我們不支持您使用的這種瀏覽器。Tripadvisor網站可能不能正常顯示。我們支持以下瀏覽器:
Windows: Internet Explorer, Mozilla Firefox, Google Chrome. Mac: Safari.

“最抵食和牛火鍋🍲”

牛大人台灣火鍋吃到飽 - 尖沙咀店
價位: US$22 - US$38
餐廳詳細資料
4 週前評論 透過行動裝置



食過好多間任食火鍋,發現都係牛大人最抵食!之前食過一間台式火鍋又貴又伏,所以今日想食火鍋都係揀左去牛大人!

為免夜晚食得太飽訓唔著,我地食5點果輪 早啲食完早啲消化!加上參考以往嘅經驗,既然揀咗澳洲極上和牛plan,個肚嘅capacity又有限,真係齋食澳洲和牛M5牛肩卷都夠哂滿足

今次湯底揀阿嬤養生濃湯鍋,唔會肥膩,但又夠哂味加埋自助醬吧,可按自己喜好配醬料!

上次推介左蛋餃同蝦餃,今次食瓜仔雞水餃都覺得幾特別!帶點甜瓜味,配上豬肉餡,個味道同口感都係第一次試!台灣直送嘅真係要試吓

尖沙咀分店有Mövenpick雪糕,正呀! 仲有好特別嘅仙草味雪糕

呢到嘅服務態度真係相當不錯,有足夠人手招呼你之餘,由⼀開始入座有人介紹你點落單,不時為你加湯,上菜速度快,訂單準確率高,高效率收碟,主動幫客人拍照等等,服務態度良好,值得嘉許

⚠️like Facebook送黑糖珍珠奶茶
⚠️會員有折 記得入座30分鐘內登記

#jagalai #hkfoodie #foodie #牛大人 #masterbeef #台式火鍋 #吃到飽 #hotpot #打邊爐 #和牛 #wagyu #うまい #早食早享受 #澳洲和牛M5牛肩卷 #瓜仔雞水餃

造訪日期: 2021年4月
感謝 Jaga L
該評論乃TripAdvisor會員主觀個人意見,不代表TripAdvisor LLC公司。
發表評論評論 (9)
旅客評等
旅客類型
月份
語言

5 - 9 則評論,共 9

5 週前評論 透過行動裝置

長假期前夕,同男朋友諗住食餐飽,又要黎幫襯牛大人啦!排早輪晚市,以為d人未收工,點知都係人山人海。

湯底仍然揀左我地最愛既紅燒牛骨湯底之前外賣試過濃香蕃茄同阿嬤養生濃湯湯底,都係牛骨最得我心,湯底夠濃,唔使點醬料都已經覺得夠味!

我地揀左最貴既澳洲極上和牛
口感果然唔同D,油脂分佈平均,入口一啲都唔鞋!一分錢一分貨

除左牛之外其他配料既分量都好細,唔會浪費食物☺️
台式蛋餃同瓜仔雞水餃味道都唔錯!

Like FB / IG 贈送既黑糖珍珠奶茶,幾好!
晚市係movenpick雪糕,但每人只限一款甜品,同午市任食既自家豆腐雪糕唔同。

仙草有幾款唔同口感,呢排熱辣辣食返碗消下暑都幾正!

7:30前離座只係$258/位,抵!:yummy:

造訪日期: 2021年4月
感謝 tabelai
該評論乃TripAdvisor會員主觀個人意見,不代表TripAdvisor LLC公司。
2021年3月23日

自它香港開業起,我一直都很想去朝聖。終於等到今天,我終於來到這裡,拜訪大名鼎鼎的「牛大人」。

去牛大人,第一件事就當然要先訂座。我們一早訂了晚上7點正,所以去到很快就可以入座,不用再等侯。牛大人的環境相當不錯,間隔分明,好適合和朋友聚會傾偈,疫情期都能食得放心。而且每個座位與自助區的距離都相約,十分方便。

◉ 香濃牛乳起司鍋
先要選湯底,我們今次去了尖沙咀的分店,就不如嚐嚐尖沙咀店限定的香濃牛乳起司鍋。湯底非常重奶香氣味,而又帶陣陣清香,我就貪圖這個湯底不會搶走食材的味道,喧賓奪主。

◉ 自助區
先介紹一下自助區,牛大人的自助區皆是以蔬菜、菇類、肉丸為主。不得不讚的是其衛生程度非常高,每樣食材都有獨立容器盛載,加上雪櫃會噴出陣陣冷煙,整個環境做的非常舒適。自助區的食物,我會推薦黑木耳、冬菇、魷魚、皇帝菜和各式各樣的丸類,將材料放進火鍋,煲煲後湯底會使得更入味。

◉ 澳洲極上和牛套餐
來得牛大人,就當然要食澳洲極上和牛套餐。

◉ 澳洲和牛M5牛肩卷
牛肩卷厚薄切得恰到好處,比較其他肉類之下,就明顯分辨到M5和牛牛肩卷的不同之處。牛肩卷位於牛的後頸,油花分佈均勻,牛香味濃郁,放進火鍋3-5秒後進食就最佳,完全可以食到其入口即溶的口感。

◉ 安格斯牛小排
同樣屬和牛套餐系列的安格斯牛小排,味道一樣出色。與牛肩卷相比,牛小排的油脂則較豐富,所以食落會比較稔軟。加上牛肉本身是安格斯的level,所以肉味一樣香濃。兩者都是不斷要encore的,相互交替地食就最好。

◉ 章魚珍珠漿
位於同系列還有一道期間限定,就是章魚珍珠漿。喜歡食魚滑的我見到有章魚滑就絕對要嚐嚐,章魚漿的口感絕對順滑,用筷子夾都會滑得滯跌回火鍋。一食落口,章魚的鮮味爆出來,又可以食到粒粒章魚肉,爽口彈牙。

