我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“有質素點心中菜”
譽宴.星海的評論

譽宴.星海
香港排名第2,933 (共15,301家餐廳)
餐廳詳細資料
2021年4月9日 透過行動裝置

今個月未去過飲茶,在APM覓食發現在旁邊的中心有分店,所以我們決定去吃東西吧,之前吃過其他分店已經覺得不錯。店舖環境與其他分店差不多,也是有星海的裝修,感覺舒適涼快☺。
-
豐料老火湯,當天的是青紅蘿蔔湯,看到滿滿的材料就知用料十足。吃飯前先飲個湯,暖暖胃是個不錯的選擇。這個湯味道甜甜的,一壼有大約4-5碗湯。
-
點心拼盤,這個是二份量的拼盤,裡面有蝦餃/菜肉餃/燒賣/白糖糕。這幾款是傳統酒樓常見點心,我們間中也有點來吃。傳統中式點心的味道也不錯的,味道雖然簡單,但充滿香港情懷❤。
-
脆皮燒腩仔,這個菜我們也喜歡吃的,是傳統的中式燒味。燒腩仔的外皮脆卜卜,肉質肥瘦適中。口感煙韌,用來拌飯挻不錯呢。
-
杭州香醋一口骨,上菜的時候已聞到很香的味道,賣相和色澤挻好的。酸酸的醋配上口感脆脆的外皮,既滋味又開胃。肉質口感煙韌,還帶點油份在口腔散發著,整體味道不錯的。
-
福建炒飯,這個飯用料十足,裡面有雞肉/蝦仁/帶子/菜心等等。面頭鋪滿醬汁,令到賣相更吸引。醬汁吸入炒飯口感濕潤,材料多多口感豐富,吃完這個之後很飽。
-
吃飽之後就是上甜品的時間,這次有紅豆沙和椰汁紅馬豆糕,兩款甜品甜而不膩,為這頓飯劃上完美句號。這次點的是二人套餐,每位HKD$208。食物質素不錯,價錢中等。

造訪日期: 2021年4月
1  感謝 CHINGCHINGJAIII
該評論乃TripAdvisor會員主觀個人意見,不代表TripAdvisor LLC公司。
發表評論評論 (16)
旅客評等
旅客類型
月份
語言

1 - 5 則評論,共 16

2019年10月30日 透過行動裝置

The one 18 樓望住曬個尖沙咀既飲茶好地方
譽宴·星海
平時多數見人係到結婚擺酒☝原來佢地中午係有做飲茶點心

朋友提議黎個中式港女下午茶

就叫一d 比較有特式既點心

鮮蟹蟹肉豆苗餃橡生石榴餃
皮薄得黎唔會一夾就散
晶瑩剔透外面就望到入面係咩料
石榴餃!就姐係粉果

重可以問佢地拎辣豆瓣醬

蠔皇鮮竹卷
香蠔油味得黎唔會太咸☝皮炸脆左再用蠔油煮
三層既鮮竹外表,包住多料內心!
蝦粒大隻,香菇,豬肉等等

麥芽胚馬拉糕
麥香味好濃既,鬆軟馬拉糕!!而且係大堆頭一舊大個我手掌係兒時既味道再加健康既麥芽

甘筍流沙包
流沙包最緊要係爆醬全個都係蛋黃流心特濃☝係接近橙黃色既足料系列☝☺️唔係一般有d 係淡如水既所謂"流沙"

XO 醬炒蘿蔔糕
炒蘿蔔糕!正方形粒粒外面係XO 醬同金黃既外表!炒到6面都有d 脆口入面食得出絲絲既蘿蔔☺️

鳳液馬蹄糕
蛋汁煎到兩面黃既效果,入面就好煙韌,甜甜既馬蹄粒粒,爽口!甜甜地完結今日既點心之旅

造訪日期: 2019年10月
感謝 Ppchu360
該評論乃TripAdvisor會員主觀個人意見,不代表TripAdvisor LLC公司。
2019年10月30日 透過行動裝置

好少食中餐,通常食都係同長輩一齊食。今日就約左家中長老食好啲,去左呢間宴會式嘅中餐館食野。
中餐當然唔少得老火湯!味道唔錯,望到啲湯渣就知個湯有幾足料。雞腳,瘦肉,咩都有。
另外點左個拔絲菠蘿咕嚕肉,呢個餸送飯一流而佢真係冇改錯名,用對筷子夾起塊咕嚕肉真係有一條條拔絲拉到出黎!咕嚕肉嘅口感真係好鬆軟,但最估唔到嘅係佢嘅外皮會脆得咁緊要!呢種外脆內軟咁大反差真係好經典。
最後要讚下呢度嘅店員,可能因為佢地做開宴會,所以真係好有禮貌,招呼非常周到。呢一餐都算滿足。

