我們不支持您使用的這種瀏覽器。TripAdvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“nice food nice environment ”
Ocio的評論

Ocio
訂位
線上訂購
香港排名第1,786 (共13,928家餐廳)
周圍地區: 旺角
餐廳詳細資料
周圍地區: 旺角
2019年9月15日 透過行動裝置

今日超多野做..放左工就約左朋友去旺角買野放鬆下 因為朋友好想食窩夫所以我哋就揀咗呢一間 ocio~~~

我哋大概七點幾到 餐廳已經人山人海 侍應就俾咗一個餐牌我哋望望

朋友叫咗 dinner set 既burger (下佢明明話食waffle 既?)

set dinner都幾抵 有個湯同餐飲

奧斯芝士漢堡:漢堡份量大,有即叫即炸的香脆薯條作配菜,漢堡方面除了鬆軟的包外,當然主角是厚身而多汁的牛肉漢堡扒,加上有清新爽脆口感的生菜,再配上香脆油香味十足的煙肉,還有多汁酸甜的蕃茄,當然少不了一塊半熔狀的芝士夾雜在其中,中間還摻入了少量的菇菌,令整體漢堡口感層次增添不少。

跟住就到我既奧斯芝士焗龍蝦窩夫早餐:份量頗多,賣相極佳,香脆的原塊窩夫,蛋味香濃,在半隻龍蝦上鋪滿滿的芝士烤焗,芝味十足,肉質爽口彈牙,配上薯條,沙律作配菜。CP值超高!!

好滿意 下次想試下waffle炸雞!! 同埋佢其他 waffle 甜品~~~

造訪日期: 2019年8月
感謝 hkfoodkillerr
該評論乃TripAdvisor會員主觀個人意見,不代表TripAdvisor LLC公司。
旅客評等
旅客類型
月份
語言

4 - 8 則評論,共 39

2019年8月20日 透過行動裝置

之前食過大圍嘅Oico,喺旺角咁啱見到佢地旺角分店,又見肚餓oico,所以就入去醫下肚。

蘑菇湯
今次呢道喺俾蘑菇汁,證明菜單每日都會有小小改動,唔會一成不變。味道方面都好唔錯,不過就無乜湯渣,如果有多d蘑菇食下就會更好。

香煎西班牙豬鞍伴薯條
原本喺想食奧斯龍蝦肉漢堡,不過見平時小食豬鞍所以都喺轉一轉。豬鞍睇落厚身,原本仲擔心會唔會內層唔熟,但切開一望就放心晒,因為絕對熟嘅,但又唔會熟過頭,內層好嫩口多汁,外層嘅肉都唔會柴口。大大啖肉咁咬落去好爽快,食肉獸嘅獸性又被喚醒。

奧斯BBQ醬春雞伴意粉
最令我忘懷嘅喺意粉,唔喺隻燒春雞。意粉食落有好重嘅蒜香味,愈食愈開胃,愈食愈停唔到口,好耐都無食過一碟咁有魔性嘅意粉,完全征服咗我個胃。燒春雞並不是唔好食,只喺今日意粉太出眾。燒春雞做到佢本份,有烤香味,雞肉有幼嫩位,都有厚肉柴口位,所以食落就知佢喺一隻盡責嘅燒春雞。

造訪日期: 2019年8月
感謝 tastyscreen
該評論乃TripAdvisor會員主觀個人意見,不代表TripAdvisor LLC公司。
2019年8月16日 透過行動裝置

這間西餐款式好多,有意粉、意大利飯、扒類、漢堡包等,更有多款甜品。

環境好型好特別,設計獨特可愛;服務態度友善有效率有禮貌!

