餐廳以日本鬼怪為主題，空間寬敞，亦有幾張卡位，可以坐得舒服慢慢食，而抽氣直接在燒烤爐的上方，所以食完亦不會太大味。 午市放題$298加一，任食A4和牛只需加$98，性價比極高，十分容易回本。 座位上有燒肉汁、辣椒粉及少見的日式鹽蔥，十分有地道日本風味。 先點幾客前菜，試了枝豆、泡菜及海蜇，三款都十分有水準，尤其海蜇有特別調...味，非常開胃，非一般街外的來貨可以比較。 刺身料精而鮮，當中包括三文魚、帶子、甜蝦等，每種刺身都鮮甜可口，令人回味，特別榮螺片山葵漬亦十分鮮甜，調味恰到好處。 壽司 亦試了一下壽司，柚子醬油和牛壽司及明太子醬帶子炙燒壽司，用料新鮮，尤其是和牛壽司，入口即融，脂香味豐。 A4和牛，和牛有多款不同的部位，入口即化，油香豐腴馥郁，質地軟身，建議只加一點醬汁提味，可品嚐本身的油脂香味。 餐廳亦重本提供原隻扇貝及廣島蠔等海鮮，廣島蠔身型巨大，一咬蠔肉爽滑鮮甜，蠔味濃郁雋美。 蔬菜 點了牛油雜菌，放在爐邊慢燒，待雜菌軟化吸收牛油香味後，即時品嚐到菇味的香濃滋味。 三文魚茶漬飯，把紫菜及三文魚粒拌勻，每一啖都滋味豐美，也有口感與味道變化不一的驚喜。更多

朋友食完燒鬼之後極力推薦話佢主打高質和牛燒肉以及日式精品放題性價比相當高前；每枱都有個燒烤爐配埋勁大個抽氣管食完成餐飯件衫都完全唔會有陣味 前菜 枝豆豆莢翠綠豆粒飽滿佐酒啱哂；泡菜豆腐質感水嫩細滑配搭泡菜酸辣醒胃；中華海蜇以及仿翅口感爽脆醬料微辛惹味 刺身 榮螺薄片肉質清鮮經過山葵醃漬嗆辣刺激；帶子肉厚鮮甜；甜蝦質感細綿清甜...；三文魚肉厚切肥美；鰹魚魚肉細緻濃鮮 壽司 柚子醬油和牛壽司肉質柔韌同時帶有醬油鹹醇以及柚子清香；明太子醬帶子炙燒壽司將帶子炙至燒微焦配搭明太子醬濃香提鮮 牛鬼和牛拼盤 前胸肉屬於運動量大嘅肌肉因此脂肪較少相對清爽；上小排肉嚟自牛嘅前胸肋骨肉質緊緻油脂豐腴；橫隔肌肉質感細嫩油花甘香肉味濃郁；腹脅肉係指由牛腹尾端切割出嚟嘅五花肉肉質柔軟而且油花細密 海鮮 海蝦唔算大隻都幾易燒而且蝦肉彈嫩；帆立貝以及廣島蠔夠哂新鮮而且提供香蒜牛油同意式香草醬兩款選擇 蔬菜 迷你日本蕃薯紫皮黃心軟綿香甜好正；牛油雜菌包括冬菇金菇同杏鮑菇三種 三文魚茶漬飯 三文魚鬆拌搭海苔豐富口感而且茶香輕淺清新輕盈 飲料 紅莓汁同埋白桃味乳酸梳打都係酸酸甜甜咗幾消膩解滯更多

疫情下冇得去日本呀，咁就去食和牛滿足下自己啦。呢一間放題店，係喺銅鑼灣地鐵站附近嘅樓上店。 感覺上呢度座位唔多，但係氣氛唔錯，仲會有識着火嘅裝飾。呢度嘅服務質素都幾貼心，會介紹唔同肉嘅部份，食物質素好好！ 咁我最鍾意食嘅呢就係佢嘅三文魚茶漬飯。因為呢食完呢個真係好適合去解膩！ 佢刺身呢方面都係質素唔錯同好新鮮。 至於和牛...拼盤呢，佢就用咗一個好有得意嘅盤present 出嚟😃 我就比較鍾意肥瘦比例適中嘅上小排肉。 另外呢都鍾意佢嘅日本番薯，非常迷你，煙靭有咬口，又夠sweet. 💖 值得推介呢間放題店啊💕更多

