我們不支持您使用的這種瀏覽器。TripAdvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“龍蝦肉鮮爽厚肉”

九重鮮 (黃埔花園)
線上訂購
香港排名第862 (共13,891家餐廳)
周圍地區: 九龍城區
餐廳詳細資料
周圍地區: 九龍城區
4 週前評論

除了打邊奴, 蒸汽鍋也可謂大行其道,開得遍地都有,連大小酒樓也轉型做蒸汽鍋。但韓式蒸汽鍋九重鮮我都係第一次試,今次既然中秋有約, 約埋左D 朋友去左紅磡的分店,貪佢近地鐵, 方便大家。

九重鮮即使已經開左一段時間, 但裝修仍然新簇簇,暖木色系予人柔和溫暖的感覺, 座位編排都闊落, 坐得舒服。

睇睇餐牌, 既然今次係慶祝中秋, 就一於豪D揀左升級版濟洲島10重海鮮塔。
套餐有蒸海鮮塔之外, 價錢仲包左任食自助吧,有齊前菜、沙律、泡菜、韓國年糕、炸雞小食同甜品, 而且仲不時有醬油鮑魚、醬油蝦, 飲埋韓國真露啤酒、罐裝飲品、濟洲橙汁和自家凍飲(竹蔗茅根和袪濕薏米水)都只係加12蚊, 唔係唔加ar ma 。
趁個海鮮塔蒸到食得之前,先食住贈送的韓式泡菜煎餅, 煎餅煎得脆身, 又唔會覺得好粉。至於任食自助吧, 前菜有白菜仔、泡菜、醃青瓜、芽菜及椰菜等等, 開開胃。韓國魚糕同年糕都係不錯之選, 篤篤下, 好似去左韓國菜市場一樣。韓國炸雞每次一出都好快比人攞晒, 炸雞外脆內嫩又juicy, 好食。最不得不提的是醬油鮑魚、醬油蝦, 味濃肉鮮, 好食。

海鮮塔,要等蓋面溫度計去到85°C先可以開始食!
第一層:新鮮海蝦、黑椒鹽肥牛和象拔蚌
象拔蚌蒸得啱啱好, 鮮甜而爽口,柔韌有咬口,無過火。新鮮海蝦蝦頭有唔少膏,而D肉亦鮮甜爽口。黑椒鹽肥牛軟腍好食。
第二層:日本元貝元貝
原隻日本元貝清蒸,色澤睇落都好新鮮,唔會瘀瘀黑黑。先試一啖,厚肉爽彈鮮甜;而殼上嘅湯汁,集清、鮮的精華。飲埋仲好味,

第三層:生猛龍蝦
一揭開個蓋就睇到D龍蝦肉飽滿有光澤,一睇就覺得係高價野。龍蝦肉鮮爽厚肉,又足龍蝦味, 也有不少蝦膏,拆起蝦肉大啖放入口, 爽!
第四層:龍躉,大花蛤和沙白
龍躉肉嫩就唔在講,入口確喺嫩滑、魚味鮮甜。一籠滿滿大花蛤和沙白大隻,帶有一朕朕海水鹹鮮味, 入口鮮甜

第五層:鮑魚和蔬菜拼盤
一人一大隻鮑魚, 鮑味不俗,口感柔韌富彈力。蕃薯好香好粉,又夠甜。另外也有福花和冬菇, 也不俗。粟米係超甜品種,食落確係清甜。

整體嚟講,多款海鮮都食得出具質素,用料亦不錯。而且三百幾蚊食到gam 多款海鮮同自助bar, 絕對玩得過!

造訪日期: 2019年9月
    • 划算度
    • 服務
    • 食物
感謝 phonebus
該評論乃TripAdvisor會員主觀個人意見,不代表TripAdvisor LLC公司。
旅客評等
旅客類型
月份
語言

7 - 11 則評論,共 37

2019年8月28日 透過行動裝置

10重海鮮蒸塔
.
之前去左黃埔食蒸海鮮
套餐仲包括了韓式既自助吧☑️
海鮮方面有龍蝦、蝦、鮑魚、龍躉、象拔蚌、花甲、沙白、元貝、椒鹽肥牛、蔬菜拼盤,都好豐富☺️☺️
.
未食海鮮前每一台都會送一客泡菜煎餅
第一層既肥牛肉味香濃,蝦幾新鮮,第二層嘅元貝蒸得過熟,但店員見到熟得滯,即刻換左兩隻再蒸過,好貼心第三層龍蝦好鮮甜而且肉質彈牙第四層有花甲、沙白同龍躉,龍躉肉好肥美,啖啖肉,不過覺得花甲有啲洗得唔乾淨,仲有啲沙,最後一層就有鮑魚同蔬菜
.
自助吧有年糕同魚糕串,搞到我都好掛住韓國啊,仲有啲蔬菜、冷麵同甜品等
.
當每一次有新食物時,店員都會敲鼓話俾全場聽,好特別,我覺得佢哋嘅炸雞好好食,都係熱辣辣啱啱炸好,有黑松露味同韓式辣醬味,食炸雞食到好飽仲有醬油鮑魚仔都可以試吓☺️☺️
.
#九重鮮
地址:紅磡黃埔天地聚寶坊(第11期)地下G26號舖

