我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“Le Viet:尖沙咀抵食越式午餐之選”
Le Viet的評論

Le Viet
餐廳訂位
香港排名第74 (共15,287家餐廳)
優等證書
周圍地區: 尖沙咀
餐廳詳細資料
周圍地區: 尖沙咀
3 週前評論

好耐無食越南野。天氣開始轉熱,又係時候食多d東南亞菜。今次就黎尖咀Le Viet食個lunch。餐廳位於大商埸,座位舒適,裝修企理。

最鍾意呢度既午市套餐,選擇多而價錢平,一共有九款,有飯有撈檬有炒檬有湯粉,價錢由$62到$78不等,有加一。每個午餐包一杯基本飲料,凍咖啡另加$5,特飲另加$8。

香茅燒豬頸肉撈檬 $65 另加一
一如以往,香茅燒豬頸肉撈檬面鋪上七塊燒豬頸肉,燒得香脆可口,美味非常。魚露分開上,滿滿的香蒜,酸酸甜甜,加上冷凍的檬粉,非常醒胃。蔬菜量充足,包括生菜、芽菜、蘿蔔絲、青瓜絲。必點之選!

咖喱牛腩撈檬 $65 另加一
咖喱牛腩撈檬大大碗,份量十足。有五舊牛腩左右,肥瘦適中,都算煮得淋。牛筋都有一舊。真係好鍾意呢度嘅咖喱汁,微辣微甜,香滑可口,好冶味!檬粉吸盡咖喱汁,非常邪惡。面頭有三大舊明顯新鮮炸起既薯仔,外皮少脆入面淋。其他配料有青椒、辣椒、洋葱。另一個必點之選!

飲品選擇成個清單咁長。加$8就飲到大大杯嘅梛汁紅豆冰!

梛汁紅豆冰 跟餐+$8 另加一
椰汁紅豆冰唔會過甜,底下紅豆粒粒分明,不過有些少實。叫左少冰,所以唔會冰粒大過主人婆。飲完呢杯椰汁紅豆冰好似食咗甜品咁,好滿足!

今日我同同行友人都好肚餓,另外叫左兩份燒肉分黎食。

香茅燒牛仔骨 $95 另加一
牛仔骨有4塊,有適量脂肪,所以又淋又嫩,好易咬開。整得好入味,齌食都已經好好味,鍾意既可以配隨碟上既酸辣汁。下底墊左兩大塊新鮮生菜。

香茅燒豬頸肉 $76 另加一
豬頸肉有九塊左右,燒得皮脆肉嫩,食落唔覺肥,點甜酸醬食一流。下底成座山咁既梛菜絲,再加上兩塊青瓜,配撈檬食剩既魚露食變相又多份沙律食。

呢餐真係大大滿足。呢度既午餐堅抵食,我哋次次黎都係一人一個餐再升級特飲,食飽飽都係$80一個人左右,好抵。而主餐牌既食物都唔錯。

造訪日期: 2021年4月
    • 划算度
    • 服務
    • 食物
感謝 PickyCouple616403
該評論乃TripAdvisor會員主觀個人意見,不代表TripAdvisor LLC公司。
發表評論評論 (263)
旅客評等
旅客類型
月份
語言
  • 更多語言

16 - 20 則評論,共 263

3 週前評論

The one 入面高質既越南野
我第一次食 都係聽人介紹話好食去試
真係好唔錯 等我介紹下有咩好食先

1. 蒜蓉牛油雞翼
雞翼炸到好脆又大大隻又入味,唔會好多油上碟,加上炸蒜 好食!
2. 串燒沙嗲三串 雞牛豬各一
呢個串燒烤到有少燶邊 脆脆地幾好
3. 咖哩鮮雞+法包
呢個我最中意食,個咖哩甜甜地多椰奶香 ,仲有個火熱住食 100分!
4. 滿載椰青海鮮飯
份量真係好多滿到山咁高 ,椰漿撈飯甜甜地好開胃 有蝦、魷魚、蜆肉 不錯

