我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“限聚。匯聚”

新匯聚餐廳小廚
香港排名第3,029 (共15,296家餐廳)
周圍地區: 觀塘區
餐廳詳細資料
周圍地區: 觀塘區
4 週前評論

限聚令下,由全面禁止晩市堂食,直到最近,再由兩人放寬至四人一枱,終於可以約多一、兩個朋友聚聚餐,點多幾款餸了。

今餐選址觀塘廠區,皆因這裏越來越多美食進註,餐廳裝修美侖美奐,中西美食,選擇眾多, 惟以鑊氣小炒為賣點,價錢、質素、份量合理的食肆,相信新匯聚會是少數中之選。由地鐵站出口沿開源道行至成業街,見到有老板招牌頭像的標誌便可直入上一樓,置於橫樑的菜館招牌下方,左邊門便是餐廳入口。

入座後,店員會主動推介他們的撚手菜式,今日來了那些生猛海鮮等,若果還未有結論,可研究下餐牌再作決定。

蜂蜜梳打水 $20
鎮店特飲,當然要叫一杯啦,淺淺金黃的顏色,味道清清地又有甜甜蜜蜜的蜂蜜味,加入冰凍的有氣梳打水,簡直凉透心。

煎蠔仔餅 $80
外層金香酥脆,蠔仔粒粒飽滿,份量又多, 每一啖都是豐富的蠔仔鮮味,可按個人喜好配漁露或胡椒粉,我較愛胡椒的乾爽及香辣,令蠔味更特出

酥炸德國咸豬手 $170
上檯時仍熱辣辣,乾爽酥脆,一點也不油膩,外皮稍厚實淨,咬落卻脆卜卜鬆化無比,彷如食厚身薯片一樣,非常有質感,香口美味;豬手肉咸咸香香, 配啤酒應該好正 ! 奉上的沙律醬帶少少Wasabi 味,用來點豬手,味道也不錯。

獅頭鵝片 $ 120
獅頭鵝肉多且厚,軟嫩鬆化,師傅刀工不俗,鵝片厚薄適中,片片均等,肉汁帶滷水清香,不會死鹹,蘸上少少醋另有一番風味,佐以口感棉滑的滷豆腐,盡吸滷水精華。

啫啫炒芥蘭煲 $85
吃了那麼多肉,炒碟菜也不為過吧。爆香蒜茸、干蔥、辣椒、肉碎、醬料再放芥蘭一同快炒,散發出濃烈香味,令人難以抗拒,芥蘭莖身粗,卻嫩而不老,有咬口又爽脆,味道咸咸香香,可謂有鑊氣,又惹味。

桃膠蓮子手磨杏仁露 $35
侍應見我們吃到八八九九,便送上甜品餐牌。中西式的甜品也有供應。食中菜,個人鍾愛配中式甜水,不過時下好吃的中式糖水已買少見少,所以便試一試這裏的出品。

杏仁露不是用燉盅或碗上檯,而是用高身外賣器皿,起初以為店員誤會我們要外賣走,卻原來糖水是店員從附近另一間分店取過來,為確保衞生所以用上外賣兜。

糖水還是温熱狀態,質地稍杰身,杏汁味濃,入口細滑,最開心是入面有很多黃金晶瑩的桃膠、鬆化的蓮子,非常足料,所以臨走前再叫多兩碗外賣帶走,給家人享用。

餐後甜品馬豆糕
雖然是送給客人的飯後甜, 不過用料也足,亦不會太甜,入面有很多馬豆,亦富椰香味,正正方方一粒,用叉食十分方便。

菜館雖然沒有時下流行的華麗佈置,但出品就以實實在在的質素吸引食客,在這裏點幾個撚手小菜,同朋友嗒番兩杯,高談闊論,不失為一個好地方。

造訪日期: 2021年3月
    • 划算度
    • 服務
    • 食物
感謝 3point3
該評論乃TripAdvisor會員主觀個人意見,不代表TripAdvisor LLC公司。
發表評論評論 (13)
旅客評等
旅客類型
月份
語言

1 - 5 則評論,共 13

2021年3月29日 透過行動裝置

收工和朋友來到觀塘新匯聚餐廳小廚食晚飯,這裡主打嘅係潮式打冷和大排檔式粵菜,呢兩款菜系在香港亦不乏x場客,而我和同行友人就係其中兩位。

坐低後老闆熱情推介左一款隱藏菜式梅子蒸鵝,咁難得遇到當然要試下。唔好以為鵝一定要食燒嘅,呢到嘅蒸鵝配上自製梅子嘅果醬,食嘅上黎一啲都唔會輸,仲有種清新開胃感,食強幾舊都唔會怕膩。

第二樣食蠔仔煎餅,呢到嘅蠔餅非常大份,夠晒四個人食,炸得很夠晒香口,蠔仔肉亦好香甜,非常不錯。

最後仲有一份欖角骨拼椒鹽鮮魷,椒鹽鮮魷絕對係大排檔必食嘅菜式,咸香脆嘅口感,是一碟非常適合下酒嘅小食,而欖角骨用上蜜油去製作,食落香甜,肉質亦好soft,適合小朋友食用。

造訪日期: 2021年3月
感謝 kkkkkiiiiittttt
該評論乃TripAdvisor會員主觀個人意見,不代表TripAdvisor LLC公司。
2021年3月7日 透過行動裝置