和牛人人都鐘意食 但係價錢比較貴 成日都唔夠喉😆 今次要介紹既呢間燒鬼係以精品放題出名既和牛燒肉放題 性價比相當高😍 以放題黎講服務貼心 今次我地唔同類型既食物都有試下 前菜就食左泡菜豆腐同中華海蜇😬 好開胃 海蜇好爽口👍🏻 刺身就試左三文魚 帶子 甜蝦 鰹魚同榮螺片山葵漬 甜蝦好大隻丫🤩 三文魚好厚切 鰹魚都...幾特別架 出面比較少見👅 壽司就試左柚子醬油和牛壽司同明太子醬帶子炙燒壽司🥰 令人好掛住日本既和牛壽司丫😢 明太子醬帶子炙燒壽司燒過帶子更甜更好食👅 終於到重頭戲既和牛燒肉啦 今次就食左內側腹肉 前胸肉 上小排肉同腹脅🤩 每一塊都好肥美 油脂分布好靚好平均 最好食係上小排肉 好腍好juicy😋 除左燒肉 仲有燒海鮮同蔬菜 包括帆立貝 海蝦 廣島蠔 迷你日本蕃薯同菠蘿🍍帆立貝都幾大粒 調味好夠味丫👍🏻 最後食埋個三文魚茶漬飯 暖立立 好滿足🌟更多

一直以來吃燒肉都是去連鎖的，可是愈吃愈發現味道愈相似，猶如嚼蠟，故此此次來到主打高質燒肉的燒鬼，來一次味覺享受。 雖然此處主打高質牛肉放題，但我卻覺得不止牛肉，服務、什至其他食物質素都比同行略勝一籌，沒有怱忙的感覺，侍應態度亦相當好。而且食物看得出、嚐得出新鮮，全部即點即製，沒有平時放題之弊病，預先做好令食物失去鮮味。因此今次...這家店水準很不錯，CP值超高呢! 店內裝潢以黑色為主，搭上鮮紅的椅子，有畫龍點睛之感，獨具一格。另外店內亦營造燒烤之感，窗邊有野火的特效，別具心裁! 泡菜豆腐 前菜必吃之一! 凍食豆腐滑不溜口，稍不留神便咽下去，泡菜香辣酸嗆，十分開胃! 前菜還有中華海蜇、沙律可選! 枝豆 簡單鹽水煮枝豆，好少會在外面放題會見到呢! 每次吃都忍不住要用手迫裡面的豆出來! 刺身 榮螺片山葵漬、甜蝦、三文魚、八爪魚 融雪做得不錯，厚切三文魚色澤亮麗、頗肥美，甜蝦柔軟細膩，三文魚爽口彈牙。 壽司 想不到這裡也提供近年大熱肉壽司! 柚子醬油和牛壽司相當柔軟，雖未至溶於口中，但嘗得出其鮮嫩質感! 帶子炙燒壽司外硬內嫩! 海鮮 海蝦、意式香草醬廣島蠔、香蒜牛油帆立貝(元貝) 海鮮外觀看上挺新鮮，海蝦鮮味濃、廣島蠔嫩口、元貝彈牙。 大頭蝦 肉質肥大鮮嫩，多膏，味道甘香濃郁 A4和牛拼盤 溶雪妥當，顏色粉嫩，上小排肉脂肪均勻、入口幾乎溶於口、非常細膩，而且油脂豐富，是真正A4和牛的質感!其他部位肉味較濃，肉質亦柔軟，感覺優質! 油脂多到令爐火超級旺盛!更多

「燒鬼」是以神秘的日本民間傳說為主題，餐廳設計大玩夏日晚上的妖怪大遊行，在燒肉店牆身掛上「百鬼夜行」圖畫，很有神秘感。而且燒肉店位於銅鑼灣近C出口附近，交通方便。 「燒鬼」是主力為高檔優質放題，質素比一般放題水準高，價錢合理，$298/1位另加1服務費，加不同價錢可升級A4和牛，汽水及果汁任飲，現在openriceul訂位也有...優惠，性價比高。另外亦有提供A La Carte服務, 可於餐牌上散叫想吃的食物。 食物款式繁多，今次前菜點來枝豆、泡菜豆腐及中華海蜇，健康又開胃。 刺身就點了生葵榮螺片、帶子、甜蝦、鰹魚及三文魚，刺身水準超高。首先第一要大讚刺身夠新鮮，三文魚肥美，甜蝦及帶子滑溜，生葵榮螺片爽甜。 壽司就點了柚子醬油和牛壽司，牛肉味香濃再加上柚子增加了清新感，而明太子醬帶子炙燒壽司很爽甜，口感清新，很滋味。 燒肉方面，點了A4和牛壽司，上小排肉、中腹肉、前胸肉及橫隔肌。這四款都相當優質，我大愛橫隔肌，油脂分均勻，入口即熔。朋友就超愛中腹肉，燒烤時散發出滿滿的油脂，味道香濃，牛味十足。其餘兩款也算不錯，輕輕燒烤後牛肉香依然keep 得香口，肉質嫩滑，不用沾任何醬汁，就已經可吃到和牛的原汁原味，超享受。 其他燒烤食物有海鮮，意式香草醬帆立貝 很香甜，而廣島蠔肥美又夠creamy，海蝦肉很爽脆，海鮮很新鮮。另外蔬菜有迷你蕃薯及牛油雜菌也很不錯。 最後加埋三文魚茶漬飯，份量十足，湯底清甜順喉，撈埋wasabi 提升了整個飯的口感，整體上加埋這個飯作結，十分滿足，抱著個肚回家。更多

