都好一段時間無食啲飲野火鍋
咁岩呢排去左尖沙咀食左一間 想同大家分享
今次要為大家介紹既係 - 牛氣

牛氣係位於尖沙咀彌敦道100號The ONE 4樓L404-L405號舖
餐廳主打係任飲任食涮涮鍋及壽喜燒
佢地有多款既湯底比人選擇
而且仲有自助bar area可以拎下菜同埋飲品
最正係佢地有乳酪雪糕同埋綿花糖機

食物個方面 今次點左個野菌膳樂湯既湯底
佢個湯底係有好濃郁既藥膳係到 入秋食真係一流
而我今次係點左個Lv4 既飲食套餐
個set入面最大賣點係有黑安格斯牛同埋SRF極黑牛

Location : Tsim Sha Tsui
Price : $300-$400/p.p
Environment (10 is chill): 7/10
Yummy (10 is delicious): 7/10

秋天開始黎啦，呢啲天氣令人成日都好想打邊爐，今日同媽媽係尖沙咀行完街就去左牛気打邊爐，連鎖日式火鍋黎講個人真係最鐘意食牛気，就算係最低lv 既肉都好有質素，但今日係同媽媽食，就食好啲，叫左個Lv4 黑安格斯牛+SRF極黑牛海鮮放題，湯底就要左個秋季限定既野菌藥膳湯

好快就上左湯底，野菌藥膳湯非常清甜，但唔會話好重藥材味，好容易就帶出食物本身既鮮味

仲送左一盤特上有機菇菌盛盒比我地，有啡、白磨菇同秀珍菇，全部都係同本地菇場合作所出，每件都大大隻，用黎打邊爐咬落去真係勁多汁

牛肉方面個人最鐘意SRF美國極黑牛，啲雪花勁靚，肥瘦均勻，厚薄適中，碌一碌薄薄一片入口即溶，牛味都好重

頭盤仲送左一兜海鮮，全部都好大件，我同媽媽最鐘意食蝦，大隻之餘口感勁彈牙

出面仲有好多丸同菜可以自己拎，全部都好新鮮

最後一定要叫返個楊枝甘露，出色過出面糖水鋪，忍唔住encore多杯

我鐘意食海鮮🦞所以就揀咗Lv 5 澳洲極上和牛+海鮮🦞放題

湯底揀咗好啱秋天嘅野菌藥膳湯，藥膳味唔重，唔會搶左食物嘅味道，仲會配上特上有機菇菌盛盒本地栽種，系佢哋秋祭り系列嘅食物。

有多款牛肉選擇，必點嘅「澳洲極上和牛」澳洲穀飼黑安格斯牛🥓、SRF美國極黑牛、特選牛小排🥩、PRIME美國肩胛肉眼，仲有豚肉同雞肉

澳洲極上和牛，一睇雪花❄️紋理就知道有幾靚啦！切得夠薄，大約淥十秒就得啦，油脂豐富，比例平均，牛味濃郁😍

另一主角仼食，有鮑魚、帆立貝、海蝦🦐、花膠、水魷🐙、墨魚滑、蝦滑等，
鮑魚大大隻、帆立貝肉厚甜，蝦滑彈牙
仲有🐟三文魚刺身任食，壽司同迷你魚生飯。

岀面自助區可以揀選丸類、菜類、飯麵類、飲品同埋調味料

熟食、小食款式都好多，有得仼食燒賣、碗仔翅，豆腐花哩啲港式小食🤩
最後當然唔少得要食返杯雪糕🍦仲有唔同乾果可以自然配搭。

咁啱適逢中秋節🥮仲有猜燈謎有獎遊戲

打邊爐黎講，小編就最唔鍾意就係日式打邊爐😂一黎覺得湯底好淡冇乜味，二黎啲火鍋料黎黎去去都係得幾樣，9成都係丸類🥲不過…今次食呢間又覺得幾好喎😆
.
🥘湯底 (特濃沙嗲湯)
湯底真係好緊要，今次覺得好食咗可能九成都係因為個湯底唔同咗，唔再係啲冇味嘅鰹魚湯豬骨湯😂好少日式打邊爐有得揀沙嗲湯，仲要係超級特濃嗰隻，好濃花生味，甚至俾一啲港式打邊爐專門店更加好食😚不過呢個湯好似係期間限定，去食之前最好double check依加仲有冇😳
.
🥘火鍋料
都係果句啦，選擇比較少，好多魚蛋肉丸，不過丸類唔知點解特別快飽，唔會食得好多，所以覺得日式邊爐性價比都幾低下😂今次食得最多竟然係花生湯圓，同個湯底超級夾😂 小編叫最平嗰個set，牛肉同豬肉都係正正常常，幾新鮮嘅😌
.
🥘整體
呢間放題得個半鐘，其實時間比較少食得唔太滿足😢同埋雖然啲豬肉牛肉係任食，不過落單冇得用QR code落單，每一次都要叫職員嚟，又費事一次過叫好多驚食唔曬，變相來來回回咁樣等法都幾嘥時間🤨甜品都比得好小氣，一定要你係ig po張相先比你食一杯Häagen-Dazs，但其實而家好多都係任食Häagen-Dazs/ Mövenpick🙁
.
🍽味道: 3/5
🏙環境: 3/5
‍👨🏼‍🍳服務: 3/5
💧衛生: 3.7/5
💰價錢: 3/5

位於尖沙咀彌敦道The One商場之中，乘搭港鐵到尖沙咀站或佐敦站下車再步行都非常方便。今次選了肥牛放題，牛肉非常鮮味，脂肪含量適中，湯底非常美味。環境方面，正如商場一樣，非常光猛清潔。店員服務很好。是肥牛火鍋第一個好選擇。