我兩個人食飽到傻 ,但齋睇menu 樣樣都好想食
下次再食先得yummy

造訪日期: 2021年4月
感謝 LamLamyou
該評論乃TripAdvisor會員主觀個人意見,不代表TripAdvisor LLC公司。
4 週前評論

今日來到尖沙咀The One逛逛,跟著在四樓穩餐廳,之前旺角食過Le Viet覺得可以,so揀呢間。火車頭酸辣鍋:係用菠蘿燉湯酸甜多D,唔會辣,牛腩好嫩,牛百葉好彈牙,肥牛肥瘦相間口感嫩滑,湯底酸酸甜甜有D香味。串燒沙嗲:可以揀豬肉、牛肉、雞肉,我啲各2串,濃郁嘅炭燒味,雞肉嫩滑,豬肉有DD肥肉但肥而不膩,牛肉肉質緊密肥嫩。沙嗲汁甜甜啲,串燒可以單食,也可以沾沙嗲汁,都好味。大蝦菠蘿焗飯:份量十足,大蝦鮮美彈牙,焗飯材料豐富,除佐三色豆之外,仲有肉鬆、紅腸、菠蘿,飯粒粒分明,食一啖酸酸甜甜,加埋咖哩嘅香味,口感豐富!佢嘅湯粉係招牌,下次可以試下。

造訪日期: 2021年3月
感謝 yuanzi0912
該評論乃TripAdvisor會員主觀個人意見,不代表TripAdvisor LLC公司。
4 週前評論 透過行動裝置

今日去咗睇買一送一波鞋,勁多收穫!買完野勁肚餓梗係坐低食食嘢啦,經過呢度俾個幫我炒飯吸引咗,就坐低試吓!

大蝦菠蘿飯

菠蘿炒飯好多材料,仲加咗我最鍾意食嘅肉鬆,面頭仲有幾隻大蝦,大蝦仲好細心咁剝咗殼,值得方便值得一讚,幾十蚊仲包杯嘢飲真係抵食!飯粒炒到粒粒分明,仲有少少酸甜清新菠蘿味,加咗啲雜菜提升口感,仲有我最鍾意嘅肉鬆撈埋一齊食!睇得又食得!

串燒三色雞豬牛

牛肉串燒勁好味,面頭有少少黑色焦香,看上去還會以為肉質鞋口,誰知食落有驚喜!一咬開爆出肉汁中間軟綿綿肉質超正!味道夠晒香囊,完全唔使點醬汁都好好食雞肉串味道少少香辣,肉質都keep到,點埋咖喱汁仲夾!豬肉都充滿炭火香,燒得好好味!好明顯老公覺得好滿意,仲話好彩叫咗半他,唔係實爭食咁話

越式咖喱軟殼蟹鍋配法包

迷你版軟殼蟹份量雖然得多,不過全部新鮮炸起,食起嚟仲keep到趣卜卜,輕輕沾上咖喱汁,已經鮮味爆棚!然後也不要忘記了薯仔,輕輕炸過,薯味香濃,特別好味!

推介將法包弄成小片浸在咖喱汁內,帶少少甜味的香辣咖喱汁就會軟化了有點硬硬的口感的法包,半脆的法包將海綿一樣吸收晒咖喱汁,勁好味!

Le Viet:

尖沙咀彌敦道100號The ONE 4樓L402舖

造訪日期: 2021年3月
感謝 shadowcheung
該評論乃TripAdvisor會員主觀個人意見,不代表TripAdvisor LLC公司。
5 週前評論 透過行動裝置


座位舒適寬敞,提供紙巾和清水~裝修簡單別具風味,另收+1服務費

大蝦 #菠蘿炒飯 $96
鮮蝦爽口,熱騰騰的炒飯好香,炒得夠乾身和好夠味,配菠蘿粒少少甜,更加開胃。加上肉鬆好好味不會辣,推介

#咸檸梳打 $28轉七喜
鹹鹹甜甜好開胃,個人很喜歡❤️

#越式拼盤 $98(優惠中)配泰式辣醬
#蝦餅 :有3件,厚切足料,吉列外脆內爽,熱氣之選
#豬頸肉 :5片,香濃肉味,不會太肥又嫩
#扎肉蒸粉包 :2件,粉皮夠嫩滑,清淡
#春卷 :4條,炸至外脆內軟,記得沾醬,小心口

#咖哩牛腩鍋 $105 配印式薄餅
牛腩鍋會點火一直燒,香濃越式咖哩味,甜甜的微辣,有青椒洋蔥薯仔等配菜,牛腩、牛筋 好有咬口,非常堅韌

服務質素:8/10
環境舒適度:8/10
ᶘ ᵒᴥᵒᶅ個人口味評分:8/10

造訪日期: 2021年3月
感謝 kuronekovo
該評論乃TripAdvisor會員主觀個人意見,不代表TripAdvisor LLC公司。

查看過Le Viet的旅客也查看過

 

去過Le Viet嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。