食物方面我們選了一個晚餐套餐(包餐湯及飲品)是日餐湯是磨菇蓉湯(稀稠剛好,菇味香濃,配上少少香草)另外,我們點蒜香辣海鮮意大利粉(蒜味好正好香,辣味唔太強,意大利粉軟硬剛好,配上海鮮(蝦、魷魚、蜆肉等)飲品點了特飲(菠蘿特飲:酸酸甜甜又夠凍)
另外點了一個甜品(鑊仔抹茶紅豆雪山:鑊仔好熱,雪山軟軟口感,大大粒軟腍紅豆,抹茶醬香唔會太甜,雪山口感軟滑)

造訪日期: 2019年8月
感謝 pangpangeat
該評論乃TripAdvisor會員主觀個人意見,不代表TripAdvisor LLC公司。
2019年7月9日 透過行動裝置

餐廳:Ocio (旺角)
地址:旺角煙廠街33號朗廷軒地下B舖

5點半去到旺角煙廠街嘅奧斯Ocio,岩岩好趕得切午餐同下午茶嘅平價餐牌尾班車,所以可以豪少少食多個甜品

Ocio餐廳自己設計左好多特色嘅食物同飲品,例如奧斯花茶、奧斯雪山、奧斯特色漢堡、奧斯特飲等等,相當有心思同諗頭,亦都見到餐廳的裝修係落咗唔少嘅功夫,連廁所都充滿擺設同油畫,相當吸引

黑椒香煎羊扒伴意粉(午餐) $79
估唔到一個羊扒餐可以咁平,仲要五點幾都有得叫,可以當埋晚餐咁食,一個意粉仲要有成3件羊扒,又有沙律同湯,仲跟埋一杯$33飲品,你話抵唔抵先。羊扒經過醃製後非常入味,黑椒、香草同鹽嘅配搭令羊扒單調不再,加埋燒汁就更加吸引,意粉唔會好乾身,用牛油同蒜炒過更香更好味

香蕉朱古力窩夫配雲呢拿雪糕(下午茶) $49
焦糖香蕉加上朱古力味嘅窩夫連埋雲呢拿雪糕一齊食真係好好味,每一啖都夾雜住3種甜,真係甜到入心焦糖香蕉嘅甜、朱古力味嘅甜,仲有雪糕嘅甜,食完真係好開心,窩夫鬆厚得黎帶啲脆,食落口仲要係暖暖地架添

造訪日期: 2019年7月
感謝 hinsonfoodhk
該評論乃TripAdvisor會員主觀個人意見,不代表TripAdvisor LLC公司。
2019年7月7日 透過行動裝置

一直想搵一些平靚正dinner set:一個寧靜舒適嘅環境,可以同朋友促膝詳談。簡單three course就夠,如果有扒扒鋸就最好,不然的話有意粉都OK。價錢最好$200內。地點最好係油尖旺,方便大家。

今日比我搵到一間,喺旺角煙廠街。

餐廳名叫”OCIO”,牌匾寫的是撩草,好似高級嘅西餐廳般的。一邊環境都唔錯,樓底都幾高,座位之間有足夠空間,簡單優雅。

共有19款dinner set 可選,由$89到$178不等。有牛扒、春雞、意粉、漢堡、全日早餐等等。當中也有很多龍蝦的options,想到菜單上嘅照片,龍蝦都是原隻上,抵食。

【奧斯特選早餐】
全日早餐很豐富,有煙三文魚、雞扒、很長很長的薯仔及香腸、雞蛋、焗豆、窩夫及沙律菜等等。配有糖漿,淋上窩夫上食。
見到咁豐富的早餐,未食已經很興奮。

【奧斯BBQ醬春雞伴意粉】
有半隻春雞,伴有意粉及沙律菜。
春雞烤得剛剛好,雞肉多汁鮮嫩。值得一提的是,意粉煮得很有水準,應該是煮的時間控制得好好,不會太軟。調味到位,又夠熱,不是快餐廳的hea 意粉。

【奧斯水城雞翼】
+$39有5隻雞翼,夠多醬好滋味。

飲品方面我叫一個熱飲及凍牛奶,茶包是選用較貴的Twinings,贊!

造訪日期: 2019年7月
感謝 Foodie_at_Hong_Kong
該評論乃TripAdvisor會員主觀個人意見,不代表TripAdvisor LLC公司。

去過Ocio嗎? 請分享你的經驗!

亞洲萬里通箭頭
發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單