我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“超好味龍蝦西餐”

The Point (尖沙咀)
使用外送服務
香港排名第94 (共15,381家餐廳)
周圍地區: 尖沙咀
餐廳詳細資料
周圍地區: 尖沙咀
2021年5月10日

呢日黎左呢到食西餐 之前都食過其他分店覺得好味

今次就特登黎試新既龍蝦餐牌 每個數都有好足料既龍蝦 超興奮。

第一樣有龍蝦濃湯 湯好香滑 龍蝦味香濃 而且仲有少量龍蝦肉 不過好果個包唔浸落去就perfect:mad::mad:

前菜有紅菜頭沙律 酸酸甜甜 好開胃
之後就叫左龍蝦pizza 賣相好吸引 芝士味好香 配合埋龍蝦肉 火箭菜 味道好夾 好好味

另一樣就係芝士焗龍蝦肉意大利飯 原條既龍蝦肉 好鮮甜 食埋個飯就唔使驚唔飽喇

最後仲有甜品 係香蕉朱古力.brownie .我最鐘意佢唔係超級甜 成餐就超滿足喇!

造訪日期: 2021年5月
感謝 ritter1207
該評論乃TripAdvisor會員主觀個人意見,不代表TripAdvisor LLC公司。
發表評論評論 (133)
旅客評等
旅客類型
月份
語言
  • 更多語言

10 - 14 則評論,共 135

2021年5月10日 透過行動裝置

聽聞有個火焰龍蝦餐,就黎試試。

睇下有咩食先

龍蝦湯
龍蝦味濃,湯厚身,奶油味重。

龍蝦紅菜頭沙律
色彩繽紛,紅菜頭紅紅滑滑。

龍蝦焗芝士通粉
龍蝦鮮甜,拉絲芝士, 鹹鹹地,正。

火焰龍蝦披薩
嘩~龍蝦著火,好香,龍蝦嚷了芝士菇菇,又鮮又香,色香味俱全。披薩皮不薄不厚,有少少麵包感覺。

朱古力布朗尼配雪糕
布朗尼熱熱甜甜煙韌,雪糕 又凍又清新,冰火交集。配上焦香甜香蕉,好夾。

Mojito 西柚味
Rum酒味夠,薄荷味出眾,少少西柚味。

Mango Tango
三層色, 石榴汁,橙汁,芒果汁,酸甜互補,唔錯。

造訪日期: 2021年5月
感謝 hottea12
該評論乃TripAdvisor會員主觀個人意見,不代表TripAdvisor LLC公司。
2021年4月18日 透過行動裝置

Hello我係Moon有一種海鮮肉質又飽滿又肥美又鮮甜,機會喺食堂出現亦都會喺沙律出現更加係主菜可以無限發光發亮。呢一個就係龍蝦啦

自己對龍蝦嘅熱愛程度都算係達到狂歡級別,尤其是想一嚐龍蝦湯嘅精髓,每一間嘅龍蝦湯雖然飲起上嚟好似差唔多但係經過細味品嘗就會絕對發現其實有些微嘅不同[调皮]

今次嚟到The Point主要係因為呢一間餐廳主要食嘅就係龍蝦, 好奇心驅使下就決定要試一試

首先介紹吓龍蝦湯,[得意]無論從色澤或者氣味都已經達到可以盡情享受嘅地步,湯面就有一小塊味蒜蓉包,[悠闲]包頭再配有小龍蝦肉,[得意]咁就可以食到原汁原味嘅小龍蝦肉。至於龍蝦湯嘅味道除咗有濃郁同埋creamy嘅感覺之外[害羞]如果好細心咁樣品嚐會發現其實龍蝦殼差唔多打到變粉然之後融入左喺湯入面,所以個湯並唔係絲滑反而多咗一重層次,[愉快]呢一點就係同普通龍蝦湯最大分別嘅地方,亦都係令到香氣撲鼻嘅原因。[调皮]

另外主菜亦都高度推介龍蝦Mac and cheese , 首先通粉並唔係用茶餐廳嗰種細粒通粉而係好大好粗接近係粗管面嗰種程度,[悠闲]再臨上芝士醬另外再鋪多層焗芝士,咁就有雙重芝士嘅滋味。[得意]另外龍蝦肉亦都已經分配喺每一個碟嘅唔同地方確保每一啖都可以附上龍蝦肉,中間仲有龍蝦鉗,唔使好大力就已經可以拍開關節位就食到蝦鉗肉,更鮮甜更清新更飽滿。

