我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“鳥居居酒屋”
鳥居居酒屋的評論

鳥居居酒屋
訂位
香港排名第709 (共13,795家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
3 週前評論 透過行動裝置

第1次黎呢間居酒屋食野, 十分驚喜滿意. 雖然係呢到食下串燒飲下酒, 加加埋埋都唔算平, 但食物質素好好, 當日雖然係平日, 但都叫幾full幾多人, 可見佢都幾受人歡迎.
鮮菜沙律 $36
前菜, 有椰菜青瓜紅羅白, 可以點本身會跟位配既味噌醬.
黃芥辣雞肉串 $64/2串
黃芥辣上面加左D薯片碎, 加埋雞肉串食, 好夾!
露荀豬肉卷 $68/2串
食左咁多肉串, 叫左呢個有D蔬菜係中心, 清除油膩感.
聖子皇 $88
聖子皇配蒜蓉燒, juicy鮮甜!
明太子墨魚棒 $116/2串
有好多墨魚粒, 有咬口!
鹽燒法國藍蝦 $78
鮮甜爽口有汁, 唔會overcook, 推介!
呢一餐, 我同朋友都好滿足呢! =)

造訪日期: 2020年5月
感謝 Passport12345678
該評論乃TripAdvisor會員主觀個人意見,不代表TripAdvisor LLC公司。
發表評論評論 (31)
旅客評等
旅客類型
月份
語言

1 - 5 則評論,共 32

2020年4月18日

今天與好友相約吃飯,順道想小喝幾杯,在網上尋找餐廳時發現這間串燒店,食物選擇類型繁多,又能喝酒,正符合我要求,而且好評眾多,便與朋友到此進食。

石鎚槽搾純米大吟釀
以古法壓榨的酒液,味道純淨清新,爽醇味香,入口散發著蘋果的香氣,尾韻清爽鮮美,帶有微微的酸味。

七本鎗純米大吟釀渡船
酒香強烈而帶辛口,味道輕柔鮮美,口感快緻清爽,而且製作技術令酒體保留原味,能嘗到濃郁而豐富的米飯味道。

鈴鹿串純米大吟釀
以低溫飲用,酒質豐郁,味道柔和,香氣濃郁,入口後味道在口中漫延,舒暢的香氣會慢慢在鼻腔裡散開。

蒜蓉牛油燒蟶子
餐廳正在做優惠,燒蟶子減至$88,我們便點了兩份品嚐。燒蟶子新鮮肥美,鮮甜彈牙,配上香蔥、牛油及蒜蓉,味道更香濃惹味,鮮味十足,而且細心地把蟶子剪開,以方便進食。

味噌龍蝦燒
龍蝦亦是餐廳的優惠菜式,我點選了一份。龍蝦燒至色澤金黃,肉質厚實肥美,新鮮彈牙,味道鮮甜嫩滑,燒製過的龍蝦膏甘香味濃,配上自家製的味噌醬,鹹甜兼備,龍蝦鮮味更為突出。

燒味噌半殻蠔
燒製後的半殻蠔肉質肥美,入口依然保持多汁,口感爽滑鮮嫩,蠔味十足,配上醬汁及煙肉碎,味道更香口惹味。

西京鯖魚
鯖魚來自日本三重縣,選用燒製方式製成,魚皮香口惹味,魚肉雪白嫩滑,味道清新,絲毫沒有魚腥味,配上特製的柚子胡椒醬及檸檬汁,味道更是豐富。

明太子雞翼
雞翼貼心地去了骨,內餡釀滿了明太子,味道鹹香惹味,雞肉嫩滑鮮美,烤得香口,兩者味道配合恰到好處。

雞心
雞心口感彈牙爽口,富有嚼勁,入口有股焦炭的香味,而且沒有任何腥味,是很適合用作下酒的小食。

白鱔
白鱔肉質細嫩,厚實肥潤,外層燒至微脆,入口外脆內軟,魚肉鮮甜彈牙,嫩滑鮮美,而且貼心地去除魚骨,進食更為方便。

三文魚茶漬湯泡飯
湯底用綠茶及木魚煮製而成,入口茶香微甘,配上適量的青芥末,味道帶輕微的辛辣芳香,味道配合恰好,三文魚肉質細嫩鮮美,濃郁甘香。

其他的串燒亦相當出色美味,食材均十分新鮮,燒製時間亦恰到好處,食物製作方式及調味亦相配。因品嚐的串燒類型眾多,其餘就不作太詳細的評論了。

整體而言,環境舒適衛生,裝潢以木材為主元素,富有日本風味,而食材均十分新鮮,製作出色,還可以與朋友小酌幾杯,是與朋友相聚的好地方。

造訪日期: 2020年4月
    • 划算度
    • 服務
    • 食物
感謝 PatrickCheung0502
該評論乃TripAdvisor會員主觀個人意見,不代表TripAdvisor LLC公司。
2020年4月5日 透過行動裝置

