我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“尖沙咀中價位fine dining”

CHEF STAGE de Eddy Chu
餐廳訂位
香港排名第298 (共15,540家餐廳)
優等證書
周圍地區: 尖沙咀
餐廳詳細資料
周圍地區: 尖沙咀
2021年3月20日

難得開返晚市決定和妹好找一間餐廳食餐好,之前便提早預約了這間餐廳。 餐廳飽覽維多利亞海景,入夜之後格外有格調,每道菜店員亦都會細心介紹,而且上菜的時候碟是熱的,所有細節都做到一絲不苟。 我們各自點了一份五道菜套餐,還另外加配海鮮盤

海鮮盤$288 生蠔口感爽口,有一點點海水味。店員介紹四款醬汁都是廚師自己炮製,可以配上不同的海鮮。所有海鮮都很新鮮,簡直物超所值

乳酪鮮蝦芒果沙律 蝦帶有甜味 配上一點點酸味的芒果,是一個很好的開胃菜

是日餐湯 周打蠔湯 湯口感很豐富,入邊亦有多種海鮮,但有蠔及其他海鮮的鮮味,一邊飲湯一邊吃到一絲絲的蟹肉及蜆肉

清酒蟹肉日本年糕 淡淡的酒香,creamy的醬汁,令到蟹肉掛上QQ的年糕,我覺得可以主成一個主菜

美國牛肉眼 牛扒的份量超級大,比起我塊面還要大,妹妹要求半成熟,這份牛肉煮得剛剛好,肉汁很多而亦很林,帶點焦味道

焗比目魚配蟹肉汁 魚皮煎得香脆,帶有魚油,配就上蟹肉,伴碟的甘筍香分香甜,配上粉粉的芋頭蓉。我還是第一次在西餐廳吃到用芋頭蓉,因為一般都是薯蓉,但竟然出奇地配合而且芋頭蓉真的很好吃

餐廳服務很細心,食物質素高,價格合理,不過有興趣嘅朋友記得預先訂位

造訪日期: 2021年2月
    • 划算度
    • 服務
    • 食物
感謝 PeonyYipC
該評論乃Tripadvisor會員主觀個人意見,不代表TripAdvisor LLC公司。
發表評論評論 (83)
旅客評等
旅客類型
月份
語言

20 - 24 則評論,共 83

2021年3月16日 透過行動裝置

一年一度嘅紀念日又到啦,又係時候有藉口出去食餐好嘅。

由於太耐冇出街食飯,所以做咗好多資料搜集去搵好嘢食,無意中有記得之前黎過位於尖沙咀亞士厘道17-19號19樓既Chef Stage de Eddy chu, 交通方便,食物同服務都唔錯,決定再次光顧。

Chef Stage de Eddy Chu ,顧名思義,就梗係由老闆兼總廚既Eddy Chu坐鎮主理架啦。係Openrice度睇到,佢係酒店業界被喻為「西餐浪子」,入行超過三十年,仲曾任職多間星級酒店及高級會所添。

除左set dinner 之外,仲可以揀a la carte。由於唔想限制自己嘅選擇,所以揀咗a la carte 。

乳酪鮮蝦芒果雜菜沙律 :
沙律菜非常新鮮,鮮蝦肉質彈牙,加埋芒果後真係相當有口感。有別於一般嘅沙律,呢度冇用到沙律醬,反而用咗乳酪,仲要係分開上,鍾意落幾多就幾多。用乳酪去代替沙律醬,咁嘅做法味道會差唔多,但係脂肪含量肯定低啲。

忌廉鮑魚冬蔭海鮮湯 :
估唔到係西餐廳都會試到冬蔭公海鮮湯,呢個湯雖然係泰式,但係加入咗cream之後都有少少西式風味。最大驚喜係配料方面有鮑魚、帶子同埋蝦,鮑魚唔單止大隻,而且仲好爽口添。

鮮蟹肉濃湯配生蠔杯:
湯同生蠔分開上,賣相幾吸引,店員教我地先嚐一啖蟹肉濃湯,再食生蠔。生蠔加入醬汁後,入口酸酸地,非常開胃,鮮蟹肉濃湯未飲都聞到好香嘅海鮮味,飲落口感creamy,蟹肉味香濃,好好味,一邊飲湯一邊食生蠔,好有層次感。

明爐法式海龍皇原條鮮魚配鮑魚/鮮帶子/鮮蝦/鮮蜆:
原條鮮魚加入鮑魚、鮮帶子、鮮蝦、鮮蜆同大量車厘茄,加入蕃茄湯去煮,上檯時更用明爐送上,咁就唔使怕條魚凍得好快啦!

湯底入口鮮甜,魚亦都好滑,其他海鮮份量亦都好多,味道鮮甜,肉質清爽。

燒西班牙走地春雞:
春雞雖然製作需時,但係賣相真係相當吸引,除左有大大隻嘅雞之外,仲有蕃薯蓉、蕃茄同埋西蘭花做配菜,整體顏色配搭唔錯。

春雞焗得剛剛好,肉質香嫩幼滑,入口非常juicy,配埋燒汁食,非常惹味,認真唔錯。

朱古力心太軟配雲呢拿雪糕:
朱古力味香濃嘅心太軟,入口苦中帶甜,配埋雲呢拿雪糕食,一冷一熱嘅感覺,一苦一甜嘅口感,味道同口感真係令人回味。

埋單每人都係五百蚊左右,總括黎講,呢度無論環境、食物同服務都非常好,最值得一讚嘅係店員知道我地d食物係share食,會一道一道菜咁上枱,亦會係適當時候同我地換碟,方便客人之餘仲唔會騷擾到佢地。雖然唔係酒店餐廳,但係不論食物同服務,都令我感到自己係五星級酒店食飯一樣。

