我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食物同服務都出色”

秋田浜燒食堂
香港排名第19 (共15,374家餐廳)
周圍地區: 尖沙咀
餐廳詳細資料
周圍地區: 尖沙咀
3 週前評論 透過行動裝置

呢間餐廳朋友上次黎過覺得唔錯,今次佢特登帶我黎食。根據ooenrice建議係佐敦站出,不過個人認為尖沙咀站出好似近d,店員都係咁認為。

今次都係揀“京都”套餐,佢同“北海”餐最大嘅分別就係少兩隻蠔,變成多一份刺身

餐廳仍然仲有一手攞赤蝦嘅活動,攞到幾多就有幾多食,我朋友上次攞7隻,今次我竟然攞到9隻!5隻攞去燒,4隻做刺身。個人認為,刺身好似好食d,口感軟糯,蝦味幾突出,反而燒完之後肉質比較鬆散黐殼

前菜雞泡魚乾食落竟然幾甜,煙韌煙韌咁

呢個就係我地嘅刺身拼盤,刺身都幾厚身架,所以我地覺得揀刺身而唔揀蠔係正確嘅選擇味道正常冇雪味,附帶嘅芥末都幾清新,個人覺得一手攞返黎嘅赤蝦刺身反而比呢個刺身拼盤嘅蝦好食

呢個就係我地陣間嘅磯燒組合,全部都係店員幫手燒

燒粒貝嘅口味比我之前食過嘅都要重,因為佢落堅魚汁去燒,所以出到黎除咗鮮味,仲會多一份鹹味同埋少少牛油香,本身我都想擺返正再影相,但d汁多到掂一掂都會倒瀉咁,所以唯有反轉影

之後係燒帶子同羊架2揀1,我地就一樣一份,乜都試少少,呢個帶子就主要用牛油同酒去燒,個酒香味係出奇嘅濃,以往d酒燒完後會大部分揮發,但呢個係一入口就爆曬d酒香味出黎,真係令人幾驚喜

羊架唔算大份,肉嘅地方騷味唔重,但脂肪位置騷味好香,旁邊嘅芥末青檸都幾提鮮

呢個鮑魚我好中意,強烈建議沾柚子芥末,個味道同中式嘅果皮蒸鮑魚有異曲同工之妙,果皮香同鮑魚鮮甜真係完美配合,比較特別嘅係佢呢度嘅柚子芥末係帶辣味,再多一份刺激感

燒菇幾香,冇草青味

甲羅燒配多士睇落細細份但其實分量好足,厚厚塗曬整份多士後仲有好多剩,好濃郁嘅蟹香

牛肉炒拉麵都唔差,其實又唔係話好勁鑊氣,個人覺得比較似撈麵,麵感好煙韌,食完之後好飽好滿足

最後食埋雪糕後好滿意咁完成今餐

呢度食物幾正,係入面環境暗咗少少,要開夜間模式先影到d食物。店員服務好好,佢地好熱情好好傾,服務又周到,全程係隔離睇實個火,抵讚。

造訪日期: 2021年5月
感謝 Sherpa804013
該評論乃TripAdvisor會員主觀個人意見,不代表TripAdvisor LLC公司。
發表評論評論 (233)
旅客評等
旅客類型
月份
語言
  • 更多語言

12 - 16 則評論,共 233

3 週前評論 透過行動裝置

二人結伴到尖沙咀諾士佛臺一帶覓食,尋尋覓覓之間走到了天文台圍,這裏自成一角非常清靜有幾間食店, 其中被這家"秋田冰燒食堂"吸引着……
內部裝潢東昧濃濃的日本料理店,有燒活海鮮很不錯!決定內進一試!
點了一份京都二人前套餐 $495/位
有刺身,活海鮮,甲羅燒,羊架……等。內容豐富!

點菜後職員呈上一篩赤蝦表示只要消費滿四百元和like Facebook share 玩這個一手抓 蝦遊戲,有得玩有得吃!

抓到八隻四隻燒, 四隻刺身,非常爽甜!

海豚魚乾~
肉質鬆軟,沾上沙律醬十分之味!

刺身拼盤~
甜蝦,三文魚,帆立貝,油甘魚都很新鮮肥美!

浜燒~
活鮑魚,帆立貝,北寄貝,蟹殼都很新鮮!

職員以純熟練的技巧將活海鮮烤熟。

甲羅燒~
蟹蓋肥美+鵪鶉蛋連同多士一起吃滋味無窮!

厚燒羊架~
外層香脆肉質 嫩滑多汁!

黑松露雜菌和牛肉炒拉麵都很美味!
整份餐份量非常豐富!抵食!再加上甜品~芝麻雪糕
大滿足!

造訪日期: 2021年5月
感謝 jadeAujade
該評論乃TripAdvisor會員主觀個人意見,不代表TripAdvisor LLC公司。
2021年5月11日 透過行動裝置


朋友揾到哩間餐廳真係厲害,佢個位置比較偏遠,但係餐廳嘅內外,都好有去左日本嘅感覺!

餐廳做緊promotion, like Facebook 同share 就可以用一隻手”爪”蝦,攞到幾多隻就免費送俾你食,我隻手其實都細架,攞到八隻都算唔錯!