今晚突然好想食燒物
就嚟咗朋友介紹嘅呢間餐廳
裝修好有日本嘅感覺
好似去咗日本樓上啲居酒屋
.
因為我哋想靜靜地傾偈所以就唔坐吧枱

蟹肉芝麻凍菠菜
呢個前菜有驚喜
胡麻醬配上蔬菜同蟹肉
味道十分之夾 而且呢個係凍盤
食完之後好開胃
.
明太子玉子燒
玉子燒係出色嘅
蛋嘅甜度係我口味
食落去仲有少少蛋汁唔會好熟
配上明太子味道提升不少
.
小小咖喱飯
愛飯之人唔可以冇澱粉質
呢個咖喱飯微辣 入面仲有啲牛肉絲
不知不覺就食晒成碗
.
黑牛頂葉片 鶏皮蝦卷 厚切牛舌
我哋點嘅串燒大部份都覺得好食
火候啱啱好
可惜今日唔舒服唔可以飲酒
因為呢啲串燒送酒應該係一絕
.
最後食埋甜品
千層蛋糕同蘋果雪葩
為呢餐滿足嘅晚餐畫上圓滿嘅句號

造訪日期: 2020年4月
感謝 Michellekwk
該評論乃TripAdvisor會員主觀個人意見,不代表TripAdvisor LLC公司。
2020年4月1日

一向行事低調既我,就算做D咩都好,都習慣左
唔太鍾意周圍同人講,如果我係古代人,
一定會係匿埋係深山果種人在野。但係我又好鍾意
食野喎,如果唔係伏既,又無理由唔同人分享咖?
所以今晚黎到銅鑼灣呢間隱世居酒屋「鳥居居酒屋」,
由漁獲浜燒姊妹檔拍住上,以海鮮同埋串燒聞名。
餐廳亦因為疫情做足哂保護措施,幫食客量體溫
同瞬間提供酒精搓手液,呢點抵讚!
-
紐西蘭蟶子皇 - $88(激安價)
一定要點既蟶子皇,趁佢做緊激安優惠價,
即刻整返兩隻就梗咖啦。賣相就夠哂大隻,
用左蒜蓉、牛油、蔥花鋪面,味道新鮮得黎
又夠香口。食落肉質夠厚身,唔會好韌,
而清潔方面都處理得唔錯,食唔到有沙,
果然係蟶子皇!
-
味噌燒活帆立貝 - $158
另一主打既燒帆立貝,用左自家製既味噌醬黎燒,
表面燒得帶少少焦香,裡面食落仲保持到豐富既
肉汁。而帆立貝肉質鮮甜彈滑,唔會太鹹,岩岩好。
-
味噌龍蝦燒 - $288(激安價)
另一激安推介就係呢味龍蝦燒,將龍蝦開邊塗上
味噌醬放上明爐,燒出黎味道香濃,但唔會搶走
本身龍蝦既鮮味。表面見到蝦膏佈滿哂係個殼到,
入口非常香滑甘香,而龍蝦肉質新鮮爽甜,
配合埋味噌醬,兩者相輔相成,
真係非常好食,無可挑剔!
-
明太子釀雞翼 - $58
黎到小食方面,我幾鍾意呢個釀雞翼,
表面睇落脹卜卜,外皮炸得好香脆。食落肉質
濃香唔乾身,質感嫩滑,而另一亮點係大大粒
明太子釀係裡面,一啖食落鹹鹹鮮鮮,
令成個味道更加豐富。
-
明太子玉子燒 - $108
即叫即燒果然零舍唔同,呢個玉子燒中間夾雜
海量級既明太子,相當豐富。燒既時間適中,
唔會令裡面太熟,咬落蛋汁仲流到出黎,
蛋味配搭明太子既香幾夾,唔錯。
-
味噌燒半殼蠔 - $78
除左生蠔,另外最令我陶醉就係黎燒,同樣用左
味噌醬一齊燒。表面再加左少少芝士,份外香濃,
但唔會搶走蠔肉既鮮甜。而蠔肉賣相肥美軟滑,
食到幾個鮮味既層次,連蠔汁我都唔放過呀。
-
西京燒鯖魚 - $108
除左本身餐廳提供既餐廳外,係牆上仲見到
掛住黑板,寫左一系列由廚師推介既是令當造食材。
而呢晚呢個燒鯖魚亦係我幾期待之一,
呢到既鯖魚肉質非常嫩滑,夾開唔會散收收,
油香出好突出,睇得住師傅燒既功架。
-
串燒 -
▪ 雞心 - $34
▪ 燒白鱔 - $48
▫ 黎得居酒屋,無理由唔整返兩三燒串燒既,
前者既燒雞心係平時好少食到,食落無內臟果種腥味,
外層燒得香脆乾身,裡面爽口多汁,唔錯;
白鱔肉厚彈牙,食落啖啖肉之餘,外脆內嫩,
加埋油香,成件事更加惹味。
-
食事 -
▪ 小小小咖喱飯 - $38
▫ 餐廳新推出既咖喱飯,以細小既Size滿足一下
我呢d澱粉質愛好者。典型既日式咖喱,
食落帶少少辛辣,加埋必備既薯仔,入口軟腍,
整體幾有驚喜。
-
▪ 三文魚茶漬湯泡飯 - $58
▫ 一大碗珍珠米,混合大量既三文魚碎、海苔,
入口帶有茶香之餘,湯底夠清甜。加上淡淡既
三文魚香,配搭海苔既鹹香,有另一番風味。
-
石鎚 · 槽搾 · 純米大吟釀 - $750 (720ml)
成晚另一亮點就係呢枝世界級清酒,佢既精米
含量高達五成,以酒精成低黎講,絕對唔低。
而入口醇度極高,分別飲得出米香同果香,
相當濃厚,完全係我最愛。不過我會建議
兩至三位男士share會更好,
否則應該返唔到屋企,哈!
-
鳥居居酒屋
銅鑼灣軒尼詩道525號澳門逸園中心17樓

