我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“食物質數一樣咁Shine 🤩”
Shine的評論

Shine
餐廳訂位
香港排名第495 (共15,296家餐廳)
優等證書
周圍地區: 尖沙咀
餐廳詳細資料
周圍地區: 尖沙咀
4 週前評論 透過行動裝置

識咗10幾年嘅好朋友就快生日,經朋友介紹之下嚟到尖沙咀太子集團嘅Shine,呢幢大廈層層都有好嘢食㗎!等我睇吓佢哋啲嘢食係唔係真係咁Shine先?

黃金手工蟹餅配秘製酸辣醬 $188
呢個手工蟹餅即叫即炸,我冇諗過份量係咁大,通常出面餐廳d蟹餅得豆腐潤咁細,但係呢一個竟然係掌心咁大,要用刀叉切,我覺得唔應該叫蟹餅,應該叫蟹肉扒!裏面啖啖都係新鮮蟹肉,鋪到密一密,老闆絕對唔會吝嗇!每啖都熱辣辣,配搭埋秘製酸辣醬,微微辣好過癮!值得一讚嘅地方係,食晒成塊蟹餅之後係食唔到一粒蟹殼!平時食蟹餅最驚就係食到蟹殼!自己食晒一塊好滿足

芝士焗加拿大龍蝦意粉 $258
OMG!!! 隻龍蝦大到遮住咗半碟意粉!食得出龍蝦並唔係平價貨,肉質爽口彈牙,不過如果多啲芝士就好啦 意粉嘅汁有淡淡的龍蝦味,但唔會好Heavy,因為隻龍蝦已經用芝士焗,如果意粉都用好濃嘅龍蝦汁去煮的話,就會太over!汁亦都唔會太杰,唔會令到意粉一pat pat,呢個配搭剛剛好,起碼令我會有想追住食嘅感覺

燒安格斯肉眼扒配野菌紅酒燒汁 10oz $388
店員一拎到嚟之前,見到塊扒已經有想即刻夾嚟食嘅衝動!燒得好靚,完全是要求嘅medium rare!朋友食第一塊已經即刻話超級好食好正,廚師嘅手勢真係非常好!而且塊肉眼扒嘅size好大,唔止10oz!配菜嘅蘑菇同焗大蒜都做得非常之好,唔會因為配菜就Hea煮,亦都非常入味同溫度夠!

Mixed Berry Soda $58
用咗利賓納做base,配上雜錦Berries,甜甜地幾醒神!

疫情關係令到呢一棟主要做食肆嘅商業大廈變得有啲冷清,樓下已經唔再見到要排隊嘅人龍,說實話有啲心痛!Shine嘅食物每一道都令我非常之有驚喜,以為只係一間普通嘅西餐廳,但係食得出廚師係有心機煮,同佢哋嘅名一樣都係咁Shine!同埋有一個位係非常之加分,每一道菜店員同廚師都會等我哋食完一碟先上一碟,但中間係唔需要等好耐,感覺係廚師希望我哋認真品嚐每一道菜,唔會似出邊餐廳咁一次過上晒所有菜式,食唔切之餘仲搞到凍哂!

造訪日期: 2021年4月
感謝 Francoiserice
該評論乃TripAdvisor會員主觀個人意見,不代表TripAdvisor LLC公司。
發表評論評論 (76)
旅客評等
旅客類型
月份
語言
  • 更多語言

3 - 7 則評論,共 77

2020年11月26日

Shine 係尖沙咀已經開左近3年,每到需要慶祝﹑女生聚會或是八婆聚會時,就會選擇這間Shine 。
 
環境可說是型格得來帶一點獨特的風格。高卡位﹑大長枱或是bar枱都可以滿足想慢慢吃飯﹑飲酒﹑partytime。
 
茶包今日單純想用一頓好飯滿足這一月的辛苦。點上一份SHINE Burger 。
 
漢堡不單有多層的餡料,而且頂上配有兩圈炸洋蔥,再配上配菜的薯條,wa份量十足。
 
男朋友一咬下漢堡時,其實都有一點困難,因為真的太厚了!茶包偷偷咬了一口,烤到剛好的大啡菇配上手打的漢堡肉,真的太好吃了,再加上新鮮的蔬菜,應該可以一口氣吃光光吧~
 
茶包更欣賞碟上的配菜,因為薯條夠熱,應是新鮮炸起,調味的咸度剛剛好,外脆內軟,如果醬汁上再加多一點點心思,就更好了!
 