造訪日期: 2021年3月
感謝 Deliciousfood852
該評論乃Tripadvisor會員主觀個人意見,不代表TripAdvisor LLC公司。
2021年3月13日 透過行動裝置

早聞店長是名廚,到達店門外看見一些他的獎狀。
食店在高層的優勢可飽覽維港景色。
午市餐單從頭盤到茶飲一共五道菜,我和太座食足個半小時。
田園沙律配意大利油醋汁,菜蔬脆口而油醋汁酸不膩。
店經理殷勤招待及推薦,加試了海鮮拼盤,最欣賞是小杯内放的蜜桃帶子。
我太太最喜爱湯上桌時熱氣騰騰。
主菜選了鮮帶子海鮮大會配蟹肉咖哩,咖哩味有一種香而辣的味道,及西班牙黑毛豬肉爽配以烤汁味更鮮。
甜品是意大利tiramisu,口味清新。
再來一杯茶飲,極滿意地享受了這午膳。

造訪日期: 2021年3月
2  感謝 fredau22003
該評論乃Tripadvisor會員主觀個人意見,不代表TripAdvisor LLC公司。
2021年2月14日

同阿女食生日飯, book咗呢間想去好耐嘅餐廳。 餐廳喺19樓,窗邊大玻璃可以遠眺外面的景色。

入門口的發光招牌是可變色的,幾型格。

由主角發辦,叫咗兩個五道菜套餐。

乳酪鮮蝦芒果沙律,睇落同食落都好清新,隻蝦都大隻同新鮮。

清酒蟹肉日本年糕,年糕裏面有蟹肉,當堂覺得矜貴,年糕煙煙靭靭,小小哋作為前菜很恰當。

黑松露蘑菇湯,好驚喜。好多黑松露蘑菇蓉,十分香濃。鍾意食黑松露同蘑菇的,一定唔可以錯過。

蘆筍薯蓉蝦湯,呢個湯好creamy,好香蘆筍味。

阿女話樣樣都想食,於是揀了精選雜扒配紅酒,嘩有牛肉眼,黑毛豬,大蝦,黃油雞扒。牛肉眼鮮嫩多汁,黑毛豬味道濃郁又爽口,大蝦煎得香口又彈牙,黃油雞扒,既香又滑。仲配上一大球紫薯蓉,蘆筍,甘筍。 呢款主菜還配上紅酒,紅酒就由阿媽接收。

我淨係想食一塊好大塊嘅牛,於是叫咗美國牛肉眼, 來到真係不出所望,好大塊呀! 最緊要鮮嫩多汁, 叫咗七成熟但一啲都唔韌,鎖住肉汁,味道濃郁,一口一口吃下,很滿意,也配在一大球紫薯蓉,蘆筍甘筍。

見係生日飯,就加多個海鮮盤,分別有生蠔兩隻,鮑魚兩隻,日本帶子兩隻,鮮蝦四隻,鮮蜆兩隻。賣相吸引,望落去海鮮帶有光澤好新鮮,食落確實新鮮甜美,還配有不同醬汁,侍應會介紹香草汁配生蠔,冬陰功汁配蜆,麵豉汁配帶子,新鮮配搭,幾特別。

我哋仲叫咗杯買一送一嘅特飲,陳皮檸檬熱飲,飲落去喉嚨同成個人很舒服。

最後嘅甜品係芒果蛋糕同藍莓奶凍,完美結束今晚嘅生日飯。多謝廚師們揮動他們的魔術棒,在他們的舞台作精彩的演出,令台下觀眾大飽口福。

造訪日期: 2020年11月
    • 划算度
    • 服務
    • 食物
感謝 AnnaLeunghaha
該評論乃Tripadvisor會員主觀個人意見,不代表TripAdvisor LLC公司。
2021年2月11日 透過行動裝置


近日跟飲食朋友聊天,得知尖沙咀有一間由得獎名廚主理的餐廳,高質素但價錢大眾化,今日特來買外賣回家試試。等候取餐的時間,服務員先來一杯暖水,好貼心的服務,抵讚!
“西班牙橡果黑毛豬”,由橡果餵飼的黑毛豬,肉質果然不同:脂肪含量適中,爽口中帶點肥美,豬肉味特別濃郁。
“牛脷配蝦肉蘑菇汁”,牛脷煮得很入味,腍軟可口,再配上紫薯蓉、羽衣甘藍及鮮蝦等配菜,既美味又健康。
“蘑菇湯”,蘑菇的味道十分濃郁,濃稠湯中有蘑菇粒和蒜蓉,香氣四溢。
甜品也很講究,是雜果慕絲蛋糕。最後,Chef Eddy 還親自溫馨提示,如回家要翻熱的話,最好是用蒸的方法,這樣才可保持肉的質感,非常細心。還有,這餐廳的菜式有獨特的香料味道,我喜歡!恢復晚市之後,必定要約至親好友來享用其他菜式。

造訪日期: 2021年2月
1  感謝 GrandTour45452426149
該評論乃Tripadvisor會員主觀個人意見,不代表TripAdvisor LLC公司。

去過CHEF STAGE de Eddy Chu嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。