我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“五月份真係好多同事生日🎂”

肚餓了串燒烤焗專門店
訂位
香港排名第1,770 (共13,941家餐廳)
周圍地區: 尖沙咀
餐廳詳細資料
周圍地區: 尖沙咀
2020年6月2日 透過行動裝置

五月份真係好多同事生日,其實都仲未同佢哋食晒飯,唔緊要啦,有拖冇欠
今晚三個請一個嚟到依間尖沙咀嘅肚餓了,預先book位6:30,我同肥仔準時到達,天口咁熱梗係第一時間叫住兩杯啤酒等嗰兩個女人啦
啱啱飲咗一啖,另外兩個女人就嚟到,可以叫嘢食
室內環境手工啤酒非常有特色

佢兩個未坐低我已經飲緊啤酒

燒韭菜,其實佢嘅味道介乎於大陸燒烤跟日本燒烤之間,冇大陸嗰啲咁從未,所以都幾啱香港人

豬頸肉燒到啱啱好,中間仲有少少粉紅,但係熟晒嘅冇問題,送啤酒一流

其實我唔係好食鰻魚,應該話唔會特登叫黎食,但係依條燒鰻魚真係好好味

餃子雞翼,當然裏面唔係有隻餃子喺度啦,佢係入面釀咗餃子嘅餡料,野味、飽肚

扇貝,我覺得蒜蓉比扇貝更好味

燒茄子,同大陸嗰啲好唔同,你會見到上面全部都係炸蒜蓉,唔知大陸嗰啲蒜蓉辣椒蔥花,各有特色

炭燒黑豚肉,不過不失

燒金菇牛肉卷,同我媽咪整嘅差唔多

其實唔算貴,係我哋飲咗九杯啤酒,如果唔飲啤酒其實每人都係兩三百,尖沙嘴區算係抵食

造訪日期: 2020年5月
感謝 ChrisWan1612
該評論乃TripAdvisor會員主觀個人意見,不代表TripAdvisor LLC公司。
發表評論評論 (31)
旅客評等
旅客類型
月份
語言

3 - 7 則評論,共 31

2020年2月28日

逛過年宵後,雙腿已經非常酸。正急著找家餐廳吃晚飯,朋友介紹這家在尖沙咀的串燒店。內部裝修似是宵夜的格局,座桌上大多是高枱高座椅,很有與朋友把酒聊天,再點兩串串燒的感覺

多數酒吧的酒類會以買一送一作招徠,而他們則巧妙地運用星期日數,如星期二買二送二,星期四買四送四等優惠吸引客人。 在每張桌上擺放了四款調味瓶,分別是孜然粉、鹽、黑椒粒和辣椒碎。供客人自行再加以調味

我們先點了牛肉粒串,豬肉串和鴕鳥肉串燒。牛肉串每串都比較大顆,肉質不錯。而豬肉串的肥肉不算多,口感比較韌,相信如果換成豬頸肉口感會截然不同。在香港比較少地方會賣鴕鳥肉,好奇心之下點了一試。由於鴕鳥肉的脂肪比例很少,再經燒烤後肉內沒太多肉汁,因此口感比較嚡口。

而海鮮類則點了蒜蓉燒帶子、芝士黃金蝦、燒蠔拼盤和冬蔭功焗蜆。蒜蓉用了大量蒜和牛油覆蓋帶子,雖然香味十足,但帶子比較細顆,未能突出彈牙鮮甜的感覺。芝士黃金蝦則相當鮮甜美味,將蝦肉一拼連芝士放入口內回味無窮。為了可以品嚐每款燒蠔的味道,就選了一共六隻的燒蠔拼盤。在每款比較之下,發現原來最原汁原味,沒加任何調味的燒蠔是最好的。

最後,我們以一盤冬蔭功蜆作結。餐廳利用錫紙包著再焗,錫紙內放了金菇碎以吸收整體味道。但我們都認為辣勁比較強,吃過兩三隻蜆後,舌頭都麻了,只好加多兩罐涼茶解解辣。 喜歡吃辣的朋友應該會很喜歡。