難得放假，雖然要去炮台山整d野，不過咁就一於去銅鑼灣食餐好既。就去食番餐燒肉去豐富下難得既休假。 呢間放題絕對以品質取勝，所有食物即叫即整 雖然係放題但係質素同出去日式居酒屋散叫質素一樣咁好👍🏻 上到去見到坐位都好闊落，唔會逼住食。 裝潢係高級日式居酒屋，望落好高級 睇睇佢menu，除左燒肉，餐廳menu仲有壽司、又有刺...身、茶泡飯果d，夠哂豐富。 一黎就燒肉感覺好油膩，就整d開胃小菜，跟住每樣都叫d黎食下先。 開胃小菜有泡菜凍豆腐同仿翅伴辣海蜇。兩樣冷盤都好開胃。泡菜夠辣，豆腐又滑，配埋一齊又有泡菜既爽脆感，又有豆腐既柔和同豆香。辣海蜇係切碎既，所以既爽口得黎又唔會煙韌得滯，調味就咸咸甜甜咁，都帶辣。 跟住就有我地好鐘意食既鹽炒枝豆。其實枝豆喺香港街市都有得買，但係鹽炒就好有日式居酒屋既感覺，簡單但係就係會一條接一條咁食。枝豆炒得夠乾身，香得黎帶甜，面頭既鹽花簡單調味，食得好開心。 刺身拼盤就有三文魚、赤蝦、北寄貝同八爪魚。赤蝦夠新鮮，有蝦刺身果種爽得黎帶黏既口感，鮮甜好味。三文魚夠肥，我地仲自己輕輕炙燒左一下，魚味仲更加濃。仲八爪魚就比較煙韌，但同樣炙燒左一下之後，口感同香味都唔錯 至於壽司就有鰻魚、蟹籽軍艦、帶子配明太子醬。軍艦岩岩包好，蟹籽同紫菜都好脆口。鰻魚壽司都好香，帶子亦都夠鮮甜。 跟住係主角，係a4和牛既燒肉拼盤，有四個部位既肉。 分別係橫隔肌、前胸肉、腹脅同上小排肉。一睇就見到，無論邊個部位，肉既脂肪度當然夠高，雪花亦都均勻。上小排肉除左雪花，仲有兩邊既油脂。燒完之後部分溶左，油脂感特別勁，特別香。腹脅就比較有咬口，但都只係比較有，因為a4既和牛除左真係筋位，燒完之後點都係好軟熟。前胸肉同橫隔肌就係脂肪最均勻既部位，燒完既香口，牛味又勁，，肉汁豐富，好食。拼盤連裝住既盤都有特色，係惡鬼既樣，既特別又有番餐廳既主題。 燒既野食除左和牛，仲有好多唔同既樣食可以燒。有青醬生蠔同帶子，同埋蒜蓉牛油版。生蠔放喺錫紙兜上面燒，調味料既量岩岩好，青醬夠清新，牛油蒜蓉就夠香濃。帶子就連殼燒，同樣係兩種調味料。一路食肉，一路睇住佢慢慢燒熟，就算開始飽都仲係會食指大動。除左帶子同蠔，海蝦都好生鮮。成隻咁燒，殼會有少少燒燶，但都帶出果種燒烤香味。另外仲青醬同牛油蒜蓉既雜菇，一兜都有唔少，而且有三種菇。 食到七七八八，想整番個茶泡飯做comfort food。佢地既三文魚茶泡飯，大大碗，配料又豐富。香蔥紫菜三文魚鬆，食辣既可以撈埋wasabi。最後再整多幾粒蕃薯仔做甜品，大滿足！更多