今晚同媽咪去到觀塘嘅工廠區發掘左一間有潮州小菜嘅餐廳,一到步老闆就十分用心又興奮咁為我哋推介小菜。喺芝麻雞同手撕雞嘅選擇之間,我哋今晚就試吓手撕雞。手撕雞有少少辣,但係感覺幾清新,係開胃嘅前菜。 老闆話,其實可以要求多麻多辣,視乎個人喜好。再叫咗一隻燒乳鴿,燒乳鴿非常多肉入味,而且肉質嫩滑,一人半隻,啱啱好。媽咪係潮州人,揀咗一樣潮州小菜,韭菜豬紅,分量十足,啲湯又唔會太杰,非常美味。最後叫咗一碟椒鹽炸豆腐,老闆話最好就係點醋食,外面脆,入邊豆腐夠滑。店員特別推介蜂蜜梳打水,所以我哋都嗌左一杯試吓,凍冰冰,酸酸甜甜,非常配合今晚叫嘅小菜。老闆仲送咗一份馬豆糕俾哋,有個甜品作結尾好滿足。我覺得呢一間餐廳老闆同店員都非常熱情,小菜出色,地點亦都方便,雖然係工業區,但係地方清潔,非常有水準,會係家人朋友聚會嘅好地方。

造訪日期: 2021年3月
感謝 ClaudiaW0228
該評論乃TripAdvisor會員主觀個人意見,不代表TripAdvisor LLC公司。
2020年7月30日

七月初的時候為慶祝爸爸的生日,我便與娘親、姐姐一家和老公寶寶老早相約了一同吃飯慶祝一番,一家人相聚爸爸當然要暢飲慶賀,於是我便挑選了這間有名氣的新匯聚餐廳小廚。

這間餐廳以前在牛頭角下村頗有名氣,曾經搬遷過兩次了,如今開在觀塘觀塘成業街成運工業中。以吃打冷、大排檔最為有名,以往爸爸曾光顧過不少,不僅食物惹味可口,而且鑊氣十足。

滷水拼盤
滷水拼盤分別有大腸、紅腸、豬耳、魷魚、豆腐,頂層再放置芫荽作點綴,大腸鹹香濃郁,嚼勁十足,紅腸緊實彈牙,肉質細膩香濃,豬耳柔韌爽脆,鮮香不膩,魷魚爽口彈牙,嫩滑鮮美,豆腐滷得入味,軟嫩滑溜,滷水製作得甘香可口,鹹味適中,口味偏向港式,用作配搭啤酒一流。

芝麻雞
芝麻雞是餐廳其中一款主打菜式,外觀色澤金黃,外層炸得酥脆可口,灑上大量芝麻作調味,入口鹹香惹味,雞肉肉質結實嫩滑,味道香口不油膩。

杏汁燉豬肺湯
豬肺湯色澤呈現奶白色,入口杏汁味道濃郁,口感鹹中帶甜且黏度較高,湯料方面亦甚是豐富,有雞肉、豬肉、豬肺,味道均肉味濃郁,嫩滑鮮美。

秘製蜂蜜欖角骨
這款同樣是餐廳的主打菜式,欖角骨份量充足大件,外層加有蜜糖、黑椒再炒至焦香,入口肉質飽滿厚身,香口惹味,味道甜香中帶有黑椒的辛辣。

蒜蓉蒸大元貝
大元貝頂部放上粉絲、大量蒜蓉、蔥粒一同蒸製,粉絲口感順滑入味,既帶有蒜蓉的獨特香濃,亦有鼓油的甜味。因為餐廳有魚缸飼養海鮮,所以元貝入口新鮮彈牙,肥美飽滿,味道鮮甜濃郁。

香脆蠔餅
蠔餅厚身大份,上層放有芫荽作點綴,入口酥脆鹹香,蛋味濃郁,且蠔仔份量眾多,每口均可吃到,入口肉質鮮香清甜,肥美飽滿,鮮味十足。

酥炸咸豬手
酥炸咸豬手是餐廳的招牌菜式,外皮炸得金黃焦脆,入口肉質鹹香幼滑,豬味香濃,肉汁豐盈,而且價錢合理化算,用作搭配啤酒進食相當適合。

其餘還點選了蝦籽柚皮、蒜蓉炒芥蘭、蜜糖薯仔牛柳粒、椰汁綠豆糕,食材均用料新鮮,惹味可口。飲品則選擇了麒麟一番、自家製檸檬薏米水,入口冰涼解膩,配搭各式菜式亦甚是相配。

整體而言,餐廳環境簡約樸素,整齊衛生,而且店內有魚缸養殖海鮮,食材新鮮出色,味道鑊氣十足。老公寶寶說與朋友暢飲一番和吃打冷、大排檔的好選擇。

造訪日期: 2020年7月
    • 划算度
    • 服務
    • 食物
感謝 starchgal1130
該評論乃TripAdvisor會員主觀個人意見,不代表TripAdvisor LLC公司。
2020年1月7日

工廠區的老牌 地道餐館, 環境一般,但老板及員工很齊心,由其老板及其女兒,態度很好食物上得快,嘢食味道唔錯,但唔抵食。

造訪日期: 2019年10月
感謝 KitmanW4
該評論乃TripAdvisor會員主觀個人意見,不代表TripAdvisor LLC公司。

去過新匯聚餐廳小廚嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。