造訪日期: 2019年10月
感謝 appledawin
該評論乃TripAdvisor會員主觀個人意見,不代表TripAdvisor LLC公司。
2019年8月15日 透過行動裝置

好朋友最近升咗職,今晚決定請佢食餐好嘅
揀咗比較近我同佢嘅觀塘區,大家返屋企都方便~
呢個好朋友比較鍾意食中菜,上次另外有個朋友喺呢度擺酒覺得呢度環境同食物都唔錯,所以今次食飯就諗起呢間中菜廳
我哋叫咗一個每位計嘅set,有總共六樣野
首先係個燒味拼盤,有海蜇,叉燒同埋腩仔~
叉燒半肥瘦都幾靚,醬汁唔會太甜
腩仔勁脆 連朋友咬落去我都聽到好清脆嘅咯咯聲,西利!
湯係花膠圓肉燉螺頭,好足料!!個湯好清甜, 有大大粒嘅瑤柱,花膠同螺頭完全冇腥味, 落咗瘦肉同雞,連啲雞都好滑,好飲
西蘭花帶子蝦仁好鮮味,帶子大大粒,蝦好爽口,西蘭花煮得啱啱好唔會太淋~
西施龍躉球既龍躉啖啖肉 底層應該係蛋白整成既,幾夾
乾隆石鍋炒飯我以為係廚房用石鍋炒完之後分開兩個細碗上,點知係一人一鍋 好抵食 炒飯粒粒分明又唔會好油,仲有好多元貝仔
最後甜品係紅豆沙,一見到個樣就覺得幾吸引 因為睇得出真係起沙,唔會係紅豆同水完全分開, 食落去就知冇令我失望,甜度又啱啱好
食呢啲宴會菜式好怕太鹹,但係呢度所有嘢都唔會太濃味太鹹,控制得好好,亦都完全唔覺得味精 朋友都好滿意

造訪日期: 2019年8月
感謝 vikolau730
該評論乃TripAdvisor會員主觀個人意見,不代表TripAdvisor LLC公司。
2019年8月7日

The One 譽宴星海無論環境,服務還是食物質數都令我有很深刻的印象!係18樓的譽宴星海可以飽覽整個維港的夜景!加上美味佳餚簡直是人生一大享受。

前菜蜜餞黑毛豬叉燒, 陳醋青瓜:黑毛豬叉口感非常燒鬆軟,加上黑毛豬脂肪油潤卻不膩口。青瓜酸酸的口感清甜十分開胃。

蠔皇五頭南非鮑魚:鮑魚口感十分軟腍,而且醬汁亦煮得非常入味及出色,食完後絕對令人念念不忙。

野生黃耳竹笙螺頭燉豬展湯:湯頭呈金黃色,清而不油!湯料的螺頭鮮味十足,加上湯水燉的時間比較長,鷄脚基本燉到入口及溶及化骨。湯水有滋潤及養顏美滋陰的功效!最適合我們女士。

牛油蔥香焗美國龍蝦:龍蝦肉質飽滿肥美!只是簡單使用了蔥和牛油已經將龍蝦的鮮味發揮得淋漓盡致。龍蝦肉爽口彈牙且鮮甜味十足。

甜桃露荀炒雙蚌:雙蚌爽口彈牙而且味道都極爲鮮甜,口感也是比較爽口!配搭露荀和桃露令色彩更豐富,增加食欲。

鮮茄桃膠煨鮮腐竹:餐廳原隻蕃茄煨腐竹桃膠,在用料方面餐廳絕對沒有手軟!桃膠分量非常多,而且對女士養顔是一流的。鮮腐竹有濃郁蕃茄味之餘口感非常順滑。

金瑤元貝蛋白炒絲苗:抄飯粒粒分明!口感豐富而且很夠鑊氣。

最後更有甜品桂花糕!!桂花糕清甜帶有花香,清清地很令人喜歡。

總結來講,譽宴星海是一間很有水準的中餐廳,加上無敵的海景!!簡直令人難以忘記。,

造訪日期: 2019年7月
    • 划算度
    • 服務
    • 食物
感謝 venususus
該評論乃TripAdvisor會員主觀個人意見,不代表TripAdvisor LLC公司。

去過譽宴.星海嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。