估唔到喺中環蘭桂坊呢度有間咁高質嘅串燒如果大家係club玩完落嚟食一食串燒、再啤一啤佢，我諗呢度係一個好好嘅選擇。我就好鍾意食辣嘅，咁我揀嘅串燒全部都係辣。重點係有好多醬可以揀，唔會淨係得辣味咁單調，例如好多唔同嘅香料蒜頭蔥頭泰式辣椒等等，令辣更有層次！

燒豬頸肉 ($22)
配上碎蒜頭，蒜香加辣香，再同埋燒豬頸肉嘅脆邊，幾樣野加埋一齊就好perfect。

燒菠蘿 ($22) - 推薦
好少食得到咁大舊菠蘿，而且係已經去曬皮，一粒一粒，而且每一粒都係超級甜！燒過之後更加逼發到菠蘿嘅香味同甜到，完全唔會乾。

白鱔 ($60)
呢個配有香草醬同埋更加多嘅碎蒜。有香草嘅後勁，而且個白鱔好厚肉，厚肉嘅好處就係容易鎖住魚嘅水份，所以食起上嚟好juicy。

牛仔骨 ($43) - 推薦
好少串燒舖頭有牛仔骨，但係呢個真係好食，甚至乎好食過一般安格斯燒牛。舊牛表面上已經搽滿曬香料，好有串燒嘅風味，而且內裏仲係好濕潤。

柚子海鮮沙律 ($70)
材料有魷魚、蝦、青木瓜等等。不過個人覺得就一般般，因為食完所有濃味嘅串燒之後先食沙律可能覺得有啲淡，不過係可以中和到頭先食嘅辣。

焦糖燉蛋 ($36 buy one get one free)
個texture比一般坊間嘅更加軟身，類似mousse。但我個人就唔太喜歡呢種口感，但味道係好食既，而且係用上雲呢拿籽，唔係用雲呢拿精油。

每次經過都聞到佢哋嘅燒烤香味，今日終於可以坐定定食啦！
Grill ขุนทอง 主打
泰式火辣惹味串燒。
order完比埋然後就行入去揾個好位坐低等食
率先嚟嘅係碟「泰式酸辣豬頸肉沙律」濃邊爽脆豬頸肉加埋芫荽，香芹、紅蘿葡絲⋯⋯⋯ 配埋酸酸辣辣嘅泰汁撈埋一齊食，開胃又滋味！
串燒方面，一定離別開燒雞翼、牛肉、豬肉同腸仔。
呢度仲有燒牛仔骨、大花蝦、白鱔、魷魚鬚

手掌咁大隻嘅大花蝦$70/隻，肉質結實又多肉。
白鱔 $60 肉質細嫩肥美

每款串燒嘅肉質都唔錯，又唔會乾「嚡」仲有三款滋味泰式串燒醬汁跟埋

週末晚上喺蘭桂坊附近，見到呢間有個泰文名嘅串燒小店，幾得意，咁就試吓，嚟個early dinner

呢度要自己喺cashier落單，然後會俾個號碼牌你，自己搵位坐低，跟住就會有店員將食物攞俾你

- $70嘅去骨海南雞（1/4隻）：啖啖肉，幾好雞味，雞肉好軟熟，沾特製醬汁幾好食
- $70嘅串燒大花蝦：嘩真係好大隻，蝦肉肉質結實又鮮味
- $22嘅有機蘆筍：應該只係落咗少少鹽去燒，簡單好味

- 仲叫咗白鱔、白豬肉腸、牛肉、雞皮（價錢分別係$60、$25、$18、$25）：可以睇吓最尾嗰兩張相，就見到呢幾樣食物，全部都幾好味

另外，收銀妹妹態度積極，有問題問佢，如果佢唔識佢都會幫你手問其他員工，抵讚

係老蘭這間串燒店，很像已經開了很久，算不算已是老字號，所以見就見很多次，今次行過就試下啲串燒如何

魷魚鬚
雞肉
牛仔骨
白鱔
首先兩海鮮兩肉，魷魚鬚同白鱔好香，送酒一流，而雞肉嫩滑唔乾，配唔同醬汁一流，而牛仔骨肉嫩，牛味濃

露荀
魚餅
菠蘿
豬頸肉
比較清新的配合，露荀爽甜，豬頸肉厚厚但爽口彈牙，魚餅比想像中辣，但過癮，最後再整多件超甜的菠蘿清一清油膩感

有7款醬俾你任點，芥末醬、沙嗲醬、咖哩醬、泰式甜酸醬、青辣椒醬、炸牛肉醬，仲有好多人驚，但又幾有特色既芫茜醬，剩係食醬都夠多選擇

柚子海鮮沙律
比想像中大盤多料，其實食完肥膩既串燒，仲加上飲埋酒，有一個盤沙律清下腸胃同口，其實都係好好的選擇

mojito
黎到點可以唔叫酒飲，雖然有好多啤酒選擇，不過見到mojito都係50蚊杯，其實幾抵飲

Grill ขุนทอง - 惹味串燒

今天和男友在中環逛逛，記起上次蘭桂芳飲野時留意到一間串燒店，門外有播著火爐火焰的螢幕，另外可透過玻璃窗看到廚師燒烤的畫面，今日就選在下午時間試試。

去骨海南雞飯
超嫩滑不乾身的海南雞肉，配上特色醬汁，醬汁充滿在雞皮和雞肉間，不得了。

有機露荀
翠綠爽口的有機露荀串。

泰國魚餅串、燒魷魚鬚
厚身的魚餅，本身已經滿滿魚肉味，經燒烤後味道更出。
多汁彈牙的燒魷魚鬚。

烤肉串
點了雞肉串、牛肉串、豬肉串和豬頸肉串各兩串，串燒燒的時間剛好，因為最怕燒得很乾很硬，還可配上多款惹味醬汁。

有氣礦泉水、有氣果汁