我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“唔單只蠔 其他野都好好食”
The Oyster House的評論

The Oyster House
訂位
香港排名第5 (共13,988家餐廳)
優等證書
周圍地區: 灣仔/銅鑼灣
餐廳詳細資料
周圍地區: 灣仔/銅鑼灣
2020年7月2日 透過行動裝置

約朋友到灣仔晚膳,佢提議去Oyster House,話質素唔錯喎!

我同朋友都咁鍾意食蠔,當然要叫返半打生蠔做頭盤! 店員推介咗三款,三款都好鮮甜,厚肉,鮮甜回甘,good!

蕃茄羅勒水牛芝士係紅、黃番茄仔加水牛芝士球,再有啲羅勒葉提味。 兩款番茄都酸中帶甜,清新開胃,水牛芝士軟滑而味道唔太鹹,配上羅勒嘅清香,整體味道多變。

鮮蠔濃湯極香幼滑,每一啖都蠔味濃厚,超正。

炭燒加拿大天然豬鞍估唔到咁大件,仲要好厚身。 肉質彈牙,好香肉味又帶點脂肪,肉汁豐腴。 配菜嘅薯蓉同樣做得好香滑,忍唔住大口大口食~

甜品係香蕉拖肥批,中間有大大片新鮮香蕉,成個批少甜而不膩,美味。 要讚一吓用朱古力漿畫嘅圖案,好仔細呀!

造訪日期: 2020年7月
感謝 Leesouffle
該評論乃TripAdvisor會員主觀個人意見,不代表TripAdvisor LLC公司。
發表評論評論 (187)
旅客評等
旅客類型
月份
語言
  • 更多語言

6 - 10 則評論,共 187

2020年7月1日

餐廳做足防禦措施, 雙連枱有夾板, 咁就大家都食得安心, 餐廳走舒適路線, 燈光柔和舒服。 每人2杯酒便可專享所有生蠔6折埋單, 生蠔配白酒一流, 怪得每台都叫酒既, 食半打蚝可能己經等於免費請你飲酒了。
今晚叫了三款生蠔, 全部生蠔即叫即開, 確保新鮮!! Yellow Stone、Rollex及Irish Rock。
**USA Yellow Stone ~ 細細只, 清甜爽口, 海水味淡淡然的。
**南非Rollex ~ 肉身豐盈多汁, 蚝肉爽脆甜美, 蚝味較清新, 海水味均衡, 推介比初食生蠔者, 包你食完愛上生蠔。
**Irish Rock ~ 今晚order的三隻生蠔口感都系爽口型而不是creamy 型, 呢只Irish Rock最鮮及最甜, 海水味較前2隻, 但也不太重, 蚝肉爽甜脆口, 食完蚝鮮餘韻在口內久久不散, 夠新鮮嘅生蠔我會食佢嘅新鮮鮮甜味道, 謝絕檸檬。
**鮮蚝濃湯 ~ 蚝湯附送一隻生蚝過口癮, 湯頭似飲緊fresh 版蚝豉湯, 好濃鮮嘅蚝味, 香滑濃傑, 淡淡蚝鮮, 好鬼正, MUST ORDER ITEM.

The Oyster House環境舒服, 服務員好招呼, 又食到我哋好耐冇食嘅超新鮮完全冇腥氣的生蠔, 其他食物也高水準, 又唔使趕場, 舒舒服服歎慢板食咗三粒鍾, 開心。

造訪日期: 2020年6月
    • 划算度
    • 服務
    • 食物
感謝 Exploration811208
該評論乃TripAdvisor會員主觀個人意見,不代表TripAdvisor LLC公司。
2020年6月30日 透過行動裝置

餐廳採用歐式裝潢,柔和燈光播放住輕鬆悠揚嘅英文歌,感覺好relax。

嚟到Oyster House一定要食生蠔啦。叫咗【Yellow Stone】、【Rollex M】、【Irish Rock】各兩隻。三款都大隻爽脆好鮮美,口味方面我就鍾意Irish Rock,海水味淡但鮮味突出。

