我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“蘭桂坊有間串燒”
Grill的評論

Grill
香港排名第4 (共219家小吃)
周圍地區: 中環
餐廳詳細資料
周圍地區: 中環
2021年4月10日

蘭桂坊Grill佢嘅串燒都係即點即燒,每串加佐唔同醬汁好惹味。
泰式串燒配炒飯:好多人點呢個餐,泰式炒飯嘅配料有豆角同少量菜,飯粒粒分明好有嚼勁,加埋辣,好快食晒。串燒係雞豬牛各一串,相當好味唔使加醬都好食,肉質好嫩。
大虎蝦:好大一隻,蝦殼好容易撥,肉質緊實鮮甜爽口。
牛仔骨:肉質嫩滑,用芫茜酸辣醬來調味,酸酸辣辣好惹味。
白鱔:肉質鮮嫩冇腥味,有小小刺唔緊要。
泰式魚餅:結實微彈,覺得好辣。
青木瓜手撕雞沙律:份量十足,青木瓜較硬,夠新鮮爽脆,雞肉無乜味,主要用醬汁提味,加埋泰式酸酸甜甜汁,食完串燒好解膩。
食得好滿足,會再來幫襯!

造訪日期: 2021年4月
感謝 yuanzi0912
該評論乃TripAdvisor會員主觀個人意見,不代表TripAdvisor LLC公司。
發表評論評論 (216)
旅客評等
旅客類型
月份
語言
  • 更多語言

26 - 30 則評論,共 216

2021年4月10日 透過行動裝置

話雖唔係做正苦工,但放假一定比番工開心放工唔Happy hour? 都要Grill Grill la一次過拎住4大串串燒,開心到以為今晚係開心星期五

燒白鱔 HKD 60
一串四塊,落落口啱啱好!燒白鱔白鱔爽口彈牙,一啲都唔乾身,不失原有嘅肉汁唷!特別鍾意食佢嘅魚皮位置,燒得香脆而且保留啲膠質,要跑仲有啲燒汁嘅香味可以Encore!!!

燒魷魚鬚 HKD 25
魷魚鬚用檸檬香茅等調味,味道清新仲非常之香口!鍾意佢少少燶,送酒一流有佢可以飲10杯燒酒!

燒牛仔骨 HKD 43
兩大舊牛仔骨以黑椒調味,生熟度啱啱好,肉汁依然!特別鍾意骨旁邊嘅肉,食落更惹味

燒雞肉串
雞肉多汁,配上沙爹醬汁一齊食,已經好好味!(呢度嘅醬汁選擇多,仲非常之足料,唔會水稀稀)

柚子海鮮沙律 HKD 70
超級鍾意柚子,清新自然甜仲解渴,用佢嚟整沙律真係好開胃!柚子海鮮沙律裏有:鮮蝦、墨魚仔、柚子、青木瓜、車厘茄同腰果......份量巨多!爽爽鮮蝦仲要去殼去腸,食得過癮食串串燒,再食埋柚子海鮮沙律,清清味蕾再食過

其實之前同事同事都嚟過呢間食lunch,set menu都有唔少選擇,而且抵食!記得HKD 60左右就可以食到海南雞飯/沙嗲串燒配泰式炒飯等等,仲可以飲龍眼冰添啊
真心幾抵食

造訪日期: 2021年4月
感謝 chanta1
該評論乃TripAdvisor會員主觀個人意見,不代表TripAdvisor LLC公司。
2021年4月9日

Monday Blue。返左成日工,想食埋晚飯先走。好耐冇食泰式串燒,就醒起呢間位於老蘭既泰式串燒吧,午餐同晚餐我都試過,都幾正。離遠已經聞到串燒香。今晚決定做食肉獸,净係叫一大堆串燒,全部叫晒我哋鍾意既口味,另外叫左個沙津平衡返!

