最近不停見人Post「新華」和「金園」的蛋撻，聽說出爐時門外更大排長龍，認真誇張；新華之前已吃過幾次，但金園就未試過，本想一探究竟，可惜蛋撻要每日下午才開賣，無奈只好留代下次了。

店內環境比想像中新淨，相信應該不久前翻新過吧。

正奇怪點解早餐只有一款這麼少，看清楚原來早餐、午餐、特餐及快餐，也是相同價錢及全日供應，即係四個餐可以全日任選。

叫了個午餐，包叉燒湯意粉、火腿奄列、牛油餐包及咖啡或茶；水準未見特出，不過不失啦。

反而要讚吓杯奶茶，有茶香又不失滑溜；下次可以試吓杯茶走，相信茶味會更加濃厚香甜。
下次一定要夾啱時間再來。

金園茶餐廳
地址: 長沙灣青山道314號地下
電話: 27256386

朋友說這間茶餐廳的奶茶不錯, 我是一個奶茶迷,每日也不能少, 專程來試試. 叫了全日供應的特餐. 沙爹牛肉麵、火腿奄列、餐包和奶荼. 食物只是一般味道. 熱奶茶真的不錯, 茶味濃香, 滑. 很好喝.

依間野三十年前都已經係度，最奇怪係無飯食。我叫嘅黑椒干炒公司意粉有荷包蛋，牛肉，雞肉，叉燒，味道就不過不失唔會太油；蛋牛治係用新鮮沙嗲牛去整，有驚喜。另外生炸雞翼亦好乾身。想食嘅蛋撻竟然賣晒，都幾失望。最特別係依度服務態度都幾好，唔會黑口黑面先。