我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“越食有驚喜”
Pho Bar的評論

Pho Bar
線上訂購
香港排名第2,558 (共13,941家餐廳)
周圍地區: 中環
餐廳詳細資料
周圍地區: 中環
2020年6月2日

夏日炎炎想食開胃野,撈檬確係不錯的選擇。依間Pho Bar位於中環小巷內,店內格局以bar檯形式,店仔細細環境乾淨,餐紙簡潔美食選擇不多,但樣樣好食充滿驚喜。

紫菜配日本鹽味薯條 $38
薯條粗身炸得異常鬆脆不油膩,沾滿紫菜粉香口惹味食唔停口,有三款醬可蘸,茄醬仍是味道最夾。

爆炸雞 $48
雞皮炸得奇脆無比,而且唔膿唔厚粉,用上雞髀嫩肉,咬落肉質嫩口有肉汁,調味夠跟碟上的三色醬基本上唔醮都已經好好味,係必食之選。

炸春卷 $35
越式春卷4條,外皮炸得外酥內軟,餡料芋蓉蘿蔔絲木耳絲口感豐富,醮埋酸甜檬汁無咁熱氣。

燒豬頸肉撈檬 $70
檬粉大大碗,多塊爽口彈牙的豬頸肉,拌上大量的青瓜絲、生菜絲和醃酸蘿蔔絲,再撒上花生碎、炸蒜,撈埋橙色酸甜檬汁,口感豐富味道清甜開胃,唔錯。

青檸梳打 +$20
梳打原樽上加青檸加冰,味道清新飲啖refresh一下。

造訪日期: 2020年5月
    • 划算度
    • 服務
    • 食物
感謝 cargolam
該評論乃TripAdvisor會員主觀個人意見,不代表TripAdvisor LLC公司。
發表評論評論 (31)
旅客評等
旅客類型
月份
語言

1 - 5 則評論,共 31

2020年5月22日 透過行動裝置

收左工之後,同事話帶我去食好西我梗係跟隊啦
開頭以為佢老點我帶左我去條巷仔入面我仲諗....巷仔都有好野食⁉️真定假呀大佬最後我輸得心服口服

兩條友諗住坐下吹下水,所以就叫左1碗麵同3款小食開心Share

至尊$98 :
先講個size個碗真係大到可以笠住我個頭
我一個人真係食唔晒好彩係Share
呢碗野真係超多料‼️
有生熟牛柳片、牛腩、牛丸、牛柏葉同扎肉
勁豐富
而最正係牛腩夠腍夠入味
湯底都唔差,味道夠晒濃郁❗️
最緊要係佢湯底唔會油膩我鍾意

秘制雞翼$42 :
單骨雞翼,食起上黎超方便
個秘制醬汁好惹味
食落都幾特別
係帶有辣辣地既沙律醬

炸春卷$35 :
次次食越南野一定會叫春卷‼️
我超鍾意食呢種絲網春卷
呢到個炸春卷超正
入口脆卜卜好鬆化
最正係配埋個甜酸醬超惹味

紫菜配日本鹽味薯條$38 :
呢個真係有驚喜
估唔到竟然係再配多3款醬‼️
有茄汁、明太子醬
同埋仲有一款疑似係蛋黃醬
3款醬之中竟然有我最愛既明太子呀
淨係個醬都夠我回頭再食
薯條仲要粗薯,口感真係冇得輸
每條都沾滿紫菜粉,搞到鬼死咁香

味道:5/5
環境:3/5
服務:4/5
抵食:4/5


造訪日期: 2020年5月
感謝 mrs_ng_c9
該評論乃TripAdvisor會員主觀個人意見,不代表TripAdvisor LLC公司。
2020年3月26日 透過行動裝置

Pho Bar - 惹味越南麵食

門面和內裏環境都是以水泥的顏色為主,推開玻璃趟門,是一條長長的走廊配以吧枱形式的食桌,可以直接看到廚師烹調的狀況,就像日本拉麵店的越南式粉麵。

至尊Supreme Combo
一聽到這個熟悉名字,就知道是一款集合很多最受歡迎的食材的款式,果然不出所料,非常多的材料,有牛柳片、牛腩、牛柏葉、牛丸、牛和扎肉,再配上金邊粉,非常滿足的一碗麵食。

生熟美國頂級牛肉河粉
分量非常多的生熟牛肉,半生熟牛肉口感柔軟、腍身;配上自選的金不換、芽菜、蔥、洋蔥、芫荽和炸蒜,

爆炸雞
小小的炸雞塊,份量算多,可以配上三款醬,有沙律醬、千島醬和明太子醬。

炸春卷
即叫即炸的春卷,外皮以網米紙包着,非常脆身,內裏的餡料不會太油膩,鬆化香口。

造訪日期: 2020年3月
感謝 justforshan
該評論乃TripAdvisor會員主觀個人意見,不代表TripAdvisor LLC公司。
2020年1月24日

