放假終於可以鬆一鬆，去了旺角逛街，晚上就在通菜街搵食，比較經濟實惠。由於太肚餓的關係，我們選了二人餐再加兩個小食，沒得去韓國旅行，就吃東西補數。 首先來前菜，有4款，其中我最喜歡辣泡菜和青瓜，酸辣很開胃。 韓風一口雞 這是跟餐的，一口雞炸得剛好，不會一口油，外脆內嫩，沾上韓式甜辣醬很好吃。 秘製烤肉豆腐鍋 加了$6要海鮮和...$8要手打烏冬。海鮮有3隻爽口蝦球和兩隻青口。豆腐超滑，烏冬煙韌，配辣泡菜湯，惹味順口。 傳統石頭鍋飯 加了$4選牛肉粒，牛肉粒肉質鬆軟，大大件，份量足。石鍋飯伴入蛋、大豆芽、紅蘿蔔絲和辣醬，很香口。 海鮮蔥餅 蔥餅煎得香，不會油淋，外脆內軟，香蔥加上爽口蝦仁，材料簡單但味美，記得要沾上酸辣汁吃。 煎韓國粉絲餃子 餃子皮脆脆的，裏面有滿滿的粉絲和碎肉，粉絲控表示滿足。餃子沾上甜燒汁更滋味。 跟餐的飲品，我們就$5升級選了紅棗蜜，養生又滋潤。最後埋單$355，飽到一個點。更多
經常嚟呢度食, 次次都係食秘製烤肉豆腐鍋 。 我覺得泡菜烤肉豆腐鍋，金菇肥牛豆腐鍋，同埋 泡菜餃子烤肉豆腐鍋最好食。 另外雞翼好juicy，都係必點 小食我會揀海鮮蔥餅， 佢個汁跟個餅好味👍😋
開心的一餐 泡菜豆腐鍋好好吃。。我喜歡那半生熟的蛋， 湯餸飯真係令我再三回味。 海鲜䓤餅正，跟醬汁最正。 我也喜歡鐡板牛肉，送飯最好吃😋 石頭鍋飯我最喜歡豬頸肉石頭鍋飯, 黑椒金菇肥牛石鍋飯都好食，都幾重黑椒嘅辣。。 餐廳多人排隊，待應好似好忙咁，但都幾有善：）
今天來到了位於旺角的首爾石鍋燒，餐廳主打當然是石頭鍋。我們2人點了傳統石頭鍋飯、蕎麥冷麵作主食，另外點了韓式燒牛肋骨和煎韓國泡菜餃子開心share。 來韓國餐廳當然唔少得韓式開胃前菜，前菜有4款，除了必有的泡菜外，還有芽菜、醃青瓜和粉絲。泡菜和青瓜非常入味而且爽脆有口感，不錯。 餐廳提供多種款式的石頭鍋飯，我們選擇了的傳統石頭飯...(配牛柳粒)，除了自選的肉類外，石頭飯還有蛋、芽菜、蘿蔔絲等配料。石鍋非常熱，另鍋內的飯形成飯焦，非常香脆。怕辣的朋友可以叫辣醬另上自己調較辣度。 友人怕辣點了蕎麥冷麵，有蟹柳、玉子、鳴門卷等配料，麵身爽滑彈牙。 小食方面，牛肋骨燒得香口，肉質稔身，配有生菜夾起一起食，減去油膩感。至於泡菜煎餅，外皮煎得香脆，內餡的泡菜爽口帶微辣，配上醬汁，非常特別，值得一試。 。 。 首爾石鍋燒 旺角通菜街21號地舖 。 。更多
之前已經嚟過幾次 唔知點解呢個地方好吸引久唔久就會諗起想食呢間😂 lunch time都幾多人 拎飛排隊都等左幾耐下(可能我哋多人😂🤷♀️) 佢啲lunch set唔係好貴 仲要包一碗湯(er..好似係粟米蛋花。。之類) 同埋包熱飲 凍飲只係加兩蚊🤑👍 今次我叫咗泡菜燒肉豆腐鍋配飯😍 個豆腐鍋一嚟到 超級hottt...t 入邊好多料😂 除左泡菜燒肉同豆腐之外 仲有韓式粉絲， 粟米 同埋蛋😍 其實我懷疑就咁食一個鍋 唔使加飯都已經夠飽😂 泡菜鍋唔係好辣 有愈食愈想食嘅感覺👍 一句講曬 超級抵食!更多
