我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“滾得囍@bigboilsclub”

滾得囍宮廷火鍋小炒
餐廳訂位
香港排名第567 (共14,131家餐廳)
優等證書
周圍地區: 北角
餐廳詳細資料
周圍地區: 北角
4 週前評論

雖然還有個多星期才到中秋,但天氣已經開始有點涼意,又是時候相約好友去吃火鍋。

友人非常貼心,知我向來四肢不勤,所以特意訂了這間離我家不太遠嘅宮廷火鍋店。

餐廳位於馬寶道馬寶學林商場一樓,入口處擺放了一張金碧輝煌嘅龍椅,還沒踏進店就已經感受到浮誇的宮廷氣氛。

至於室內裝潢亦非常之有格調,以中式古典風木材雕花作設計,而座位之間更用上優雅的通花隔柵作屏風,加上每張檯上都放了一道「聖旨」,感覺特別有氣勢。

先看點菜紙,湯底款式非常之多,足足有成 14 款,而配料方面,除了火鍋必食的牛肉之外,還有豬肉、手打丸、秘製魚滑、新鮮海鮮、雞類、餃子、新鮮蔬菜、豆品類、麵食、刺身、炸物和飲品等可供選擇,價錢豐儉由人。

友人唔食得辣,又唔想食得太過 Heavy,所以我哋揀咗個清熱下火嘅芫茜皮蛋豆腐馬蹄鍋,再各自選一款火鍋配料。

趁湯底未上,先把握時間「混醬」,醬料選擇不多,只得四款,不過全部都有蓋冚好,乾淨企理 (宮廷醬芥每位 $28)。

崇德芫茜皮蛋豆腐馬蹄鍋 ($148) 接著送上,待湯滾後,馬上舀一碗試試。湯頭很清甜,芫茜味好重,入口幽香撲鼻。撈起可以見到入面有好多滑溜的皮蛋和豆腐,加上爽口的馬蹄同紅蘿蔔,用料十足。

至於火鍋配料方面,貴精不貴多,只點了兩款,有手切頂級安格斯牛肉 ($268/細) 同白鱔片。 牛肉賣相非常靚仔,以乾冰盛著,上桌時煙霧瀰漫,仙氣十足。挾起可以清楚見到牛肉呈漂亮的大理石紋,只須簡單灼一灼就食得,入口鬆化富油香,滋味無窮。

另外白鱔片 ($128) 水準亦不俗,外表晶瑩剔透,片片都切得厚薄均勻。肉質非常新鮮,口感軟嫩,而且食落仲帶陣陣魚脂香,正!

兩個人 KO 咗一大碟牛,食完咁多肉,當然要點番客蔬菜來平衡一吓,揀咗個唐生菜 ($38),份量合理,入口新鮮爽脆,絕對是火鍋好搭擋。最後再加多個出前一丁 ($20),食完真係超飽肚。

希望遲啲限聚令再放寬,可以約多幾個朋友再嚟一齊高興下。

造訪日期: 2020年9月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
發表評論評論 (50)
旅客評等
旅客類型
月份
語言

3 - 7 則評論,共 50

2020年7月23日 透過行動裝置

疫情嚴重,不能去美容院做facial,女兒即想起不如去食花膠雞湯,以補充骨膠原。佢記得北角滾得起宮廷火鍋小炒,除了花膠又厚又大塊,餐廳裝潢古色古香,充滿宮廷式格調。今晚就去補一補!康熙花膠雞湯鍋(半隻):金黃色的湯底香氣四溢,濃郁香甜,花膠份量不少,蓋滿半隻雞另上,侍應將大塊花膠剪開方便進食,將花膠和雞放入湯中滾下就食得,花膠滑嫩中帶點爽口, 雞肉嫩滑,湯頭鮮甜,很滋潤~夠曬滋補!鹿兒島日本黑豚肉:脂肪分布均勻,肉質鮮美,薄切的肉片透光,完全接近入口即化,柔軟程度爆表。蟹皇豚肉餃(半份):大大隻即叫即包,餡料飽滿足料,蟹皇豚肉鮮味十足!百花釀豆卜:豆卜吸收湯汁,彈牙又鮮味。鮮腐竹豆味香濃。

造訪日期: 2020年7月
感謝 waikuen16
該評論乃TripAdvisor會員主觀個人意見,不代表TripAdvisor LLC公司。
2020年6月10日 透過行動裝置

滾得囍
北角 • 馬寶道33號馬寶學林1樓116-125號舖

太太太掛念他們的花膠雞湯還有火鍋配料了,所以來訪第三次!