【手切三色脆片(薯仔、蕃薯、紅菜頭)】現切現炸嘅香脆薯片,有純鹹味(薯仔)、鹹中帶甜(蕃薯)同鹹中帶酸甜(紅菜頭)。裡面配嘅羅勒葉都係炸過,同薯片一齊食,味道又幾夾。

【自家製蟹餅】蟹餅炸到外皮超脆,裡面好多蟹肉,蟹味勁濃,啱晒鍾意食蟹嘅我。

【黑松露野菌忌廉湯】個湯都幾濃稠。黑松露野菌忌廉湯黑松露味同野菌味平衡,啖啖香濃野菌味,好出色。

【炭燒加拿大天然豬鞍】又厚又大塊嘅豬鞍,上面大條炭燒格紋。切開豬鞍質感軟腍,燒到接近九成熟,肉色有少少粉嫩。咬落去肉汁相當豐富,而且肥瘦適中肉香脂肪香兼備。

【香蕉拖肥批】厚身又大件嘅香蕉拖肥批,面頭係軟滑蛋糕、中間係香蕉肉,下面係餅底。食個咁豐富嘅甜品,今晚真係Perfect~

造訪日期: 2020年6月
感謝 marioyuen
該評論乃TripAdvisor會員主觀個人意見,不代表TripAdvisor LLC公司。
2020年6月25日 透過行動裝置

我懷著好大嘅期望食呢一餐,因為好耐之前食過,嗰度啲生蠔真系勁正。

今晚叫了四隻生蠔,只只豐盈飽滿,富水分;來自兩個不同國家,但我素來不理會產地,但求好食。果然真系好正,質感就同我食開有啲唔同,好爽好滑好濃厚

由於出名「蠔」,我都叫咗一碗蠔湯,好好食,好似將好多好多只蠔打到碎曬來煮,好香又好味。

我食食嚇都忍唔住同老公講:呢間除咗蠔正之外,佢嘅沙律同埋甜品都好出色,難道是每一種食物請咗一個廚師?

我又好鐘意佢咁有特色嘅沙律黎麥、羽衣甘藍、仲有果仁,果仁外層仲有甜甜嘅蜜糖,真系好有心機;加上個甜品甜度適中,又有不同口感,裡面居然有一隻蕉,是我喜歡的,食到好滿足一定再來!

造訪日期: 2020年6月
感謝 Eatwithyou
該評論乃TripAdvisor會員主觀個人意見,不代表TripAdvisor LLC公司。
2020年6月21日 透過行動裝置

灣仔出名多美食,位於謝斐道有一間我覺得比較隱世嘅西餐廳,食物真的高質素!
昏暗嘅燈光,特別適合情侶晚飯!
本身都幾鍾意食生蠔,呢度有唔同國家出產嘅生蠔,可以單隻咁叫,另外只要點兩杯酒可以有生蠔優惠,都幾抵!
今次叫咗日本同法國生蠔,新鮮!有淡淡嘅海水味,蠔肉清爽,高質!
鐘意食蠔嘅朋友值得一試!

湯方面我就叫左個黑松露野菌忌廉湯,佢似係約野菌直接打成湯,超級濃郁香甜,又唔會話好濟。

意粉就揀咗炸軟殼蟹香草茄蓉扁意粉。佢嘅軟殼蟹一啲都唔厚粉,而且炸得香脆,加上特製香草同埋茄蓉酸酸甜甜,十分醒胃。
主菜我就叫咗個香煎紐西蘭三文魚扒,出邊食成日會將個三文魚煎得過熟,令到肉質變得鞋,但係呢度控制火候啱啱好,外脆內軟,入口即溶。

甜品就係唔係好多地方有得食嘅香蕉拖肥批。香蕉嘅清甜加上拖肥既口感夾埋一齊食個層次好豐富,食多兩舊都仲得。

造訪日期: 2020年6月
感謝 ant_kaon
該評論乃TripAdvisor會員主觀個人意見,不代表TripAdvisor LLC公司。

查看過The Oyster House的旅客也查看過

 

去過The Oyster House嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單