造訪日期: 2019年4月
    • 划算度
    • 服務
    • 食物
感謝 ctfoodtravel
該評論乃TripAdvisor會員主觀個人意見,不代表TripAdvisor LLC公司。
2020年2月18日

好友早前轉了新工作崗位,忙到天昏地暗,幸好還可以忙裡偷閒,與我飯敘。大家相約了來尖沙咀吃晚飯,一於邊食邊傾。

友人揀了亞士厘道這間串燒烤焗專門店,餐廳佈置平實,用上灰色牆身襯高身木檯櫈,再以酒樽作點綴,環境輕鬆寫意,格局頗有氣氛。另外每張檯上均放了三樽不同的調味料,方便客人吃串燒時自行添加。

餐牌很簡單,一張過,但其實選擇都幾多,前後兩頁都寫滿食物,項目分門別類。

先來一客汁燒 BB 露筍 ($39):合時的露筍鮮嫩非常,條條色澤都保持翠綠,咬下爽口又多汁,而且一點渣也沒有,跟燒汁非常夾配,入口鹹鹹地,甜甜地,很入味。

鹽燒厚切牛舌 ($68):牛舌一串有 5 塊,既大件又厚身,咬下爽脆不韌,每一口都充滿肉汁,不油不膩,羶味亦絕不強烈。

燒新鮮冬菇串 ($29):好多時食燒冬菇都會覺得太淡,但呢度就無問題,不但燒得剛剛好,而且調味十足,能夠帶出冬菇嘅鮮味。

香燒原條日本鰻魚 ($62):條鰻魚的 Size 雖然唔算好巨型,但都有我手掌般長,以原條來說,可謂十分划算。反轉可以清楚見到兩面都同樣燒得金黃,加上邊位烤至微焦,外皮脆卜卜,魚肉結實且有彈性,配上蒲燒汁,更加惹味。

鹽燒安格斯牛柳粒 ($79):初頭覺得啲牛柳粒唔夠厚身,但原來食落味道唔錯,燒得啱啱好,入口柔嫩脆韌,而且香氣濃郁,口感厚實彈牙。

蒜蓉燒原條茄子 ($49):原條半呎有多的大茄子開邊,再放上蒜蓉來燒,送上桌時香氣撲鼻。茄子本身已經好鮮甜軟腍,加上夾雜住好香的蒜蓉味,入口非常 Juicy,愛茄人士必試。

食燒烤或串燒,點少得雞翼?點了客柚子香燒雞翼 ($30),雞中翼肥大飽滿,面層塗滿了甜甜的柚子蜜,雞皮很薄,食落帶柚子清香,而雞翼內裡的肉質亦非常好吃,雖未至於汁液四濺,但咬下嫩口不乾身。

惹味黑椒牛仔骨 ($59):碟牛仔骨非常抵食,份量超多,而且最正就係醃得好入味,加上辣辣地嘅黑椒汁,香口又惹味,非常值得推介。

近排天氣轉冷,唔敢飲凍嘢,所以一人點咗一杯熱柚子蜜 ($18@) 來滋潤喉嚨,可以清楚見到杯底沉著不少柚子肉和柚子皮 ,甜度亦剛好,飲完成身暖曬。

造訪日期: 2020年2月
    • 划算度
    • 服務
    • 食物
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2019年12月5日

