鮨亭，位於屯門，望落係黑色既餐廳一間，一開門，超有日本居酒屋feel精緻舒適日系感覺，自在之餘有啲溫情咁，坐左sushi bar枱，真係有魚游緊！！ 就梗係唔係食既魚啦，係對住個魚缸好多熱帶魚好靚又可以望住師傅整刺身壽司餐廳就係刺身壽司加居酒屋特色食物，好多選擇，午市丼飯套餐睇落好吸引✨

勞蘇食推介 —— #特上拖羅丼 上枱一set既套餐，好整齊好靚，麵豉湯飲品都正常，主菜刺身飯，大碗又靚，睇住佢砌真係一個享受三款拖羅加上#拖羅蓉，未食都覺得正#大拖羅，見到忍唔住即刻食，油份好足，又香又好味，一食成口呑拿魚味好正#中拖羅，完全無根，有肉又夠魚油，都好正(其實赤身都好正，肉質好味)呑拿魚蓉都好鮮，油脂夠，撈埋飯非常正魚味同魚油都好正，好好好好味既刺身丼

#三文魚親子丼，真實比餐牌仲靚，都係成個套餐上，小食係炸餃子，以為普通野，點知都幾好味外脆內軟，#三文魚 都幾豐富，厚身，三文魚夠大塊好緊要，有滿足的感覺☺️三文魚配飯加啲#三文魚子，一啖食落去，幾種口感，一個味道，就係三文魚味，幾正食極唔厭既味道

整體來講丼飯套餐就係吸引好豐富而好滿足，特上拖羅更係極品居酒屋既溫暖感覺、師傅既技術同睇表演、刺身既新鮮同味道、魚樂無窮既小水族館都相當唔錯好想再食其他

#再食一定有更好推介

lotsoeat @instagram @facebook
@openrice @tripadvisor @google

鮨亭 (屯門)
屯門青善街22號康景花園地下3-4號舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
位於小曼谷附近嘅日式餐廳我諗大家都有聽聞過佢個名，其實我以前成日都嚟食㗎，因為當時嘅自己嘅舖頭選址就喺附近。成日都會同朋友去呢度食晚餐今日突然之間諗唔到食咩行行吓又好掛住，所以就N訪。坐左係魚缸吧枱位置，睇住啲魚游來游頭，好解壓

-角切刺身和風沙律 $90
師傅將刺身切成正正方方大小，一口一粒。有甜蝦、三文魚、油甘魚、同埋八爪魚刺身配埋底下嘅沙律菜同埋三文魚子一同食用‼️超級開胃，鮮味十足。三文魚子好鮮甜。

-時令刺身薄切 $288
今日嘅刺身係手釣池魚、天然真鯛同埋深海池魚。共有16片，切成薄片真係考師傅嘅功力！一睇就知師傅功力深厚薄薄一片完全冇難度
手釣池魚肉質較為結實，魚味較重。
真鯛肉質帶有粉紅色，甘爽鮮甜，吃後齒頰留香，
深海池魚肉質鮮嫩肥美，脂厚油香，入口魚油甘香細膩。
師傅特登去買咗有少少檸檬汁嘅豉油俾我哋，更加能夠提鮮。

-鮪魚壽司拼盤 $268
有大拖羅、中拖羅、赤身、火灸大拖羅、火炙中拖羅同埋拖羅蓉小卷我自己就最鍾意嗰火灸大拖羅‼️油脂細膩豐富、魚香濃郁、入口即化。中拖羅就油分適中而無筋赤身含脂量少、肉質實、有咬口。

-滑蛋饅魚丼 $128
大份夾抵食！鰻魚已經切好同埋滑蛋一齊炒！有勁多鰻魚汁撈埋一齊。每一啖飯都可以食到鰻魚同埋蛋，仲有啲菇同埋筍做配搭，成碗飯暖笠笠食到好飽

-三文魚子甲羅燒 $68
上枱時香氣不斷湧出，鹹甜適中、鮮味濃郁好想叫多碗飯拎黎撈 蟹蓋裡滿滿的蟹膏，愛了愛了

-巨峰乳酸 $48
勁大杯超抵飲，好香嘅巨峰提子味，甜甜香香。

-柚子檸檬梳打 $48
用左柚子蜜再加檸檬同埋梳打，有少少果肉。

想繼續睇我分享唔同嘅嘢就 @gladysfoodie
如果大家有其他餐廳推介可以

#hongkong #yummy #foodie #hongkongfoodie #dinner #hkfoodie #香港美食 #delicious #tasty #food #followme #餐廳推介 #hkfoodklogger #hkfood #食好西#love #TagsForLikes #TagsForLikesApp#TFLers #tweegram #photooftheday#gladys屯門美食#屯門美食

屯門區搵日本餐廳，看到這間網上評分蠻高的，決定訂枱和家人一行八人晚餐！6:30抵達餐廳已經坐滿一半人，餐廳不大，算乾淨整潔。立刻點了食物，惡夢開始，等了大概半小時才上刺身，每個餐每道食物都分開上，壽司拼盤又等了大半個小時，中途漏單沙律遲遲未上，熱盤又等了半個小時，最後炒雜菜和鰻魚炒飯又點餐開始兩個小時都還沒有上菜，整餐飯吃了兩個小時45分鐘！其他枱很多人都催促，聽到有些人取消食物。可憐的是我們叫的全部是二人餐四人餐，想取消都不行！雖然店員有說不好意思，結帳時再次跟我們說只有兩個廚師一個是新上班的，但既然廚師不夠就不應該接受那麼多訂枱，完全趕不切上菜，食客由開開心心晚飯等到心情煩躁。真是令人太失望！加上食物一般，價錢也不便宜喔！！！嚇怕了不會再來！

><
當晚去到大部分枱都被預約咗
好彩bar枱仲有位

平時都唔會主動要求坐
難得今次有機會可以睇到師傅表演

海鮮拉麵($85)
有青口 蝦 帶子 乾淨冇沙沙聲
拉麵都爽彈 當然有唔少得嘅鳴門卷 海藻
雖然唔係溏心蛋 但都有味醂醃過?! 甜甜嘅味

蔥碎吞拿魚腩壽司($32/2)
魚蓉同壽司飯 外觀上望比例係1:1
><><><><><><><><><><><><><
鮨亭 Sushi Tei
屯門青善街22號康景花園地下3-4號舖

去食嘅時候係夜晚10點左右、入面已經冇晒客人，其實都真係幾夜、 冇計啦！打工仔係呢啲時間先返到屋企！
叫咗個九州拉麵、 味道還可以，不過不失，甲羅蟹膏蟹柳泡飯，蟹膏都幾多！清酒煮蜆，有啲沙囉⋯⋯唔夠乾淨！野菌天婦羅，最好食係呢個！整得唔錯！唔會太粉。
整體來講， 可以做得更好√！
到最後last order ,我哋都冇再叫野，不過我哋淨係坐咗一個中，就要我們離開了， 佢話11pm要滅蟲，咁我哋就梗係客氣地離開啦！點知俾我哋發現左原來唔係，只不過係趕住收工！係有啲俾人呃左嘅感覺。