我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“Yummy Friday”

Mini Friday (The Wave)
訂位
香港排名第384 (共13,796家餐廳)
優等證書
周圍地區: 觀塘區
餐廳詳細資料
周圍地區: 觀塘區
4 週前評論 透過行動裝置

位於觀塘興業街4號The Wave的Mini Friday,主打精緻的西餐。午市套餐約七十多元至百多元,包一客是日餐湯和飲品,加一也不用。

餐廳的感覺浪漫有情調,適合情侶和兩三個朋友來用餐及談天。

侍應先送上一客洋蔥餐湯,餐湯熱騰騰的,嚐到相當濃郁的洋蔥味,湯的質感不會過濃過稠。

隨餐湯附上的還有小脆餅,質感脆脆的,味道鹹鹹香香,可以浸餐湯同吃。

炭烤澳洲肉眼扒配黑松露燒汁 配飯/意粉 $128
Grilled Australia Beef Ribeye with Truffle Gravy
(With Rice/Spaghetti)

店員在下單時,會詢問肉眼扒的熟度,個人愛吃較為熟的牛扒,所以選了 Medium Well (7成熟) 的熟度。

肉眼扒來到了,賣相相當精緻。澳洲肉眼扒的肉質細嫩,而且沒有筋,相當美味。

配上香氣撲鼻的黑松露燒汁,味道更加豐富,黑松露的味道比想像中更濃厚,就好像身邊被黑松露包圍。醬汁的份量充足,每一口肉也能沾少許燒汁,不會乾乾的。

肉眼扒還可以配飯或意粉,本身以為是白飯,但餐廳選用了蛋炒飯,味道更加豐富。另外還有蘆筍條及車厘茄作配菜。

餐飲點了一杯凍奶茶,約十分鐘便來到了。奶茶茶味香濃,質感頗幼滑,如果份量可以再大杯少許便更好了。

造訪日期: 2020年3月
1  感謝 Letsgocrazyjanet
該評論乃TripAdvisor會員主觀個人意見,不代表TripAdvisor LLC公司。
發表評論評論 (77)
旅客評等
旅客類型
月份
語言

2 - 6 則評論,共 77

4 週前評論 透過行動裝置

餐前小食有脆片,脆卜卜,點上酸甜醬汁,食唔停口,但食落冇薯片咁熱氣。

田園沙律蔬菜新鮮爽口,特別之處係加上爆珠,酸酸甜甜好醒胃。餐湯係南瓜湯,熱辣辣暖笠笠,香濃綿滑。

香烤澳洲羊架 配 薄荷燒汁 $238
先講份量,羊架有三大塊,肉嫩多汁,羊架面有薄荷醬同麵包糠,外脆內軟,羊味夠但唔會騷。

鮮蕃茄汁大啡菇扁意粉 加龍蝦 $198
本身意粉可選一個配菜,亦可以加上其他配料,我加左龍蝦,價錢上絕對抵食,龍蝦烤得剛好,鮮甜肉質彈牙,而蕃茄汁唔係淨由茄汁煮成,意粉上有一粒粒蕃茄,加上啡菇,配搭認真冇得彈。

造訪日期: 2020年4月
感謝 Carol_kwonggg
該評論乃TripAdvisor會員主觀個人意見,不代表TripAdvisor LLC公司。
2020年4月21日

和朋友慶祝生日,揀左依間環境寬敞情調唔錯的餐廳,美食多選擇會有驚喜的,食客唔多私人空間十足,可以慢慢傾,撐枱腳一流。薄脆 free
埋位點完餐後即來薄脆小食,口感脆卜卜唔油膩亦唔重口味,醮左美味的千島醬,好食到唔停口。

水牛城雞翼 $78
六隻沾滿醬汁的雞翼列陣出場,雞翼size大隻,味道酸酸辣辣惹味非常,連續食三件係有點膩的,食下沙律菜又唔錯,中和下口味又可再戰。皇牌威靈頓牛柳 $298
外層金黃鬆脆的酥皮看起相當大份,包住充滿肉汁的牛柳和口感彈牙的蘑菇,牛柳軟身醮左醬汁相當美味,係貴左點一餐半餐還可以。