因為專注所以專業,一間優秀嘅餐廳唔需要有好多食物但最緊要每一道菜都大比客人莫大嘅滿足感。 喺呢一度食完龍蝦嘅盛宴的確非常滿足亦都誠意拳拳介紹俾大家

最後MoonMoon真係好滿意依間嘅龍系列!下次一定要再嚟

造訪日期: 2021年3月
感謝 m00nhalf
該評論乃TripAdvisor會員主觀個人意見,不代表TripAdvisor LLC公司。
2021年4月18日 透過行動裝置

西餐除咗有牛扒最出名之外另外各類嘅海鮮亦都係可塑性好高嘅嘢食。今次嚟到一間專門係食龍蝦嘅餐廳,即使中式嘅酒樓成日都會食到龍蝦伊面,但西餐嘅龍蝦食物就帶嚟更大嘅神秘感同埋另類創作,咁就要更加去試。龍蝦Pizza:呢一個Pizza夠晒台型,中間放咗大大個龍蝦頭,為成個Pizza增添左唔少嘅生氣,火箭菜芝士呢一啲當然係Pizza必不可少嘅元素,另外仲佈滿左唔少嘅龍蝦肉。最特別最特別嘅地方就係上到枱之後要有一個小小嘅煙幕,就係侍應會淋林上點着咗火嘅酒精落龍蝦頭嗰度,產生一種短時間嘅火光,但咁樣並非兒戲,而係為龍蝦頭再增添額外嘅香味,到享用龍蝦頭入面嘅膏嗰陣時就會有燒烤嘅味道。至於Pizza個底夠晒薄,博得來又會平衡返芝士同火箭菜嘅厚度,兩者比例恰好係一比一,火箭菜中和芝士嘅龍尾來突顯龍蝦嘅原汁原味,最後批邊夠晒脆トト,似威化餅但非威化餅,夠晒過癮。雖然呢一度最擅長就係處理龍蝦,但甜品亦都唔好睇小,賣相一樣非常好同埋味道亦都係一絕。高夫心太軟配雪糕:無論係窩夫定係心太軟定係雪糕相信都係鼎鼎大名受人喜愛嘅甜品,三者融合埋一齊用鐵板嘅方式呈現出嚟亦都非常有心思,心太軟嘅香軟同埋熱力,配合雪糕嘅冰冷,亦都構成冰火交融。而窩夫亦都提供額外嘅口感,味道方面亦都冇得彈。心太軟中間的確係又濃又香哪既流心朱古力,而雪糕當然就係要中和心太軟濃味而額外提供雲呢拿香味。的而且確係非常難忘,凍熱嘅交溶零舍深刻而且滋味

造訪日期: 2021年3月
感謝 masterdura
該評論乃TripAdvisor會員主觀個人意見,不代表TripAdvisor LLC公司。
2021年4月6日 透過行動裝置



我同朋友都好鐘意食龍蝦
知道The Point 有龍蝦套餐
即刻嚟試 二人套餐428蚊
性價比非常高

首先係有龍蝦湯
龍蝦湯好香濃 creamy
入邊亦都有龍蝦肉

龍蝦 紅菜頭沙律
紅菜頭沙律 味道酸酸甜甜好開胃
本身紅菜頭我朋友唔鍾意食
但係今次個沙律佢都讚好好味

原隻火焰焗釀龍蝦 披薩
個pizza賣相好吸引
有成個龍蝦頭喺上面
Pizza嘅餅底厚薄適中

主菜有三樣 菜式 可以選擇
龍蝦芝士焗通粉
龍蝦香草意大利飯
原隻龍蝦車厘茄伏特加忌廉汁扁意粉

我哋揀咗焗通粉
新鮮熱辣 係全晚我最鍾意嘅菜式
芝士味好香濃
每一啖都拉絲
龍蝦嘅香味同通粉好夾
而且通粉 依然好彈牙好有口感

造訪日期: 2021年3月
感謝 ver0n97
該評論乃TripAdvisor會員主觀個人意見,不代表TripAdvisor LLC公司。

查看過The Point (尖沙咀)的旅客也查看過

 

去過The Point (尖沙咀)嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。