睇到朋友嘅食評,話呢間越南餐廳「Pho Bar」好食,撞啱今日要去中環開會,收工後就拉埋同事一齊過嚟試下。店子位於利源西街,地點唔算難搵,如果由電車路入,右手邊行幾個舖位就到。

餐廳間隔呈長方形,地方細小,屈指一數,只有約 22 個座位,而且大部份都是以吧檯位為主,格局似日本拉麵店,幸好來到時,時間尚早,店內只有一兩個食客,所以亦不算迫夾。

餐牌很簡單,一張過,一目了然,客人只需在上面剔出自己心水食物便可以下單。我哋只係揀咗一個 Main、幾款小食同飲品,打算一齊分享。

主菜點了生熟美國頂級牛肉 ($88),麵食可以自選河粉、金邊粉或意大利翠玉瓜麵,另外亦有金不換、芫茜、芽菜、洋蔥、炸蒜同蔥等配料可供選擇。金邊粉以大湯碗盛上,湯底很清澈,泛著薄薄牛湯油,全無味精。牛肉選用美國貨,肉質軟腍富肉味,滑而無渣。連金邊粉也有驚喜,切得幼細,不太軟綿,食落還帶少許嚼口,吃時可混入少許是拉差辣醬及海鮮醬,更添惹味。

接著輪到試吓小食,一口氣點了四款,分別有炸春卷 ($35)、秘製雞翼、冰山燒豬頸肉同紫菜配日本鹽味薯條。春卷用越南嘅網絲春卷皮製作,入面釀有滿滿的芋蓉,食落好鬆化,沾魚露吃,不油不膩。

秘製雞翼 ($42),雞翼送上時已經開邊成單骨,吃起來很方便。面層上咗炸漿脆炸,然後再澆上 Cajun Sauce,炸漿很脆口,入面的雞肉幾嫩滑,不過講到最正當然係面頭嘅醬汁,帶少許蛋黃醬嘅香味,而且濃稠適中,能夠包住全隻雞翼之餘,外皮沒有被淋腍,仍有脆口感覺。

冰山燒豬頸肉 ($48) 豬頸肉以木砧板盛上,件件都好厚身,入口真的有一朕教人胃口大開的焦香,肉質帶嚼勁又夠惹味。 如果怕油膩,可以先點少許醬汁,再用生菜包住食,提味之餘亦可減輕膩感。同事話豬頸肉多吃無益,但最後也禁不住一塊接一塊大啖食,其實偶爾放肆一下無妨,小吃是福嘛。

壓軸的紫菜配日本鹽味薯條 ($38) 水準亦不遑多讓,薯條炸得香脆不油,紫菜味突出,最特別就是用來蘸點薯條的醬料,竟然有成三款咁多,包括有茄汁、明太子沙律醬同微辣嘅 Cajun Sauce。最愛當中嘅明太子沙律醬,味道鹹鮮,而且不算太杰,無蓋過薯條的紫菜味。

如果點主食,可以 +$12 配奶茶、咖啡、檸茶及罐裝汽水等,又或者 +$20 配青檸梳打。另外餐廳不設加一,所以食咗咁多嘢,埋單每人都只係百幾蚊,都算經濟抵食。

造訪日期: 2020年1月
感謝 mjqueen7e
該評論乃TripAdvisor會員主觀個人意見,不代表TripAdvisor LLC公司。
2019年12月23日

位於中環利源西街的《Pho Bar》,主打越南粉,可選河粉/金邊粉/意大利翠玉瓜麵 (另加$20);另外還提供小食和飲品。
價錢親民⁣,CP值高,不妨一試

【至尊 Supreme Combo ($98)】
非,常,豐,富!⁣⁣
湯底有非常香和重的牛味。⁣
配料好咬、多元口感和味道。
河粉吸收湯汁後真的沒得輸。加上青檸、辣椒就perfect啦 ⁣!

⭐️其他推薦菜式:
燒豬頸肉撈檬 ($70)
炸春卷 ($35)
青檸梳打 (跟餐 +$20)

造訪日期: 2019年12月
    • 划算度
    • 服務
    • 食物
感謝 Vacationer816014
該評論乃TripAdvisor會員主觀個人意見,不代表TripAdvisor LLC公司。

查看過Pho Bar的旅客也查看過

 

去過Pho Bar嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單