我地揀左京都漁港,因為有刺身。
首先剌身有甜蝦、三文魚丶凡立貝丶油甘魚丶左口,全部都鮮甜,特別係油甘魚,好厚身
雞泡魚干,我好鐘意哩個小食,可以一路傾計一路食,加埋日本酒,好chill!魚干份量都唔少,味道甜甜地,加埋沙律醬真係正!

之前撈到嘅赤蝦,四隻做剌身,四隻燒;刺身新鮮,肉質好味彈牙,鮮甜。赤蝦燒得好香,肉質鮮甜。

活鮑魚未放上網燒已經係咁郁。鮑魚肉身爽口而且鮮甜。

北海道帆立貝都好鮮甜,因為肉厚所以好有口感!

北寄貝清甜彈牙,加上少少菇菌調味,忍唔住都要飲埋d湯汁。

甲羅燒裏面放咗好多蟹子、蟹肉同蟹膏,另付有一隻鵪鶉蛋。食前先將配料攪拌,最後可以放喺多士上面一齊食,yummy!

燒雜菇用錫紙包住,燒之前都唔知係乜,一打開就有驚喜!黑松露菇菌味道平衡出眾,彈牙而且富有口感。

鰻魚茶漬飯都係唔錯,只可借太少
甜品有雪糕,我揀左芝麻味,芝麻好香
每台有專人服務,而且唔算貴。

造訪日期: 2021年4月
感謝 kongcnine
該評論乃TripAdvisor會員主觀個人意見,不代表TripAdvisor LLC公司。
2021年5月9日 透過行動裝置

浜-其實喺日本漢字嘅濱,亦即系海濱。
而浜燒喺日本嘅漁家嚟講即系海鮮燒(即捕即燒)。喺日本大阪就次次去都會食,但坦白講,香港就一次都無試過。因為喺香港出名食海鮮嘅地方如西貢、三聖、鯉魚門呢啲地方都系主打廣東煮法,即系揀完海鮮後就拎哂入廚房整,只能夠慢慢耐心咁等食。

而今次無意之中搵到尖沙咀嘅秋田浜燒食堂,雖然位置唔系海邊,但海鮮一定夠哂新鮮!

呢次揀選咗北海漁洗嘅套餐,套餐包括:
半只松葉蟹
青森殘酷網鮑-爐上不斷轉動,口感爽彈牙
兵庫縣直送播磨蠔-超飽滿嘅蠔身好鮮味
北海道帆立貝-帆立貝肉質爽彈
人氣蟹味噌甲羅燒-蟹肉蟹膏鵪鶉蛋蟹籽混合埋提升鮮味
山之惠黑松露茸野菌箔燒-超香黑松露味道
河豚魚乾
清酒昆布大蜆煮
京都鰻魚茶漬飯

呢到同日本一樣有個職員負責幫我哋燒,唔知系咪睇住佢燒系特別好食,新鮮嘅海鮮再配合埋一路燒緊嘅過程、氣味令到呢餐飯食得津津有味!

造訪日期: 2021年3月
1  感謝 AnnieKatelyn
該評論乃TripAdvisor會員主觀個人意見,不代表TripAdvisor LLC公司。
2021年5月9日 透過行動裝置



好耐冇去北海道, 見到餐牌有呢個餐「北海漁港」, 好懷念北海道嘅新鮮海鮮, 唔用傳統白烚或蒸的方法,直接用烤爐明火燒, oooh 好 cool

生猛赤蝦

坐低就有遊戲玩, 消費每人滿$400,就有得一手抓大蝦,我朋友只手好大 全靠她,一手就捉到8隻,超捧哦!

分兩食, 兩隻 sashimi, 另外六隻赤燒,兩種不同的口感和味道

Sashimi 刺身食落彈牙,好爽口, 肉質很甜美, 勁新鮮的感覺

明火燒的赤蝦,口感渾然不同, 但這個食法也不遑多讓,同樣感受到蝦肉的彈牙質感

青森殘酷網鮑

絕對夠新鮮, 看着它在爐火中掙扎,有點殘忍,不過作為食物鏈的一環,我唯有讚歎它的付出,剪開一粒粒,容易入口好易咬,同樣夠彈牙,好正

清酒昆布大蜆煮

啲蜆肉粒粒都肥嘟嘟, 而且它的鮮味跌哂落個湯到,令碗湯好鮮甜,服務員非常好,給我們每人一個碗,叮囑我哋最緊要飲咗個湯,果然冇介紹錯

九州松葉蟹

呵呵 分到一個大蟹鉗,啲肉滿滿包喺裏面, 蟹肉好結實,咬落好有層次感,蟹肉相當甜

京都鰻魚茶漬飯

食咗咁多海鮮,其實個肚已經好飽,但見到呢碗茶漬飯,賣相非常討好,忍不住咬一口,殊不知一食難停, 啲飯好脆脆兼夾香,而個茶還是湯。。好清甜, 調味得相當好,配埋這舊鰻魚,大家好有互相輝映的感覺, 呢餐超滿足

感謝 Trip806658
該評論乃TripAdvisor會員主觀個人意見,不代表TripAdvisor LLC公司。原文語言為中文,源自www.tripadvisor.com.tw 查看原文

查看過秋田浜燒食堂的旅客也查看過

 

去過秋田浜燒食堂嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。