◉ 私房鴨血(辣)
配料方面,鴨血實在是必試系列當中。事關牛大人將鴨血先加上辣味,再放進鍋內碌熟後,能夠食到鴨血的獨有味道加上辣香味。

◉ 冷泡茶
牛大人除左食材之外,另一賣點就是其自家製冷泡茶。顏色上已經非常吸引,而且可以飲到台灣茶葉,茶味濃更沒有添加糖,打邊爐飲這些比起汽水更加解渴解膩。我們嚐了四種冷泡茶,我都是比較喜歡香桃味,茶香中略帶陣陣桃味,能夠將火鍋的油膩感去掉。

其他食材都是相當出色,以上就是我的個人愛好推薦。歡迎大家交流,下次朝聖時再試!
-
牛大人台灣火鍋吃到飽 (台灣菜/火鍋)
尖沙咀加拿分道20號加拿芬廣場2樓

造訪日期: 2021年3月
    • 划算度
    • 服務
    • 食物
2  感謝 Food4HK
該評論乃TripAdvisor會員主觀個人意見,不代表TripAdvisor LLC公司。
2021年3月15日 透過行動裝置

牛大人分店愈開愈多,但人潮仍然未見退減‼️和朋友去了尖沙咀分店,餐廳環境很舒適‼️
▫️
除了吃到飽的套餐外,原來還提供一人一鍋的定量午餐,挺適合上班族的‼️
▫️
我和朋友選了吃到飽的極上和牛餐 可以無限量吃上腹牛五花、安格斯牛板腱、西班牙豬梅肉片等食物 蔬菜麵類飲品及雪糕也放置於自助區,想吃多少就拿多少‼️
▫️
雖然沒有海鮮,但有花枝漿、海鮮漿‼️當中有一款章魚珍珠漿很好吃,中間真的吃到一小顆一小顆的章魚,真材實料很鮮甜很好吃‼️
▫️
餐廳除了一般飲品外,還有威士忌冬瓜茶 很特別的配搭‼️不常喝酒的我覺得威士忌味道很突出,還帶有一陣黑糖珍珠的味道,甜甜的很好喝‼️

造訪日期: 2021年3月
感謝 msfoodloverr
該評論乃TripAdvisor會員主觀個人意見,不代表TripAdvisor LLC公司。
2021年3月8日 透過行動裝置

呢間火鍋放題最近超紅!食物選擇多,質素都幾好,環境仲好舒服,裝修新淨,座位寬闊,竟然價錢加埋一都係二百幾蚊一個人,扺到爆!

佢哋開12點,一去到已經有大量人等緊入座,我哋揀左呢個套餐,要咗紅燒牛骨鍋湯底,個湯底好足料,香料好夠,但唔會太咸,微微辣。

極上和牛吃到飽 成人$198 小童 $138

上腹牛五花 :肉質偏實,肉同脂肪一層層
(推介)安格斯特選牛板腱:肉質軟嫩,油花分佈紋理靚
(推介)澳洲和牛M5牛肩卷:牛味濃郁,肉質嫩
西班牙豬梅肉片: 肉味濃,口感較實
西班牙豬五花片:油脂較多,比梅肉片好食
花雕酒雞件:雞件好滑,酒味唔重
牛媽秘製滷大腸:唔肥,好乾淨,彈牙口感
我媽秘製滷牛肚:幾入味,口感好
老媽秘製滷牛筋:冇點到
蟹籽墨汁漿:冇點到
干貝鮮魚漿:冇點到

全部都可以任點!每份牛肉大約四片,所以可以點多幾round。想留返個肚食牛肉,所以冇點個啲太多乜乜漿

除咗以上呢啲,仲有其他食物可點,要用手機scan QR code落單。推介點章魚珍珠漿 真係有一粒粒章魚係裹面,口感彈牙,好味!仲有好多台灣小食,鹽酥雞,台灣腸,皮蛋豆腐,水餃,麵類,蔬菜等等,外面仲有得自取超多種類台灣直送嘅丸,樣樣都好吸引,可惜我個胃冇咁大,試唔晒全部 下次再黎淨係試丸先

提一提豬紅要煮熟先食,我見佢熱住冒煙咁上以為係熟,點知食完再點下一round店員先同我講要煮熟先食我諗我食咗幾件半熟豬紅

飲品推介威士忌冬瓜茶,冇諗過威士忌同冬瓜茶幾夾,甜甜地又有陣陣醉香,而且夠凍!好飲!

甜品只得一種玄米茶雪糕,茶味濃郁,一解油膩口感又好味

醬汁區嘅選擇都好多,有個洋蔥牛肉醬點牛食好夾好正!而且好乾淨,唔會成枱都係醬汁,抵讚!

造訪日期: 2021年3月
1  感謝 Nancyyung
該評論乃TripAdvisor會員主觀個人意見,不代表TripAdvisor LLC公司。

查看過牛大人台灣火鍋吃到飽 - 尖沙咀店的旅客也查看過

 
中國香港
中國香港
 

去過牛大人台灣火鍋吃到飽 - 尖沙咀店嗎? 請分享你的經驗!

發表評論 新增照片和影片

業者們:有什麼想要和我們分享的嗎?

是否擁有或管理此物業? 免費領取您的清單,即可回應評論、更新個人檔案和更多。

領取您的清單
© 2021 TripAdvisor LLC 保留所有權利。

此版本網站是為台灣中文使用者設計。 如果您是另一個國家或地區的居民,請在下拉式選單中依照您的所在國家或地區選擇適合版本的 Tripadvisor 網站。