我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“滿分便當”

德美壽司 (尖沙咀)
香港排名第1,753 (共13,938家餐廳)
周圍地區: 尖沙咀
餐廳詳細資料
周圍地區: 尖沙咀
2020年6月4日

德美相信好多人都知呢間日式料理店係好受歡迎,成日都大排長龍.最近因疫情關係仲推左lunch set外賣9折,今日lunch就決定食佢試試外賣質素係點.

德美幕の內牟便當係人氣推介便當之一,配菜有2款時令刺身配厚燒玉子,前菜,麵豉湯,茶碗蒸同沙律.而主菜方面一共2款,每款有4個選擇,第一項主要係以炸物為主,而第二項就以燒物/煮物為主.

時令刺身係三文魚同鯛魚刺身,刺身色澤光鮮入口富有彈性,就算外賣拎返公司一段時間亦無變質,十分新鮮.

印住德美既厚燒玉子軟綿濕潤,味道帶甜重蛋香味.

前菜係醃製泡菜,入口爽脆酸酸辣辣幾開胃.同樣作為開胃菜既沙律新鮮爽脆,內裏但有甘甜既帶子.

茶碗蒸雖然外賣後賣相無咁靚但質感仍然保持香滑感,蛋味配上配料及高湯令味道香甜帶鮮味.

麵豉湯都唔會馬虎,睇得出店內既認真,麵豉湯內帶滿滿海帶,蘿蔔令湯底更清甜.

主菜揀左天婦羅同燒一夜干.天婦羅雖然因為運送過程令炸漿變得無咁脆但入口唔會出晒油,入口仍然保持乾身.天婦羅蝦肉彈牙夠大隻,入口蝦味夠晒香.日式蕃薯粉綿香甜.

燒一夜干外層燒得夠乾身而內裏肉質仍然保持嫩滑,入口帶住濃濃既鹹香味.

造訪日期: 2020年6月
感謝 Cantzipmyjeans
該評論乃TripAdvisor會員主觀個人意見,不代表TripAdvisor LLC公司。
發表評論評論 (23)
旅客評等
旅客類型
月份
語言

2 - 6 則評論,共 23

2020年5月12日 透過行動裝置

餐廳:德美壽司 (尖沙咀)
地址:尖沙咀厚福街8號H8 5樓

厚福街一向都多野食,返教會溫書之前去左H8 5樓嘅德美壽司買個lunch返去一邊食一邊溫

德美幕之內便當($96)
呢個便當有鯛魚刺身同三文魚刺身各兩件,仲有印有餐廳名「德美」嘅厚燒玉子、沙律、麵豉湯、茶碗蒸蛋、白飯同甜品,另外燒物可以係天婦羅、吉列蠔、炸雞或海鮮雜菜餅入面四揀一,我揀左炸雞;同埋秋刀魚、一夜干(花魚)、豬軟骨同炸大蝦入面揀一個,我就揀左一夜干(花魚),不過外賣就無甜品送喇

炸雞香脆,入面嘅肉多汁幼嫩,不過皮就有少少厚,煎香嘅花魚惹味唔腥,拎到返去都仲係熱辣辣,中午食呢個份量就係好豐富有餘,算係幾抵食

外賣可以享有9折,不過要另外加$5外賣盒費,因為都分開左好多兜,雖然有少少唔環保,但因為依家疫情嘅關係就減少啲堂食啦,保障自己又保障到其他人

造訪日期: 2020年5月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2020年4月21日

上個月先食完依間,今晚又心思思和朋友過來食,可惜疫情嚴峻下餐廳食客需隔枱坐,座位有限等位需時,所以我地轉左外賣食。
原本打算去K11空中花園用餐,可惜花園無開,好彩朋友諗到去附近的訊號山公園食,對住維港夜景戶外用餐都係第一次,公園無人我地好似包場咁,感覺又幾正喎。
外賣有9折優惠,賣相和堂食差別不大,份量亦唔少,叫左沙律和壽司戶外食比較方便。

