我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“高水準浪漫西餐廳~”
Chalet的評論

Chalet
香港排名第1,277 (共14,458家餐廳)
周圍地區: 荃灣
餐廳詳細資料
周圍地區: 荃灣
5 週前評論 透過行動裝置

終於試到Bookmark 耐嘅餐廳~
木屋裝修高級酒吧西餐廳,具有傳統優雅情調!


餐單係洋蔥湯,本以為會好勁洋蔥嘅辣味點知原來係一款甜甜開胃嘅餐湯洋蔥爽口,散發出香甜誘人的氣味! 旁邊嘅餐包夠曬鬆軟,再沾上香甜洋蔥湯,好滿足

ℝ / &
頭盤已經非常精緻將煙三文魚捲成玫瑰花一樣
內有牛油果清新嘅味道配合淡淡咸味嘅忌廉芝士,完美地帶出煙三文魚嘅鮮味 味道相當豐富!

美式燒烤醬豬肋骨配炸芝士沙律
一睇就見豬肋骨好大件好大份,切開後,見到好厚肉,一個人食真係好飽!燒烤醬酸酸甜甜好惹味,烤後,外皮香口帶脆豬,內裏肉質鮮味同嫩滑
炸芝士 :作為芝士控嘅我,真係好鐘意!外脆內軟~入面充滿濃郁芝士,拉絲拉極都唔斷!好正!

煙燻帶子海膽意粉
嘅帶子外面煎到金黃色,煙燻味帶出帶子嘅鮮味!
帶子上嘅海膽,令帶子鮮甜可口
意粉軟硬適中,而且每啖都有濃濃海膽味~鐘意海膽嘅朋友一定要食!

甜品- 椰汁奶凍
奶凍做得好滑,而且椰汁味好香好重甜度適中!好有水準

造訪日期: 2020年9月
感謝 Ctyingz
該評論乃TripAdvisor會員主觀個人意見,不代表TripAdvisor LLC公司。
發表評論評論 (30)
旅客評等
旅客類型
月份
語言
  • 更多語言

2 - 6 則評論,共 30

2020年9月19日 透過行動裝置

今日與朋友二人相約荃灣食一間有情調的西餐廳, 餐廳內分了上下兩層, 我和友人比安排了坐在上層, 雙層位置寬敞,設有梳化。 餐廳內有多款食物,今次我便選擇了兩款主食 ,第一款是西班牙傳統烤乳豬和 第二款是炭燒澳洲羊架, 餐廳內侍應亦都很細心,會主動推介各款物,其次每款主食亦都可供四至五款小食作為額外選擇,而我們選擇一款花苗和薯條, 由於餐廳採取即叫即做,所以烤乳豬等大約要十分鐘, 但等待是值得的, 乳豬肉質肥肉均勻 ,外皮燒得香脆,加上亦都有醬汁給兩款吃法, 其次還有薯蓉作為伴碟;炭燒羊架 侍應主動提議我們選取幾多成熟,十分細心,今次我們選擇了七成熟 ,食落去肉質鮮嫩, 賣相精緻, 咬落去不會太粗嚡, 很多人會害怕廚師的處理後會有羊騷味,但這次烹調不但沒有, 反而炭燒味道恰到好處,其次兩款小菜菜苗和薯條 保持良好水平, 蔬菜賣相亮麗而且保持翠綠 ,薯條亦都香脆, 不會放太多醬汁, 恰到好處。 飲品方面, 我和朋友分別叫了一杯酒和一支有氣梳打水,今次晚餐十分滿意,希望各位朋友可以一試。

造訪日期: 2020年9月
感謝 foodiehalohalo
該評論乃TripAdvisor會員主觀個人意見,不代表TripAdvisor LLC公司。
2020年2月12日

奄尖港女平日蒲開荃灣,今日去左近期新開的Chalet食個晏,餐廳環境唔錯,2樓閣仔設計歐式古典,比人飲酒嘆雪茄食生蠔。

今日只係幫襯了set lunch, 但不是一般「頽反」,有湯有沙律有麵包,個麵包一食就知餐廳有要求,又熱又脆。main dish 揀左帶子意粉同燒春雞,中環質素荃灣價格,加埋upgrade mocktail- Passion(+$38)超好飲....大滿足

地址:荃灣青山公路407-411號金荃大廈地下B鋪(荃灣地鐵A3出口步行8分鐘)

造訪日期: 2019年7月
1  感謝 YipJimHK
該評論乃TripAdvisor會員主觀個人意見,不代表TripAdvisor LLC公司。
2020年1月26日 透過行動裝置

今次來到歐陸小木屋風格的西餐廳,室內燈光柔和偏暗,營造出浪漫的氣氛,好適合情侶撐枱腳。

我們點了當晚的set dinner,包括前菜、主菜同埋甜品。前菜是賣相精緻的海膽櫻花蝦慕絲,海膽清甜好好味,加埋櫻花蝦做成慕絲食法相當有創意。接着是期待已久的頂級西冷牛扒,肉質帶嚼勁,肉味也十分濃郁,就連旁邊的小蕃茄也多汁清甜。