餐牌有沙律,海南雞,幾款飯,唔同肉類海鮮同蔬菜既串燒,仲有飲品。

首先係收銀處落單俾錢,然後自己揾位坐低等食物送上,唔收加一服務費。

青木瓜手撕雞沙律 $70
成座山咁,下底係滿滿既青木瓜,中間加左d紅蘿蔔絲同青瓜絲,上面就鋪滿手撕雞。醬汁另外用膠兜上。青木瓜絲都幾生,好爽脆,加左d甜酸汁都幾好食。雞絲既質感都幾好。

d串燒基本上一齊上,香噴噴,全部都醃得好好味,香口惹味,仲大大串啖啖肉!雖然所有串燒一齊上,有d會冇咁熱,但係就唔洗左等右等。

豬頸肉 $22,薄薄地幾香口。
牛仔骨 $43,好淋,一d都唔韌,調味好食到唔洗點醬就咁食都得。
魷魚鬚 $25,一串有十二細條左右,好有咬口。
白鱔$60,超爽滑,少少彈牙,質感好似鰻魚。
豬牛肉 各$18一串,超抵食。牛肉啖啖肉;豬肉香口!
大花蝦 $70 大花蝦最後先上,熱辣辣。超香蝦殼味,d肉食到係新鮮既,蝦頭有膏,如果可以稍為冇咁熟會仲好味。

d串燒本身都好食唔乾,但加埋醬料更好食。隨碟奉上5種醬料,分別為沙爹醬,泰式紅雞醬, 烤牛肉醬, 青辣椒醬,芫茜酸辣醬。泰式紅雞醬甜甜地好開胃,烤牛肉醬同芫茜酸辣醬真係好辣,青辣椒醬冇咁辣,真係要點乜醬自己揀。

食完真係大大滿足!呢個價錢同質素係中環黎講都算係抵!

造訪日期: 2021年3月
    • 划算度
    • 服務
    • 食物
感謝 PickyCouple616403
該評論乃TripAdvisor會員主觀個人意見,不代表TripAdvisor LLC公司。
2021年4月9日 透過行動裝置

週末去到中環呢間串燒專賣店,之前有好多朋友介紹過,性價比高又好食,價錢好相宜一啲都唔貴,而且食物份量都幾多,今次就一於過嚟食個午餐
-
泰式串燒配香辣炒飯及雜菜
炒飯配有雞肉、牛肉、豬肉呢三串串燒,味道同口感都唔錯 炒飯同菜嘅份量都好多,炒飯帶點濕潤,甜甜地辣辣地咁幾開胃
-
青木瓜手撕雞沙律
份量超級足料 唔單只青木瓜絲好多,連雞絲都好多呀 配埋酸酸甜甜嘅醬汁好開胃 青木瓜絲口感爽脆,雞絲都幾嫩滑
-
串燒
除咗炒飯同沙律之外,我地仲叫咗其他串燒試試,包括牛仔骨、白鱔、大虎蝦、露荀、菠蘿。全部串燒都燒得好夠火候,食材又夠新鮮份量足,配埋辣辣地嘅醬汁夠曬惹味 最推薦係牛仔骨、白鱔同大虎蝦,尤其係白鱔一啲都唔腥肉質夠嫩滑

造訪日期: 2021年3月
感謝 peachy_sharing
該評論乃TripAdvisor會員主觀個人意見,不代表TripAdvisor LLC公司。
2021年4月9日 透過行動裝置

Grill ขุนทอง
.
工作日常來這裡買午餐,$6x吃得飽飽的,價廉物美
這次相約舊同事來吃晚餐,除了最愛的串燒炒飯,還嘗試了其他串燒
.
大花蝦$70
超大一隻 當然沒有龍蝦那麼大,可是比一般串燒常見的蝦大隻很多,比手掌還大,所以有很多肉
肉質鮮美爽口,而且烤得很香
.
白鱔$60
白鱔肉質軟腍,表面烤得半焦,香口惹味 醬汁也很特別,酸甜帶辣好鍾意
.
牛仔骨$43
牛仔骨醃得很入味,也是酸甜帶辣的醬汁比平日常見的黑椒牛仔骨特別一些
.
青木瓜手撕雞沙律$66
看到它的份量時我驚呆了本身以為沙律是小食,這份量根本是主食吧
青木瓜酸酸的很開胃,手撕雞沒加很多調味,感覺比較健康,想濃味一點也可以沾醬
.
泰式串燒配炒飯及雜菜$66
每次來食午餐的定番 一次就可以食齊豬牛雞串燒
外皮焦脆,肉質鮮嫩,仲有大大碟炒飯
CP值之冠
.
泰國生啤$40
喜力$25
今次食完之後唔洗返工,當然要飲返杯
Cheers

造訪日期: 2021年3月
感謝 LiuTracy
該評論乃TripAdvisor會員主觀個人意見,不代表TripAdvisor LLC公司。

去過Grill嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。