蟹子沙律 $50
粒粒的蟹子和美味的沙律醬,撈埋爽口的青瓜絲和軟綿的蟹柳絲,清新美味的前菜,最愛大大啖當麵咁食。

厚燒玉子 $38
得三件價錢不便宜,但又幾好味喎。口感細密味道甜美,凍食好似食甜品,一啖一享受,唔錯。

自家製燒腐皮餃子 $49
薄薄的腐皮作餃子皮包住軟彈的肉餡,口感味道唔錯,醮埋餃子汁食落無咁油膩,幾好食。

活鰻魚朴葉飯 $99
鰻魚肉肥美軟腍,肉質嫩滑無碎骨,飯粒粒分明,可惜美味的鰻魚汁不多,飯未能粒粒掛汁,總覺得不夠滿足。

牛油果軟殼蟹卷 $79
外層牛油果入口即溶,果肉薄欠點果香,卷裡包住炸軟殻蟹都幾足料的,炸蟹炸得香脆美味,大大件份量唔少,不過要小心夾以免散晒。

加州卷 $48
配料又係蟹子沙律啲 friend,口感味道唔錯,四件抵食夾大件,食唔飽打底食佢啱晒。

造訪日期: 2020年4月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
2020年1月16日

每次嚟到尖沙咀只要諗唔到食啲咩
就會選擇過去德美到食
平時都係lunch時間食
今次就返朋友放工時間嚟食晚餐
今次十分幸運喺冇book位嘅情況下唔駛等位就有得入
壽司盛盒,燒牛舌,
牛肉炒烏冬同埋我最鍾意食嘅牛油果軟殼蟹卷
壽司盛盒入面有 三文魚 吞拿魚 油甘魚
帆立貝同熟花竹蝦等等
燒牛舌係厚切 亦都十分爽口
咬落去都仲有肉汁
牛油果軟殼蟹卷 由我原本唔食牛油果到每次嚟到都一定會食 就知有幾好食
最意想不到嘅就係個牛肉炒烏冬嘅份量都幾大份
而且好足料有好多牛肉
大碟到差啲食唔晒
兩個人食到好飽埋單都係$300左右
咁嘅質素性價比真係好高

造訪日期: 2020年1月
感謝 niyuim
該評論乃TripAdvisor會員主觀個人意見,不代表TripAdvisor LLC公司。
2019年8月15日

剛完成九日土耳其之旅,皮膚又乾,口味又唔慣,但四處靚,令我大飽眼福,也很滿足! 回港第二天,除了馬上做facial急救皮膚外,還馬上滿足我的小胃子,去吃我最喜歡的日本菜。來到尖沙咀,第一時間諗起熟識的「德美」。

隔了一段時間沒有到訪,但裝潢並沒有改動,同樣正方形的格局,設有一排壽司吧枱,以及多張二至四人枱,還有一個小居酒屋設計的露台。

裝潢沒有改變,菜式亦大致相同,分別有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品。
*************************
壽司當然不能少,點了兩款最愛。中拖羅壽司 Chu Toro Sushi ($75/1件) 色澤鮮紅亮麗,厚度適中,油脂份量屬中等,岩岩好,吃起來不會太漏滯,這正是我選它而不選大拖羅的原因。肉質相當柔軟,並沒有任何筋膜,魚香四溢,啖啖鮮味,蘸上少許山葵醬油提味已很美味。

另一款是洋風三文魚壽司 Seared Salmon Sushi ($33/2件),配上沙律醬和蔥花。其本身已滿載油脂,再加上火炙,迫出魚油,魚香味更甚,肉質油潤兼鮮嫩, 加埋魚面的沙律醬, 很好吃,幸好一客兩件,滿足!
********************************
餐廳有幾款創意卷物,有用米紙、有用班戟皮,真有特色。究竟用班戟皮做卷物會如何,就來一客洋風鰻魚班戟 Eel Pancake in Western Style ($59)吧!一客四件,金黃的外皮唧上沙律醬,賣相挺吸引。
班戟皮捲着滿滿的饀料,有香甜軟滑的鮮芒果、肥美的鰻魚、香滑的牛油果,配上蟹籽沙律醬,捲得紮實,並無鬆散。薄餅皮厚薄適中,口感柔軟,味道甜甜地。班戟皮跟各饀料同吃,原來很夾,創出美味!
********************************
在土耳其日日吃凍冰冰的生沙律菜,雖然喜歡,但也掛着熱辣辣的蔬菜,故揀了一客炒野菜 Stir- Fried Vegetables ($56),大大碟,好滿足。成品有大量的清爽的椰菜、紅蘿蔔絲、冬菇、洋蔥、芽菜,還有嫩口的蘆荀,選材豐富,加上少油少鹽,清新爽嫩,很討我喜歡。
*************************
最後奉送甜品,蕨餅($0)口感黏滑柔軟,沾滿黃豆粉,好香,味道不錯。
---------------------------------------------
老實說,土耳其菜式不太合我口味,旅遊頭幾天已吃厭了,但對日本菜就…..百吃不厭,看來下一個旅程還是飛日本一轉,哈!

造訪日期: 2019年8月
    • 划算度
    • 服務
    • 食物
感謝 wanttoeat8
該評論乃TripAdvisor會員主觀個人意見,不代表TripAdvisor LLC公司。

去過德美壽司 (尖沙咀)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單