我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“十分有情調的蠔友好地方”
The Oyster House的評論

The Oyster House
餐廳訂位
香港排名第6 (共15,739家餐廳)
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2022年6月27日 透過行動裝置

今日黎到呢間Oyster House,發覺佢唔止生蠔好食,其他菜色都各有千秋。
生蠔我地分左日本Tomo,法國Lambert,法國Krystal,由淡至濃味就係Tomo,Lambert,最後Krystal。Tomo有清甜既感覺,海水味都唔太重;Lambert既蠔肉味道會比較突出,少少咸;Krystal既海水味最重,感覺最鮮。
冷盤要羽衣甘藍南瓜藜麥沙律。羽衣甘藍好新鮮,略帶澀味,但配合有酸酸地既醬汁,加埋合桃同藜麥,就會覺得好開胃,南瓜都好食,軟硬適中。
再黎一個前菜烤日本帶子配野菌木魚絲。木魚絲既份量控制得剛剛好,唔會完全搶哂帶子既味道,個汁本身又帶得到帶子既鮮味出黎,十分唔錯。
湯分別係有鮮蠔濃湯,同埋黑松露野菌忌廉湯。蠔湯真係好重蠔味,對於鍾意食蠔既我真係超級滿足,而黑松露湯雖然冇蠔湯咁重味,但其實都好濃郁既。麵包唔係平時果D圓麵包,有D似蛋糕咁,不過食落唔會好甜,點湯食都幾好。如果湯只係可以揀一款我會揀鮮蠔濃湯。
係時候要撐下個胃,主菜要左個香烤原隻去骨法國春雞,另外加左個鮮海膽米型意粉。雖然話係去骨但佢都會留返雞鎚同雞翼部位既骨既,而成隻雞烤得好好,外皮有少少燶係最引起食慾既,個汁都好好味,而雞肉嫩滑就更加唔使講,就算係胸肉位都唔會乾。
海膽米型意粉非常特別,有D似意大利飯,但實則上佢係粉麵既口感,粒粒皆軟滑,加埋海膽既鮮甜味道,真係好享受。
最後甜品要左個呢度既招牌香蕉拖肥批。香蕉配合忌廉同既餅底,果然非常配合,而且size唔係細細年兩啖就冇哂果D,真心要試!

造訪日期: 2022年6月
感謝 fefe623
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
發表評論評論 (342)
旅客評等
旅客類型
月份
語言
  • 更多語言

10 - 14 則評論,共 342

2022年6月27日 透過行動裝置

生蠔
順次序由日本Tomo生蠔開始,接著是法國Lambert生蠔,最後是法國Krystal生蠔,味道由淡到濃,最後那隻海水味和鹹味最重。我最喜歡中間那隻,新鮮肥美,恰到好處。
羽衣甘藍,南瓜,藜麥沙律
想健康些叫了沙律吃,沙律還加了核桃和藍莓。
烤日本帶子配野菌木魚絲
帶子烤得剛剛好,肉質嫩滑又厚身,和野菌的搭配意想不到地合。
鮮蠔龍湯、黑松露野菌忌廉湯、餐包
鮮蠔龍湯蠔味很濃郁。
黑松露野菌忌廉湯喝到粒粒野菌的口感。
香草餐包熱騰騰。
鮮海膽米型意粉
米型意粉第一次吃,很特別,口感像滑溜溜的通心粉,但形狀是米飯般,好吃。
香烤原隻去骨法國春雞
雞肉保持肉汁,肉質嫩滑,薯蓉保留薯仔的口感,美味。
香蕉拖肥批
最後當然要叫個甜品吃啦,上層是幼滑的忌廉,中間是香蕉,然後有拖肥,底層是消化餅底。第一次吃這款甜品,感覺健康很多,有拖肥竟然不會很甜,也不會黏牙,有驚喜。

造訪日期: 2022年6月
感謝 chichi330
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月21日 透過行動裝置

生蠔款式有好多款,同職員講我哋鐘意爽脆口感,就推介了3款
日本Tomo, 愛爾蘭Louet Feisser, 法國Sentinelle
Tomo 比較肥美厚肉,海水味偏濃,肉質爽實,蠔味較清淡~
Louet Feisser 海水味較淡,肉質飽滿鮮甜
Sentinelle 味道豐富,海水味&鮮甜味逐漸散髮‼️

「自家制蟹餅」中間全部都系蟹肉,無任何粉漿的,好足料 扎實嘅蟹肉令味道更鮮味,不過口感就乾左啲!

