今次黎到灣仔一間專門食蠔的小店，一坐低第一件事緊係食蠔先！法國Krystale水晶生蠔，味道複雜，層次多。愛爾蘭Louet feisser的金屬味會比較重，蠔味夠濃。

餐湯揀左黑松露雜菌濃湯，呢個濃湯唔只黑松露味香濃，再加入入埋雜菌粒去煮，口感豐富。

蕃茄水牛芝士
餐廳調配的醬汁，有橄欖油的淡香同醋的酸甜。蕃茄新鮮爽口配埋水牛芝士，係夏天必食嘅一道開胃前菜。

蟹餅表皮酥脆，充滿蟹肉香氣的內餡，紮實滿滿的蟹肉絲，一大口食落肚，好滿足呀！

蒜片橄欖油意粉，表面愈簡單的菜式就係愈考廚司的廚藝。蒜片的香氣慢慢融入在橄欖油，每一啖都非常惹味香口。這道意粉的美味的關鍵在於橄欖油，清新甜香。意粉軟硬適中，蒜片同辣椒只係輕輕的調味，沒有蓋過橄欖油的香氣。

最後食埋甜品，香蕉拖肥批用上新鮮香蕉、香滑忌廉、拖肥醬同鬆脆拖肥餅底，自家製的拖肥醬甜而不膩，餅底不但有拖肥醬的甜味，仲帶有淡淡牛油香。估唔到食到最後都仲有驚喜。

呢到係唯一一間食生蠔我encore完再encore
今日店員推介嘅三款蠔 我全部食晒 分別有日本嘅Tomo 法國嘅Lamert 同愛爾蘭嘅Louet Feisser .
我自己排名第一就係 Lamert 海水味礦物質味平衡得剛剛好又夠肥美爽口 之後就會係Louet厚肉蠔味香濃 Tomo都好不過就比較適合鍾意食海水味濃嘅朋友啦 雖則想食多幾隻 不過實在叫得太多其他嘢食 所以就放棄咗
食完生蠔就嗌咗沙律refresh下 Kale and Pumpkin Salad 配上藜麥同香醋汁 好開胃
另外我哋兩個人分別叫咗個蠔湯同蘑菇湯 兩個湯都好濃郁 不得不再次提蠔湯 其實上次黎都有飲過 但係真係你會feel到每一啖都有好多隻蠔 好澎湃嘅感覺
主食就叫咗一個 pork chop 份量好大份share就啱啱好 一啲都唔會Overcooked 食落去又唔韌 香草醃料味道又夠
呢間餐廳其實幾有情調 得閒會再同朋友嚟食飯

今日男朋友話要帶我食好嘢 慶祝我嚟緊轉新工 我哋都好中意食生蠔 所以我再次嚟到Oyster House食個慢活Dinner
除咗Menu上面嘅生蠔之外 店員都推介咗一啲Hidden Menu嘅生蠔畀我哋 有偏鹹重海水味既 亦有啲偏爽口既 有啲就肉身清甜 各有各好味 而我就最中意食愛爾蘭嘅Louet Feisser 所有味道都最Balance
小食叫咗個Crab Cake 外皮炸得好香脆 食落去啖啖蟹肉 入面仲有少少芝士 一切開佢仲有啲拉絲添
而主食我哋叫咗個豬鞍 超級爽嫩又唔會硬班班 好有肉汁 好好味
最後叫咗個Banoffee Pie 係由香蕉同拖肥組成嘅甜品 配上啲雲呢拿Wipe Cream 中間配上新鮮香蕉 餅底就係消化餅 口感豐富 又唔會太甜 我自己都幾鍾意
建議如果有啲咩紀念日或者慶祝可以嚟邊一度食

今晚終於等到我期待已久嘅一餐，The Oyster House。

先嚟Oysters platter, 老闆介紹我哋食oysters 嘅先後次序，1. 美國嘅Yellow stone， 鮮甜多汁，有海水味2. 日本宮城縣嘅Tomo ，Creamy 又甜甜的 3. 愛爾蘭 嘅Louet Feisser ，就比較salty，有點粗獷嘅感覺。

羽衣甘藍沙律，加入藍莓、核桃同藜麥，柚子醋香濃，健康又開胃。

熱辣辣嘅Crab Cake 蟹肉味突出，以香濃芝士襯托，充滿驚喜。

黑松露野菌忌廉湯同埋鮮蠔濃湯，黑松露香味突出，鮮蠔濃湯大大啖蠔肉，海鮮味十足。

蜆肉意粉，蜆肉豐富，al dente 意粉辣辣哋，以蒜片調味，擔當野性嘅角色。

豬鞍煮得比較腍，脂肪比例又適中，以薯蓉作伴菜，店員介紹點芥茉醬，非常出色好味。

最後係甜品香蕉拖肥 Pie， Banoffee Pie，由於以生果做材料，唔會太甜膩。我特別鍾意Toffee 味道最集中嘅餅底，令人回味無窮。

鐘情生蠔嘅朋友
對 <The Oyster House> 應該唔陌生

想食生蠔唔一定要夜晚
午市套餐都可以享受得到
只需加$68
就有是日新鮮生蠔3隻
今天款式係日本宮崎縣TOMO蠔
鮮味爆燈！肉質彈牙 海水味濃
極肥美 真係 齒頰留香

主菜選擇左
#香烤羊扒伴精選配菜
迷迭香銀魚醬
賣相吸引 每客有三件羊架
烤得香口入味 肉嫩多汁

#炭燒西冷扒伴精選配菜
自家製牛肉汁
份量好足
如果女仔食可以兩個人分享都夠飽

最後一定要留肚食自家製甜品
香蕉拖肥批
偏甜卻又好好味
唔係過多糖份的死甜

#生蠔質素質量有信心保證