龍蝦大啡菇鮮蕃茄汁扁意粉(套餐) $207
酸酸甜甜的鮮蕃茄汁底配扁意粉最夾,扁意粉軟硬度適中,撈埋彈牙的大啡菇碎口感全面,龍蝦大隻蝦肉略少,整體味道唔錯。

田園沙律 (跟餐)
聰明地加了荔枝味爆珠,令平凡的沙律菜加添新意,帶來清香口味。

南瓜忌廉湯 (跟餐)
南瓜湯底色澤亮麗,口感幼滑,味道濃郁,啖啖滋味。

紅莓芝士蛋糕 (跟餐)
細細件芝士蛋糕食到兩啖,味道甜甜地,為這頓大餐畫下完美的句號。

造訪日期: 2020年3月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
2020年4月21日

相隔一段時間無黎呢度啦,見到餐牌上分別有DIY PASTA套餐 ($158)及晚市套餐,除主菜外,仲包餐湯及田園沙律及餐飲,由前菜到甜品都有,唔駛傷腦筋之餘價錢都OK,就叫餐啦!

坐底後侍應送上Welcome Snack,另有千島醬伴食

今晚餐湯係忌廉粟米湯,飲到粟米粒,雖然無餐飽,但配上薄脆又另一番口感

飲完湯就到田園沙律,爽口沙律菜配上黑橄欖及爆珠,清新之中又有爆珠嘅香甜味道,開胃菜

由自選汁/自選粉/自選配料都由你話事,我嘅DIY選擇係蒜片㰖油炒鷄柳配扁意粉,亦可追加海鮮類配料! 一客份量相當對眼,百幾蚊相當抵食!

鷄柳醃得相當入味,加入菇類作配菜無咁泛味,而蒜片炒至金黃色配埋少量辣椒,相當惹味開胃,每條扁意粉都令立立,有口感,略為減少用油會仲好味D!

呢客磯燒紐西蘭牛肉眼扒配黑松露燒汁 ($258)係最貴主菜,厚切紐西蘭牛肉眼扒伴以紫薯蓉及甘荀粒,顏色配搭吸引

每逢見到肉仔上嘅燒紋,單憑視覺上已經加多幾分,再淋上黑松露燒汁,比普通燒汁多一份豪氣

柯打五成熟,切開可見到內裏仍帶紅色,肉質有嚼口,配上特色醬汁仲好味道,食晒成件扒都相滿飽呀!

加$1換是日甜品,今晚係士多啤梨慕絲蛋糕,相當精緻,入口香甜士多啤梨味,加錢可轉飲其他飲品,我呢杯Latte只需補$10就可以,奶滑咖啡味幾香,配兩口蛋糕,感覺相當完滿!

造訪日期: 2020年4月
    • 划算度
    • 服務
    • 食物
感謝 gingerszeto
該評論乃TripAdvisor會員主觀個人意見,不代表TripAdvisor LLC公司。
2020年3月10日 透過行動裝置

抗炎期間,出少咗街食,忍唔住都係要出去食餐飯

原本衝住個威靈頓牛柳,點知最尾覺得個pizza超好味(個人係鍾意食菇菌類)

黑松露啡菇水牛芝士薄餅$148
12寸底,一上黎已經聞到香噴噴既烤菇味!咬落去脆卜卜,一片片既菇仲保持水分,配埋水牛芝士,口感豐富且清新

皇牌威靈頓牛柳$298
酥皮焗到金黃色,賣相好吸引!一切開入邊包住牛柳同啡菇片,3成熟既牛柳入口鮮嫩多汁值得一試

造訪日期: 2020年3月
感謝 sunsun_foodie
該評論乃TripAdvisor會員主觀個人意見,不代表TripAdvisor LLC公司。

去過Mini Friday (The Wave)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單