朋友話掛著日本個d串燒 就行下睇下有無餐廳係附近 上網搵到呢間係附近 我地就去試下啦
晚上7:30上到去 平日都有8成滿 好旺場
我地兩個叫左十樣野食

麻吉燒($22)
出面係魚蛋既口感入面包左糍粑粒 口感煙煙韌韌 十分好味

火辣牛丸($22)
佢表面帶有辣焦種子 食洛口首先係覺得彈牙 燒左都唔會乾 跟著就黎料 辣味有後勁 所以唔食辣既朋友小心

燒玉子燒($38)
厚身既 蟹子都比較多 玉子同芝士帶有甜味 唔錯

黑椒牛仔骨($59)
59蚊比左錦多塊真係抵食 另外佢帶有燒汁味但又唔會遮蓋黑椒味 兩者好夾 肉唔會好un 好容易咬

雞肉串($39)
肉多汁 唔乾 熱食有煙出 仲帶有碳燒味 肉又厚身

燒雞腎($32)
估唔到比錦大粒 好有咬口 好彈牙 燒得剛剛好

燒雞軟骨串($39)
外脆內軟 表皮似炸 唔會好實 籽然粉帶起雞骨味

原隻魷魚($69)
好大既兩隻魷魚 唔會太難咬 但燒汁唔多夠 不過味道調得剛好

安格斯牛柳粒($79)
無諗過佢既牛柳粒係條唔係粒 超多肉汁 牛味最濃 想食多幾串

原條鰻魚($62)
成條食係霸氣既 口感唔會太腍 用黎配珍珠米就可食多幾碗飯

總結:
-性價比高
-食物質素唔錯
-等侯時間唔會太長 每碟都係熱辣辣上既
-員工好好禮貌 又會幫忙檢查有無漏單 加油

造訪日期: 2019年12月
    • 划算度
    • 服務
    • 食物
6  感謝 tammyfung
該評論乃TripAdvisor會員主觀個人意見,不代表TripAdvisor LLC公司。
2019年12月3日

每當秋季來臨,就係燒烤既最好機。
不過你唔想對住個火爐食哂d濃煙既話,
倒不如就直接去燒烤店,有專人幫你燒埋,
坐係到unun腳等食,絕對係明智既選擇呀!
今次就黎到尖沙咀亞士厘道呢間港式燒烤店
「肚餓了串燒烤焗專門店」。地方唔算大但幾骨緻,
加左我咁岩好好彩坐到窗景果一邊,特別好Feel。
柔和光線加埋木系傢俬,舒服自在,值得一去!
-
▪ 鹽燒厚切牛舌 - $68
▫ 牛舌真係必食推介,鹽燒就最好不過啦,
簡單既調味就做出果份原汁原味出黎。
呢到既牛舌份量十足,質感厚身。
燒得岩岩好均勻入味,入口幼嫩唔會韌,
相當好食。
-
▪ 秘製醬汁燒豬頸肉 - $69
▫ 話明秘製,梗係有佢既成功之道啦,
呢個招牌豬頸肉表面燒到有少少焦香。
每一塊都做到厚薄適中,入口相當嫩滑有彈性,
加埋醬汁既配搭,口感份外惹味,必食推介!
-
▪ 芝士蟹籽玉子燒 - $38
▫ 厚厚既玉子燒真係夠哂邪惡,海量既蟹籽
哂係面頭,咬落啖啖玉子索索聲,夠哂過癮。
賣相睇落仲有少少似日式三文治咁,幾得意。
-
▪ 肉汁香燒餃子雞翼 - $49
▫ 雞翼外皮燒得金黃香脆,唔會太乾身,
食落肉汁都係返到。肉質嫩滑,
裡面好似釀雞翼咁,幾特別,
同平時食開既燒翼有d唔同。
-
▪ 汁燒北海道原隻魷魚 - $69
▫ 大大隻原條魷魚貨真價實,份量十足,
每啖都沾滿哂醬汁,夠哂惹味。
肉質咬落爽口厚實,煙煙韌韌,唔錯。

造訪日期: 2019年12月
    • 划算度
    • 服務
    • 食物
感謝 lankiman6330
該評論乃TripAdvisor會員主觀個人意見,不代表TripAdvisor LLC公司。

查看過肚餓了串燒烤焗專門店的旅客也查看過

 
中國香港
中國香港
 

去過肚餓了串燒烤焗專門店嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單