▷ 康熙花膠雞湯鍋 ($298) ◁
「御膳房」準備的菜餚當然用料高貴又好吃,看看這「康熙花膠雞湯鍋」!
份量很大:有半隻雞,還有厚厚的花膠。湯底都已經夠果腹啦~
雞湯味道鮮甜又濃郁,吃火鍋前一定要先嚐嚐湯底!
雞肉嫩滑;雪白色的花膠帶點膠質,非常滋補養顏

▷ 手切頂級安格斯牛肉 ($268) (細) ◁
出場時氣勢迫人,仙氣十足
牛肉油花均勻,色澤鮮紅,牛味很濃,很有咬口

▷ 黃金雙拼 ($88) ◁ ✨ 必點!
魚皮和響鈴,以鹹蛋黃包裹,即點即炸。
看起來金黃的顏色十分吸引;吃上來熱呼呼又酥脆,每口都有鹹蛋黃的鹹香,非常好吃!

♡ also ordered:
• 鹿兒島日本黑豚肉 ($148)
• 滾得囍蔬菜拼盤 ($78)

造訪日期: 2020年6月
感謝 Vacationer816014
該評論乃TripAdvisor會員主觀個人意見,不代表TripAdvisor LLC公司。
2020年6月6日 透過行動裝置

終於試到喇,太耐無打邊爐,所以係有啲期待嘅~滾得囍位於馬寶道一個商場內,扶手電梯上一層,好易搵。

門口擺放咗一張好搶眼嘅金色龍椅,每枱之間均以屏風相隔,私隱度較高,青花瓷器餐具,亦非常配合宮廷主題。

坐底就先打開枱上嘅聖旨,原來係介紹佢哋嘅湯底,同埋囍字嘅由來,幾得意!特別要提一提,呢度服務好好,每位店員都好有禮貌,又有耐性向客人介紹食材,讚

四款調味:辣椒粒丶莞茜丶蒜蓉丶蔥粒,另外前菜有連殼嘅花生

順治特色卜卜蜆鍋
成個宮廷特式鍋冒着煙咁送上枱,非常有視覺效果!本身食唔到好辣,所以就揀咗順治特色卜卜蜆鍋,湯底放有少量辣椒粒,BB辣嘅級數,即輕微辣,合晒我合尺。鍋內估計應該都有成五丶六十粒蜆,粒粒開口,肉質鮮甜,好新鮮,仲有大約8-10件切件蘿白,性價比算高!好滿足!

清酒鮮牛肉
牛肉紋理好靚,脂肪比例分怖平均,放入湯底淥十數秒左右就食得,最驚喜係淥完之後仲有微微酒香,推介!

桂花蚌
桂花蚌爽口彈牙,沒有膽固醇和脂肪, 十分健康

新鮮菜苗帶子餃 /半份(4隻)
十分之足料,名符其實皮薄餡多,每隻size大過隻匙羹,菜苗好鮮,當中有彈牙墨魚滑同切粒帶子,啖啖鮮味,飽肚之選

黃金魚皮
即點即製嘅脆炸魚皮,熱辣辣上碟,啖啖鹹蛋黃沙,充滿鹹香,好邪惡!

足料竹蔗茅根
清楚見到樽內有竹蔗、茅根、馬蹄丶紅蘿蔔,名副其實足料!一渣大約斟到4-5杯,味道清甜,解渴良

造訪日期: 2020年6月
感謝 jy0v0
該評論乃TripAdvisor會員主觀個人意見,不代表TripAdvisor LLC公司。
2020年1月28日

小編第二次黎「滾得囍」打邊爐,
一直念念不忘那自家製沙葛餃,
小妹就第一次黎,
佢見到門口張「龍椅」仲話要坐下,
仲有「聖旨」到,
不愧為「宮廷」!

湯底有13款之多,
款款湯底都由一個皇帝或歷史人物命名~

順治特色卜卜蜆鍋($188)
好多蜆呀!
全部蜆都好大隻,
多到一個碗都裝唔晒,
粗略估計應該有50-60隻,好誇張!
最重要係冇沙!
成個湯底都好清甜!
配上白蘿蔔,吸晒湯汁,味道一流!☺️

推薦❗️滾得囍餃子拼盤(十隻)($108)
有和牛芝士一口餃、新鮮菜苗帶子餃、韮菜豬肉餃、黑松露野菌餃、黃金沙葛餃,
小編最鐘意多菜少肉嘅菜苗餃和韮菜餃,☺️
雖然帶子個頭比細,但勝在夠鮮香清新!
黑松露餃散發着濃郁嘅黑松露香,配上菇菌簡直係perfect match!
口感最特別係推薦❗️黃金沙葛餃,
沙葛爽脆,帶少許鹹蛋香,小妹最愛!
和牛芝士一口餃一咬開就爆晒汁,肉香味美。

推薦❗️手切頂級安格斯牛肉($348)
份量都算合理,
牛肉油花分佈均勻,
涮熟左之後肉質軟嫩又不失嚼勁,肉香十足!

油麥菜($38)
都幾大份,新鮮爽脆!

整體來說,卜卜蜆真係最值得推薦,
份量真係好多
我地倆口子食完個鍋之後基本上都飽左一半~
一定要再黎第三次!

造訪日期: 2019年11月
    • 划算度
    • 服務
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。

查看過滾得囍宮廷火鍋小炒的旅客也查看過

 

去過滾得囍宮廷火鍋小炒嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單