我哋叫咗一個首爾沙律，蕎麥冷麵，海鮮烤肉豆腐鍋配韓國手打烏冬，一杯熱紅棗蜜同埋熱柚子蜜。 叫咗冇耐，店員就拎咗一啲開胃小菜過嚟，小菜就有泡菜芽菜青瓜同埋粉絲，粉絲少少酸蘿蔔切左條，同台有個喜歡吃辣嘅朋友，佢食泡菜食得好過癮😂😂我就唔食辣嘅，好彩青瓜唔辣，酸酸甜甜好開胃😋😋。 呢個首爾沙律份量夠晒大，個碗仲大過我塊面?...?，然後有好多蟹柳絲同埋蟹籽，加埋沙律醬，用嚟開胃一流呀😍。 我覺得蕎麥冷麵就好足料！有蛋，鳴門卷，蟹柳啦🥳。味道方面，就比較清淡，適合唔鍾意食辣嘅人，清清地，幾好🤩。 海鮮豆腐鍋用料十足，豆腐滑脫脫，入口即溶🤤。鮮蝦大隻又爽口，都有三至四隻。手打烏冬煙煙銀銀，口感十足，份量夠晒飽。海鮮湯底味道偏濃，鐘意食濃味嘅朋友就岩哂喇，夠哂性價比啦😏。 嘢飲方面就要讚下佢嗰個紅棗蜜，首先我自己好鍾意食紅棗，所以一見到有紅棗蜜就心心眼，即刻嗌，唔係每個地方都有㗎。佢啲紅棗夠晒稔，放入口度甜甜地用嚟解辣就一流啦，啱晒女士們啊。更多
我哋叫咗一個煎韓國泡菜餃子，寒風一口雞，泡菜餃子烤肉豆腐鍋配韓國手打烏冬，同埋牛肉粒泡菜石頭鍋飯。仲加咗一個蜜桃味燒酒，啲酒夠晒凍。好細心，全部杯都係凍嘅，咁就唔會令到啲凍嘅燒酒斟落去嘅時候會變咗熱啦，而且個杯凍冰冰用黎影相打卡一流呀🥰。 呢個韓風一口雞賣相一流，新鮮啱啱炸起，夠晒脆啊😚。隔離仲有少少辣醬，點落去唔會好辣，...唔食辣嘅我都啱晒食😝😝。 另外嗰個煎韓式泡菜餃子入面真係夠晒真材實料，包住左好多泡菜，所以唔使點辣醬，都已經感受到泡菜嗰一陣辣味。而且啲餃子又知道卜卜趣，十分香口。 嚟到主菜，我好鍾意呢個泡菜餃子烤肉豆腐鍋配烏冬。首先同上面講嘅一樣都係啲餃子夠晒大粒同夠晒足料，夠晒實淨就算真係豆腐鍋入邊都唔會散。另一樣深得我心嘅就係豆腐，啲豆腐好滑而且好入味，放入口好快就溶哂，識自己滑落個喉嚨度架。😻😻 如果鍾意食韓式石頭鍋嘅話， 一定唔好錯過哩間餐廳嘅傳統石頭鍋飯配牛肉粒。牛肉肉質嫩口之餘，而且仲可以鎖著啲肉汁，超juicy添。😆😆而我最鍾意食佢啲飯焦，卜卜脆得黎好有飯香，簡直超曬水準☺️。不過個飯有小小辣，但可以同餐廳講轉走辣嘅。如果係好辣之人認真可以試食下嘅，的確好惹味，好值得推介一下👍🏻。更多
這𥚃的豆付鍋是招牌菜， 我最喜愛的是泡菜餃子豆腐鍋，湯送飯勁正！ 泡菜鐵板牛肋骨超香。跟飯食好滿足！ 小食我喜歡一口雞同雞翼，juicy 美味. 仲有海鮮蔥餅，點秘製汁更美味：） 勁多人排隊，性價比高！
豬頸肉石鍋飯 9/10 呢個石鍋飯好特別，又超級野味， 面有蔬菜 ，上面有隻生蛋。 當然唔少得主菜豬頸肉 。呢個飯有好少嘅辣， 好惹味但唔會覺得辣。 泡菜餃子豆腐鍋 9.5/10 裏面有泡菜餃子， 韓式烤肉， 豆腐 ，雞蛋 ，粟米，蔬菜 。我哋揀咗烏冬。 都可以跟飯同粉絲。 個鍋滾辣辣上好正 ，一上枱先睇下隻雞蛋， 仲係半生熟...! 超正 烏冬吸曬落湯嘅精華， 豆腐亦都非常嫩滑! 呢個係我個至愛 ， 真心必食推介! 炸雞翼 9/10 雞翼外面好脆 裏面好juicy 好搶手好快食曬 泡菜薯條 8/10 好開心呢度都食到炸薯條， 奉上泡菜， 有另一番滋味 ! 分開就咁食薯條亦都夠曬好味， 薯條仲要好大條:P 泡菜鐵板飯 9/10 一上枱吱吱喳喳聲 ，新鮮滾熱辣， 香到四周圍嘅人都 望住我哋! 可以揀烤肉，雞肉，牛肋骨。 今次揀咗烤肉 ，我就覺得泡菜鐵板牛肋骨最好食， 啲汁撈飯真係回味又回味! 服務水平都不錯， 同事細心 ，會叫我哋小心熱， 而且都幾有禮貌 。見佢哋好忙 ，出面好多人排隊 ，性價比高的小店更多
最愛豆腐年糕鍋和泡菜烤肉鍋！是一直最愛的「飯堂」，性價比很高，還有飲品和湯。去開旺角的朋友想吃韓式的話可以試試！