造訪日期: 2019年8月
感謝 nanapuishan
該評論乃TripAdvisor會員主觀個人意見,不代表TripAdvisor LLC公司。
2019年8月28日 透過行動裝置

提早慶生,今晚阿媽收早,一於帶佢食海鮮賀一賀。

見到今期做梗蒸海鮮塔 x 任食自助吧,就知一定冇黎錯。

我地揀左升級版濟州島10重海鮮塔,因為好少食海鮮,想豪下。

有龍蝦、鮑魚、海蝦、龍躉、象拔蚌、大花蛤、沙白及日本元貝,仲有蔬菜拼盤、肥牛。

最正係龍蝦,非常新鮮,肉質鮮甜;鮑魚都唔錯好彈牙。

肥牛都唔差,加左黑椒鹽調味。海蝦好新鮮。

日本元貝加左粉絲,勁鮮甜。

造訪日期: 2019年8月
感謝 Fearless817857
該評論乃TripAdvisor會員主觀個人意見,不代表TripAdvisor LLC公司。
2019年8月27日 透過行動裝置

今天來到了位於黃埔的九重鮮吃蒸海鮮塔×韓式任食自助吧。先說主打的蒸海鮮塔,餐廳提供多種海鮮款式配搭的海鮮塔。

我們點了鷺梁津9重海鮮塔,當中包括有海蝦、肥牛、粉絲元貝、白蜆、沙白、多寶魚、鮑魚、肉蟹及蔬菜拼盤。

海鮮全部都非常新鮮,海蝦彈牙,貝殼類沒有砂值得一讚,鮑魚大大隻。

最有驚喜的是沙巴肉蟹,蟹肉鮮甜多汁,蟹味濃郁,加上流心蟹黃,鮮味十足。

海鮮塔配有泡菜煎餅一份,除此之外,還有任食的自助吧,另可加配任飲自助飲品。

餐廳的自助吧以韓式食品為主,有魚糕串、泡菜、韓式炸雞、韓式冷麵、沙律、水果和甜品等。

餐廳更會不定時推出特色小食如醬油蝦、鮑魚仔等,非常有誠意。

造訪日期: 2019年8月
1  感謝 delish_hk
該評論乃TripAdvisor會員主觀個人意見,不代表TripAdvisor LLC公司。
2019年8月26日 透過行動裝置

朋友住黃埔話附近有間食蒸海鮮兼有埋自助吧,仲有韓服俾客人有興趣可以著上身影相~咁特別就專程去試下!

我地叫左九重海鮮塔配韓式自助吧,餐入面有泡菜煎餅、沙巴肉蟹、鮑魚、海蝦、白蜆、沙白、多寶魚、蔬菜拼盤、黑椒盬肥牛同埋蒜蓉粉絲元貝。

ORDER完冇幾耐店員就奉上泡菜煎餅,香脆惹味,微辣味道,唔食辣既都會接受到!跟住海鮮塔就黎喇~店員提醒溫度計升到95度就叫佢地開蓋~個蒸鍋升溫都好快,唔駛一陣已經到度數~每食完一層店員都會即刻幫我地拎走俾我地食下一層,服務非常周到!海鮮原汁原味好鮮味,可以係自助吧拎醬汁點黎食~唔好睇每一層既份量唔多,其實每層咁食都好快有飽既感覺!我覺得鮑魚最正~夠肥美又彈牙厚肉,好想瘋狂食10隻~XD

另外出面都有韓式自助吧,有魚糕串、沙律、甜品同飲品等,仲不定時有炸雞同醬油鮑魚同海蝦,一出既時候店員會敲響個大鼓再大叫有咩食物出爐,好好玩好特別~

最後同朋友係門口試左套韓服影相,又食又玩勁開心~

造訪日期: 2019年8月
感謝 catcatbobo
該評論乃TripAdvisor會員主觀個人意見,不代表TripAdvisor LLC公司。

查看過九重鮮 (黃埔花園)的旅客也查看過

 

去過九重鮮 (黃埔花園)嗎? 請分享你的經驗!

亞洲萬里通箭頭
發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單