍蝦好大隻 有差唔多我兩隻手掌嘅長度! 配埋香濃嘅芝士 感覺雖然邪惡但係冇理由唔食掛!smileheart 呢間餐廳真係好值得我哋會再嚟因為係一個飲酒食飯嘅好地方

造訪日期: 2020年10月
    • 划算度
    • 服務
    • 食物
感謝 lam994chi
該評論乃TripAdvisor會員主觀個人意見,不代表TripAdvisor LLC公司。
2019年7月10日 透過行動裝置

銅鑼灣一向都係美食嘅集中地,今日收工之後約咗一個朋友喺銅鑼灣買嘢就順便去咗呢間專食生蠔嘅餐廳食飯。

我哋叫咗一個好抵食嘅廚師精選二人套餐,有前菜生蠔小食主食同埋飲品,都只係680。

前菜方面,我哋叫咗一個芝士黑松露焗蘑菇,蘑菇香軟多汁,10分好食。

至於呢度嘅主打生蠔,跟餐嘅係四隻美國中碼生蠔。身為蠔迷嘅我哋梗係要再叫另外嘅生蠔試吓,我哋分別叫咗價錢相宜嘅精選生蠔同埋比較貴嘅南非生蠔。精選生蠔雖然價錢比較平,但係都算係肥美,蠔味係比較淡,但係呢個價錢真係超值。
至於中碼生蠔肉厚鮮甜,鍾意食好嘅可以過足口隱。最貴嘅南非生蠔無論礦物味同埋肉質都相對出色比得上一般來自法國嘅生蠔。

小食方面,一共有四樣,分別係巴馬臣芝士焗扇貝,日式佐酒支豆,海膽芝士多士同埋我認為係今晚最出色嘅一道菜白酒煮馬尼拉蜆。

基本來講小食都有一定嘅水準,但當中最好食嘅一定係白酒煮蜆,蜆肉超級鮮甜,而且10分大隻,係我最近食過最好食嘅白酒煮蜆。

主食方面分別有意大利肉醬千層麵同埋安格斯西冷牛扒。其實食到呢度已經相當之飽,佢嘅肉醬千層麵份量甚多,而且面質彈牙。牛扒相對論來講就比較普通,同一般出邊食到嘅差唔多。

唔記得咗講呢個餐其實仲會送一支紅酒或者白酒,大家都知道白酒配生蠔係一大享受,呢度嘅白酒比起一般喺超級市場買到嘅好飲可以更加帶出蠔嘅鮮味。

造訪日期: 2019年6月
感謝 ant_kaon
該評論乃TripAdvisor會員主觀個人意見,不代表TripAdvisor LLC公司。
2019年6月26日 透過行動裝置

Season Oyster呢間餐廳已經唔係我第一次幫襯,每逢喜慶或者開心時,都會嚟呢度慶祝一番,無他嘅,抵食又有質素,環境又好尤其是呢個二人餐,真係西餐之中嘅九大簋,我數過足足有九樣嘢,呢個價錢真係平到你唔信,而且仲可以揀一支白酒或者兩杯不含酒精嘅飲品,啱晒有選擇困難嘅朋友前菜挪威煙三文魚沙律和芝士黑松露焗大蘑菇,煙燻嘅三文魚依然保留着魚肉嘅香味,健康嘅沙律菜爽甜美味,大大隻蘑菇Size足足有手板咁大,上面嘅黑松露好香,上枱嘅時候黑松露同埋芝士嘅香氣四溢,未食已經流口水,絕對要用刀叉來享受,大蘑菇嘅肉汁非常Juice,呢兩份前菜非常之好味四隻生蠔,即叫即開,非常新鮮,根本不需任何醬汁,就咁原隻品嚐,鮮甜肥美,海水味十足,可以加少少檸檬汁提升鮮味另外四款小食包括日式佐酒枝豆、巴馬臣芝士焗扇貝、燒海膽芝士多士和白酒煮馬尼拉蜆巴馬臣芝士嘅味道好濃烈,和扇貝好夾,完全沒有蓋過扇貝嘅海鮮味,層次感非常豐富,一人一隻,好滿足[色]白酒煮蜆,主角是馬尼拉新鮮運到的蜆,特別肥美飽滿又多汁,鹹咸味適中,正還有Main Course兩款,意大利肉醬千層麵、美國特級安格斯西冷,食到呢度,足足食咗九個菜,嗰種滿足程度,非筆墨所能形容咁好嘅環境,連埋飲品,埋單都唔使$700元,可惜今日我揸車嚟,如果唔係就梗係嘆番一支白酒,就更加Perfect

造訪日期: 2019年6月
感謝 bearbear368
該評論乃TripAdvisor會員主觀個人意見,不代表TripAdvisor LLC公司。

去過Season Oyster & Wine Bar嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
US$USD
台灣
© 2020 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。