在觀塘真的有很多隱世小店，這次在網上發現一家小店新推出女生打卡的下午茶Tea Set，所以就決定去吃吃看了。在平日下午去人流不太多，所以不用等位，可以慢慢享受下午茶時光。

鹿鹿英式下午茶 British Afternoon Tea HKD$268，套餐的食物包括一款小食/三款咸點/五款甜點，另外包咖啡/茶飲兩杯，也可以用優惠價升級飲品。

小吃：雞尾酒蝦
咸點：煙三文魚酸忌廉脆/明太子蟹肉酥盒/單骨雞翼
甜點：迷你蛋糕/法式馬卡龍/焦糖燉蛋/意大利奶凍/提子鬆餅

Tea Set來到當然是相機食先，以鳥籠造型擺放點心，每到造型更美觀吸引❤。先吃小吃再吃咸點，最後吃甜點，再配一杯咖啡/茶真是賞心悅目。

飲品方面我們點了熱玫瑰鮮奶咖啡和蜜桃茶，邊吃邊喝感覺不錯每一款食物造型也很精緻，對於女生來說細細件容易吃。這個Tea Set的食物味道不錯，可以吃到飽飽的很滿足。

觀塘區工業區內的Deer kitchen

今天天氣晴朗，是一個美好的星期天，我與男朋友仔相約到觀塘、有情調的地方來個午餐。

Deer kitchen❣網上食評評分很不錯，所以便打算來試一試這兒的午餐，店舖位置方便，距離觀塘站不遠，店舖裝修不錯，地方雅緻，座位距離不近，頗有私隠。

我們點了牛扒及鴨胸，首先來的是餐湯及沙律，是日餐湯是西蘭花忌廉湯，湯的質地不錯，有淡淡西蘭花味，蒜蓉包烤得很香可口。

牛扒我們選了五成熟，牛扒烹飪技術剛好，不會過生或過熟、牛扒有牛味。我自己比較喜歡慢煮鴨胸及鵝肝，這裏的鵝肝是我吃過最好吃的，鵝肝外層美味香脆，內裏肉質柔嫩，肉質非常濃郁，十分Creamy。超贊！真想來多一客！慢煮鴨胸果然比較嫩滑。鴨肉粉紅色，幾靚！鴨肉一定要配上雜莓醬汁，否則味道略淡。

飲品方便我點了洋甘菊茶及桃茶，我認為洋甘菊茶可以清熱，而蜜桃茶就比較香濃。

跟着，我們加了錢，點了甜品。是曰甜品是綠茶千層餅。這個甜品比較淡口，適合怕甜人仕，甜品擺碟精緻，十分美麗，鄰枱其他食客看見，也紛紛下單。總的來說，是滿足的一餐，下次有機會，一定再來。

餐廳：Deer Kitchen (觀塘)
地址：觀塘興業街4號The Wave 6樓 01室

觀塘The Wave喺一個創新嘅Co-working place，仲有唔少高質嘅餐廳。完咗實習同朋友嚟咗呢度嘅Deer Kitchen食Tea，環境安靜可以傾偈之餘，呢度嘅tea set亦都高質而唔貴，真係可以好好enjoy一番

餐廳以鹿為主題，有唔少鹿嘅裝飾，而餐廳趁着聖誕節同新年仲推出聖誕套餐同埋到會套餐，一家人坐係屋企都可以食餐好嘅

鹿鹿英式下午茶套餐 $208
呢個套餐有三款鹹點(兩件)同三份甜點(一件)，仲有兩杯茶飲。鹹點有黑松露醬溏心蛋沙律，蟹肉明太子醬三文治，同埋吞拿魚/三文魚酥盒，甜點就有法式焦糖布甸Crème brûlée 、蘋果金寶仲有雲呢拿雪糕。呢個下午茶2人set用料上乘，即是一樣簡單嘅食物都即刻變得好高級好食，而我最鍾意嘅係酥盒，滿滿嘅餡料被酥脆嘅餅盒包住，一咬落去就食得出佢嘅酥香滋味