最後是口感幼滑細緻的意式奶凍,每口都有濃郁奶香,為今餐帶來美滿的總結。

造訪日期: 2019年12月
1  感謝 ccfoodaily
該評論乃TripAdvisor會員主觀個人意見,不代表TripAdvisor LLC公司。
2019年11月14日 透過行動裝置

時間未到,人已到,因為原本計劃行程去唔到,本來以為過唔到嚟,仲通知店家如需提早關門通知便可,見一直無回覆,叫人都到咗,就試吓,好在附近環境尚算正常,好多人真係行街,總算放心。

約咗晚市開門時間,為免企門口所以行到夠晒鐘先到,已有一枱入座,被安排到角落落地玻璃位,外面聲音入哂嚟,背景音樂又大,不太舒適。坐低職員放低餐牌,轉頭就回來落單,因為餐牌從未改過,一早睇定可以即時落到,兩份Set Dinner。

是日餐湯,洋蔥湯及包,一上湯已見大量洋蔥,但飲落係牛骨粉定濃縮牛骨湯膽?同越式湯底味道一樣,係無油面,洋蔥有少炒過,見到少許燶位,但明顯連金黃都未到,更唔好話最佳甜度,之後蒸煮加入,湯入唔到味,變咗食煮洋蔥。餐包扁平,法包脆皮,內質筋性,微暖,口感唔錯,但湯太差,做唔到提升。

頭盤,半熟吞拿魚伴三文魚子,半熟吞拿魚有用煙燻處理,望落中間雖然紅,但咬落質感已改變,少帶韌性,微微煙燻味帶有鹹香,味道剛好,三文魚子帶有鹹鯹,配上淡味芥末醬,去除到鯹味。

主菜之一美國頂級西冷牛扒12安士,叫了七成熟,感覺似八成,但厚身牛扒不易處理,火候很平均,切開有少少血水,之後是深色的肉汁 ,質感軟熟,容易切,入口牛味濃無脂肪感,本身醬汁扁濃,但倒到扒上連同留出嘅汁,味道剛好。烤蒜如傳聞般出色,每粒蒜都軟熟,沒了特有怕被人聞到嘅味道,烤到一切爆汁嘅原串蕃茄仔甜度完全帶出,但原串無法原粒入口,一粒粒更方便。年幼得入面豆都未成形嘅四季豆?口感脆脆的,每樣都發輝到作用。

主菜之二美式燒烤醬豬助骨配薯條,火箭菜沙律,望落好深色,擔心會太濃味,原來唔會,醬只在表面,無入味,味道遍淡,食到豬肉原味。切先係最難,佢肉多,肉質亦好,所以唔會好似食開嗰啲一切就得,要用佢俾過把扒刀先切得到,枱面個把全無反應,而且切時太大動作,連薯條上嘅鹽都飛起哂,氣管受刺激,想飲水,但只有收費的支裝礦泉水,果然不能期望有暖水。薯條炸得夠脆,如上面所講已無鹽味,點茄醬都唔錯。火箭菜直食帶苦味,連同肉食又另一感覺,非常合適。

是日甜品,奶凍,奶味幾香,滑,質感唔錯。見網上寫該月生日可獲贈自選甜品一客及寫上生日祝福語,預約時雖已通知要叫甜品先有,但原來跟餐甜品唔計,要單點,奶凍、蛋糕加雪糕球?放係一齊寫甚麼都難看吧?仲要食得落,最後放棄。

食物整體可以,半熟吞拿魚伴三文魚子最為驚喜,但作為頭盤味道遍濃,又無供應水清清口腔,可能你會講點解唔買礦泉水,相信好多人最近同我一樣氣管敏感,飲凍水會刺激氣管,礦泉水是硬水,效果可能更差。職員有認真服務,但唔自然,被安排在死角位,一開始附近無其他客,佢不停在兩柱間探出看進食情況,行為明顯得有壓力,相信亦無人西餐會食梗快。玻璃外見到來往的車,本身已沒風景可言,不停來往的警車同救護車更令人神經緊張,越坐越想快啲走!隔音成本高做唔到無辦法,建議裝上稀疏窗簾,午市有光可以透入來,晚市看不到行過的車,只有移動的燈光透入,音樂柔和啲會更舒服。一般餐廳職員會輕鬆走過,不經意地望餐桌情況,如果位置唔許可,裝CCTV都好過人肉CCTV,以茶記嚟講當然無問題,但以依個收費嚟講服務同環境都唔舒服,從來未試過有依種感覺。

造訪日期: 2019年11月
感謝 angelwong1112
該評論乃TripAdvisor會員主觀個人意見,不代表TripAdvisor LLC公司。

查看過Chalet的旅客也查看過

 

去過Chalet嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單