造訪日期: 2020年4月
    • 划算度
    • 服務
    • 食物
感謝 lankiman6330
該評論乃TripAdvisor會員主觀個人意見,不代表TripAdvisor LLC公司。
2020年3月22日

今日去到17樓的鳥居居酒屋!這間餐廳的串燒會令人食上癮!

入座就會有的鮮菜沙律, 我同男朋友還點了兩杯飲品, 因為打算食串燒才上來,所以他就點了汽酒我就點了梳打~ 飲品好大杯,對得住價錢

蟹肉芝麻凍菠菜份量足,好食, 麻醬似是自己調教過,沒有平常的那麼甜,後來見幾台客人都有點這個前菜,相信是餐廳的王牌前菜
牛油大啡菇大啡菇燒得很香,而且完全保留入面的水分
網燒活鮑魚鮑魚比想像中大隻,肉質實而爽,醬汁調教得剛好
燒三文魚頭, 三文魚味非常之濃沃!合埋眼食都知是三文魚,送酒佳餚!

終於開始上串燒XD
長勝將軍必食串燒: 厚切牛舌 相信是我食過最好食的燒牛舌!牛舌肉非常嫩,咬開牛舌表面的那層張力,爽口之餘一點也不靱!見到入面是半熟的嫩粉紅色,而且牛味非常之香!加上表面少少鹽的鹹味,有幸福慨感覺!!
串燒二: 黃芥辣雞肉串雞肉串上面有好多脆脆,豐富了雞肉的口感,雞肉有芥辣的味道,幾特別明太子玉子, 玉子燒的好香,咬到中間仲有少少蛋汁保存著, 明太子少少辣和本身的味道同玉子燒好夾

串燒三: 魷魚紫蘇卷這個串燒跟我們的想像有點出入, 我們想像是紫蘇葉包住魷魚的, 但原來是魷魚包住紫蘇葉… 魷魚相當結實彈牙,非常之濃郁的魷魚香味!加上面頭少少辣少少甜的醬汁,十分可口!不得不提的是紫蘇葉的味道非常濃烈, 接受程度真的因人而異, 我十分喜歡這味道,男朋友則覺得太濃, 吃完這個卷,整個口腔都是紫蘇葉的香味

串燒四: 雞丸 即是免治雞肉串配蛋黃撈豉油

串燒五:明太子墨魚棒 明太子辣辣地加埋墨魚膠打的非常彈牙, 令人食完想再食

串燒六: 雞翼一夜幹 熱辣辣,外皮燒得又香又脆,油脂都沒有了~

其實已經飽飽地,但男朋友貪得意…見到餐牌有一個叫做小小小咖哩飯…好奇有幾小小小…… 原來就是一碗仔咖哩飯,比正常份量小,似兒童餐的份量, 日本咖哩不會辣,咖哩汁混了一些咗肉碎和薯仔,所以一點也不單調,還幾好食…

最後,經店員推介我們竟然還吃了甜品…本身想試千層蛋糕,但怕太飽,所以我們點了雪葩…… 柚子雪葩, 賣相非常精緻, 每一啖雪葩都是柚子的味道,而且雪葩真的是雪葩, 不會吃到入面有一粒粒冰

男朋友的蘋果雪葩, 吃得出每一啖都是富士蘋果!甜品來說真的相當驚喜, 沒有想過居酒屋的甜品也做得這麼出色! !

結帳的時候都心知不妙……我們實在吃得太開心了XDDD
因為串燒都十分特別,有別於平日吃到的雞軟骨…雞肉串等等…每款也有一點不同,有一點特色,結果就點了很多cry竟然吃得哂,超級飽!臨走時看到旁邊客人吃的燒虎蝦也相當吸引呢! ! ! ! !

造訪日期: 2020年3月
    • 划算度
    • 服務
    • 食物
感謝 cherryfung001
該評論乃TripAdvisor會員主觀個人意見,不代表TripAdvisor LLC公司。

去過鳥居居酒屋嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單