飲品就同朋友一人叫咗杯咖啡☕️，一杯Mocha，一杯Latte，每杯加$20，嘆住下午茶set、飲住咖啡傾吓偈，真係一大享受

樓下有個超大外牆屏幕的The Wave 在云云工廈中顯得突出，內裡的時尚工業風裝修亦顯得獨特，成為了我跟朋友在觀塘區中的熱門聚腳地之一。

Deer Kitchen 以西餐作主打，晚市有提供晚市套餐，價錢由$208 起。套餐包括前菜、餐湯、主菜和飲品。前菜可選沙律、意大利雲吞或加$30享用兩隻生蠔。

我倆點了一款套餐，另外散點一份主菜。套餐選了黑松露意大利雲吞作為前菜，鮮蝦寶雲酥焗海斑魚為主菜。

黑松露意大利雲吞
意大利雲吞的忌廉醬汁香濃，而且質感幼滑，再配上黑松露，令人食指大動。

鮮蝦寶雲酥焗海斑魚
海斑魚上面鋪滿了粒粒脆脆，跟嫩滑又juicy 的海斑魚一剛一柔配合，頗有火花。魚柳下藏著香甜的紫薯蓉，美味又有營養。

海膽燴蟹肉明太子意大利飯
意大利飯的醬汁creamy 香濃，一絲絲的蟹肉藏在其中，加上爽甜的三色椒。整體味道不錯。海膽新鮮，味道甜美，配合這意大利飯，有畫龍點睛之效果。

趁着疫情放緩來抖抖氣，吃飽晚飯當然要來杯飲品繼續chill 一下。友人點了餐廳推介的mocktail ~ Deer Forest，以橙汁、菠蘿汁、Tonic 和薄荷糖漿等調配而成，入口清爽又解渴。我則點了一杯Double Chocolate，當作飯後甜品來個完美作結。

今日係2020520
要滿儀式感就要去食西餐慶祝下
今日就訂定枱同男朋友撐枱腳 叫曬我地最鍾意既野食
一坐低就黎左個香草面包 非常之軟熟 又熱辣辣點埋黑醋 好開胃
鹿鹿安格斯牛漢堡（$138）
入面非常之足料 有牛油果 超級厚嘅牛漢堡扒 新鮮蕃茄芝士沙律菜同埋煙肉 口感非常之豐富 牛扒亦都10分juicy 漢堡包非常之軟熟 旁邊有小薯條十分之香口 仲要隔左10分鐘都仲係咁脆十分推介
主廚特色小食拼盤（$178）
有炸洋蔥圈 薯格 牛肉粒 雞軟骨 炸雞德國腸沙律菜等等 所有嘢都好香脆 特別係洋蔥圈好出色 牛肉粒好有牛味 雞軟骨都唔肥膩 食返一啖沙律菜平衡肉感
芝士薯條配黑松露醬（$78）
用上粗薯條 口感會實在啲 另外黑松露係自家製 好香濃 芝士仲要係可以拉絲 趁熱食10分香脆
香濃芝士煙肉蛋黃薄餅（$158）
每一塊都鋪上煙肉 濃濃既芝士配上香滑蛋黃醬 味道咸而不膩 煙肉加芝士鹹鹹香香 餅底10分香脆 用料又足 真係一件接一件食呀
意大利凍朱古力（$40）
超級超級超級香濃既朱古力味 再加上一層奶油 兩者非常之配合 仲有一朵薄荷葉做點綴 又美觀又好飲
Coconut mint ($58)
雖然話係椰子 但係青瓜同埋薄荷味非常之突出 但係都冇咗佢清新嘅感覺 食完啲油膩嘅嘢中和返啱啱好
總結 ：
-食物質素高味道好好
-地理位置唔錯近地鐵站3分鐘行到
-環境好有情調好適合拍拖去
-場地夠大空間感十足
-性價比高