「原只去骨法國春雞」春雞嘅外皮烤到金黃色,未食先聞到其香味❤️雞皮好香脆,肉質軟嫩細滑,連雞胸肉都唔會乾柴

最後必食甜品「Tiramisu」餐廳自家制,
忌廉做得非常柔滑,咖啡酒香夠濃郁
食到不同的味道層次❤️

造訪日期: 2022年6月
感謝 tracygetaway
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月16日 透過行動裝置

【 】
是晚真係體驗「蠔の夜」
嚟到ᴏʏsᴛᴇʀ ʜᴏᴜsᴇ,梗係要食返一盤生蠔先啦
見到好多食客都係每人一盤‼️
我哋叫左3款生蠔
3款都係我最愛嘅爽口口感❤️
來自日本的「ᴛᴏᴍᴏ」
有海水嘅鹹味,鮮甜味尚可,只係有比較之下,另外2款嘅鮮味更突出‼️
來自愛爾蘭的「ʟᴏᴜᴇᴛ-ғᴇɪssᴇʀ」
呢款鹹水味無咁重,反而令鮮甜味更突出❤️❤️ 呢款係我最鍾意 (圖二)
來自法國的「sᴇɴᴛɪɴᴇʟʟᴇ」
呢款嘅味道層次比較豐富,海水鮮甜味好平均,並帶有少少金屬味,有澎湃嘅ᴀғᴛᴇʀ ᴛᴀsᴛᴇ

食完生蠔,再飲新鮮蠔湯,係唔係好豐富呢⁉️
蠔湯非常有驚喜 質感好濃稠,
飲第一啖,有少少抗拒,
但當再喺口腔內細味一下,蠔嘅鮮甜味慢慢滲出嚟,真係極力推薦❤️❤️

「西班牙蒜片辣椒炒蝦」
蝦隻好大隻,肉質好爽口彈牙
而蒜片辣汁更加不可或缺,香味四溢
有唔同辣味嘅層次,紅椒嘅辛辣+蒜片嘅香辣ʏᴜᴍ ʏᴜᴍ

「香烤法國燒春雞」
主菜燒春雞肉質嫩滑多汁,
烤到外皮有陣焦香味,而唔係焦燶嘅苦味,
師傅控制火候好適中

呢間ᴏʏsᴛᴇʀ ʜᴏᴜsᴇ已經係我第幾次嚟幫襯了,仍然保持得好有水準❤️❤️

造訪日期: 2022年6月
感謝 tata_trista
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。
2022年6月13日 透過行動裝置

喺灣仔想食到生蠔,好容易就搵到呢一間位於謝斐道嘅《Oyster House》。 呢一間餐廳除咗生蠔以外,仲提供咗一啲家庭式嘅意大利菜,食起黎特別溫馨窩心。

一坐低, 即刻急不及待order生蠔。 呢度嘅侍應會細心介紹一下當日最新鮮嘅生蠔款式, 保證令客人食到當天最新鮮嘅貨色。

先呢第一隻係來自日本熊本嘅生蠔《TOMO》, 呢款嘅生蠔唔係好咸, 海水味反而唔係好突出, 品嚐嘅係生蠔嗰一份清甜。 食落都幾肥美多汁。

第二款冇咁肥美, 反而咬落相當之清爽。 呢款就係嚟自法國相當出名嘅《Lambert》 。 呢一款蠔係一款銅蠔,礦物質味相當豐富, 海水味濃, 入口回甘十足。 喜歡蠔味嘅朋友最適合點呢一款。

最後一款係黎自愛爾蘭嘅生蠔《louet feisser》。 肉質飽滿, 海水味, 礦物味, 以及清甜味都相當平均。 品嚐嘅係哪一份細緻 嘅融和。

食完生蠔後,就點咗兩款前菜,《烤日本帶子配野菌木魚絲》。 帶子嘅熟度拿捏得相當好, 唔會過火, 食得出有溏心。 上面加入咗炒香嘅野菌, 令味道層次更加豐富。

《西班牙辣椒蒜片炒蝦》, 估唔到分量相當多。 辣到屬於微辣, 但食得出蒜片嘅香。 配合埋彈牙爽甜嘅蝦, 令人回味。

《黑松露野菌忌廉湯》, 質感非常細緻。 野菌blend得非常之滑溜。 品嚐菇菌嘅香,黑松露味芳香撲鼻,用心出品。

最後嘅 《軟殼蟹香草茄蓉意粉》, 夠曬惹味開胃。 炸香咗嘅軟殼蟹香脆鬆化, 茄蓉醬汁酸中帶甜, 意粉口感al dente, 爽口又彈牙。

最後來一個甜品《Tiramisu》, 呢度甜品食落幾正宗, 充濃厚的咖啡香, 上邊嘅忌廉軟滑細緻, 難怪成為餐廳嘅必食推介。

造訪日期: 2022年6月
1  感謝 560chengk
這則評論是 Tripadvisor 會員的主觀意見,而非 Tripadvisor LLC。 Tripadvisor 會檢查評論。

查看過The Oyster House的旅客也查看過

 

去過The Oyster House嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單