茶包其實都幾鍾意法式寶雲酥焗羊架,沾上果仁的外皮,稍微煎一下,然後擺入焗爐慢火烤製,羊架的熟度剛好,切開成一點點的粉紅色,每一口都是鮮嫩軟滑,羊脂的油香,真的令人十分幸福!

再點上一杯調酒,清爽的感覺,迷人的酒香,真叫人沈醉在這個時空中!

造訪日期: 2020年11月
    • 划算度
    • 服務
    • 食物
感謝 bag t
該評論乃TripAdvisor會員主觀個人意見,不代表TripAdvisor LLC公司。
2020年11月6日 透過行動裝置

想係尖沙咀搵性比價不錯的西餐其實有好多選擇,Shine便是其一,環境也不錯,適合和朋友一齊談天說地

手工豬肉丸子伴溫泉蛋
兩粒大大嘅豬肉丸子,食落去又好香脆,再配上溫泉蛋,幾有新鮮感嘅一道菜式

脆香魷魚配蒜香蛋黃醬
魷魚雖不是炸至金黃,但都好香脆,同清清嘅蛋黃醬都幾配合

海鮮墨汁意大利飯
海鮮好足料,味道濃,墨魚碎和飯拌勻,食落去滿口彈牙爽口

造訪日期: 2020年6月
1  感謝 liebe_king
該評論乃TripAdvisor會員主觀個人意見,不代表TripAdvisor LLC公司。
2020年10月3日

今晚是中秋佳節前夕,決定早一點慶祝,好耐無再來了,加上氣氛開始好,心情好決定食一餐豐盛晚餐,對自己好一點。

燒安格斯肉眼扒
3成,5成,7成,我最喜歡7成,賣相加分,牛扒肉味非常濃郁,油脂香,加上肉汁,內裡還有粉紅色,火力掌握得好好,伴有露筍,焗薯塊、車厘茄,加野菌紅酒燒汁,大滿足!

芝士焗加拿大龍蝦意粉
意粉被滿滿龍蝦汁包裹,龍蝦汁鮮味,意粉彈牙,半隻龍蝦燒得好香,龍蝦肉鮮味彈牙,加了車厘茄,酸味中和,感覺唔會油膩。

Apple Juice
香甜蘋果汁,清新解渴。

環境乾淨企理,職員服務周到,雖然外邊黑雨,依家滿座,食得好舒服!

造訪日期: 2020年9月
感謝 NataliePang720
該評論乃TripAdvisor會員主觀個人意見,不代表TripAdvisor LLC公司。
2020年3月26日

尖沙咀嘅西餐廳中,
小編最欣賞嘅餐廳之一—「Shine」,
幫襯過都有十次,
水準一直都keep得好好!
而且每次menu都有新驚喜!

推薦❗️黃金手工蟹餅配秘製酸辣醬($188)
Handmade Crab Cakes with Chutney Sauce
曾經有一段時間,「Shine」嘅蟹餅變晒做蟹波,
雖然食得方便,但口感會比較遜色。
依家終於改良返,變返做蟹餅,
仲要係兩大塊大過拳頭嘅蟹餅,正!
蟹餅外皮炸得金黃酥脆,
足足有1-2cm厚,超厚身!
裏面嘅材料好豐富!
裏面除咗有滿滿嘅蟹肉,
食落仲有一絲絲嘅口感,
仲配上青紅椒絲等配料,口感更豐富!
配上印度甜酸醬(Chutney Sauce),幾惹味!

推薦❗️青醬蝴蝶粉配香煎雞胸($198)
Pesto Farfalle with grilled chicken breast
蝴蝶粉軟硬適中,
青醬均勻地沾滿每一粒蝴蝶粉,啖啖滋味!
雞胸相當出色!
用料上乘,口感嫩滑,一啲都唔嚡!

Lychee Sangria($88)
荔枝味十足,香甜又refreshing,
容易入口,啱晒女士們!

My Hero($88)
比較適合gentlement,酒味比較重,
配上多款熱帶水果汁,好有藍夏威夷嘅感覺~☺️

造訪日期: 2020年3月
    • 划算度
    • 食物
感謝 foodie_talk
該評論乃TripAdvisor會員主觀個人意見,不代表TripAdvisor LLC公司。

去過Shine嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。